ابن نوطان المري في الشيخ منصور ابن مانع ابن جمعه

[مسعطر]

طلبت رب من ترجاه ما خاب=يقبل طلايب واحد مخلص له
ياقاك يا منصور من كل الأسباب=عساه ما ياتي بالأجواد خله
جعل السنافي ما يطول له غياب=اللي عليه نفوسنا مستخله
عساه يرجع للوطن عقب ما طاب=و نشوف كساب الثنا في محله
يباشر المقبل بهلا و رحاب=سهل الجناب مشاهده ما تمله
حسين خلق للرفاقة و الأجناب=و كل العلوم الطيبة منهج له
و تزيد معه المرجلة كل ما شاب=ما هوب من شيبه على الكبد عله
ديوان بيته ما يصكون له باب=له مجلس كل القبايل تدله
لا هوب هذار و لا هوب سباب=و نفسه معلمها على الطيب كله
و صليب راي إن كان جا حزم كلاب=و امنين ما ثقل الحمل مرتكي له
للراية العليا و للطيب كساب=روس الجبال النايفة مدهل له
بحر الندا سقم العدا غيث الأصحاب=بعيد شومات و دماح زله