تل قلبي تل دلون يتلونه=ثم تعرضله شناظيرن احدادي
عقب ماشفت الغضي لد بعيونه=شفت انا فعيونها حرب وجهادي
ويل حالي لاتثنا على هونه=ضامر السرجوف مركوز الانهادي
والجدايل لانشرها على امتونه=فاح ريح الطيب والمسك والكادي
تشلع القلب المولع مع أركونه=نار حبه فالضماير توقادي
حسبي الله على قلبي ومفتونه=لاعذلته ياهل العرف مافادي
هايمن في حبها لاتعذلونه=والله انه ماتهنا له أرقادي
لو فقدها ياعرب لاتلمونه=عقبها ماله مع الناس مقعادي
لو قعد هل العباير من عيونه=والمصيبه يلحقه قول نقادي
ماله الا الصبر لو زادت طعونه =وان رحل ماله سوا داره ابلادي