الله على اللي الى منه درج ويله

[منصور الوذين المري]

الله علـى اللـي الـى منـه درج ويـلـه=زاروق وسط البحـر ناشـوه قناصـه (1)
نرخي له الكيـس فـي شريـه وتمويلـه=نقدي شريناه ماهـو ديـن ومقاصـه (2)
الا شـري مايظـلـل فـوقـه اطبيـلـه=اطبيلتـه روحتـه مـن بعـد رخـاصـه
ومركب(ن)بالظـهـر قـسـام تحويـلـه=ياخذ دبل تانكـي المصنـع بـلا انقاصـه
وتوايـره خمسـة مـن خيـر تشكيـلـه=وايضا جهاز الندا ومري على الماصه (3)
الـى جهـز باقـي العزبـه نسـوي لـه=تشيـك فـي عامـة السامـان والخاصـه
والى خلـص ماحلـى مسـراه فـي ليلـه=ومن عزبته شل عوق الخرب واقفاصه (4)
سواقـه اتشـوش بـه طلعـه وتحويلـه=ومشانق العرق خوف يذب وانكاصـه (5)
يازيـن صوتـه بثالـث عقـب تدبيـلـه=ويجاوبه سايقـه بالصـوت ماعاصـه (6)
يسمـع نشامـى يلاحيهـا وتلاحـي لـه=مافيهـم اللـي ردي وفيـه عواصـه (7)
لاهـود الليـل نـادى هـيـه ياعويـلـه=نبي نصفـر مـادام الليـل مملاصـه (8)
ثـم حولـو والـردي امـه تعـزي لــه=كلن يبي الطيـب فـي دربـه ومخلاصـه
جابو الحطب واشعمو ضـوء تزاغـي لـه=هذا بهيله وذاك يصب فـي الطاصـه (9)
وتجمعـو خبـرة(ن) بهرجـه وتعليـلـه=ماهـي بلعبـة ورق ديمـن مـع هاصـه
وتوزعـو لاصبحـو كلـن علـى حيـلـه=وقـت التحـدي حضـر والكـل قنـاصـه
فـي قافرمادهـلـه شــاوي ولا زيـلـه=ثداه مع عندبـه مازيـن تخلباصـه (10)
هـاذي طـراة العمرمـن قبـل لاتشيلـه=موكلين العمر تبـدا مـن اخماصـه (11)

معاني الكلمات :-
1- زاروق البحر معروف لدى اهل البحر في سرعته خاصة اذا نيش من طرف الصيادين ثم افلت منهم
2- امقاصه بمعنى اوراق التقسيط
3- مري ؟؟ بمعنى ماجلان ،، اول ماوصل لدول الخليج قالو عنه لامري بعد اليوم استناد الى دلالة ال مره بالليالي الظلماء من حيث الأرض ونبتها ونوعها
4- اقفاصه اي قفص الحمام للقوانيص
5- انكاصه بمعنى الرجوع ؟؟ قالو فلان نكص على عاقبيه
6- ماعاصه بمعنى مايكوده ان يتجاوب بالصوت مع حنة ماكينة السياره
7- عواصه بمعنى مافيه رداء
8- مملاصه بمعنى ذهاب الليل سريعا
9- الطاصه هي الطاسه ولاكن الشعراء يجوز لهم مالا يجوز لغيرهم
10- تخلباصه بمعنى متراكب على بعض ،، الثداء هو صغير العندب من الشجر
11- يقولون ان انتزاع الروح يبداء من اخمص القدم (( يالله بحسن الخاتمه ))




منصور الوذين المري

[مهرة النسيان]

صح لسانك ..

وصف جميل ودخلنا جوو معه ..

تشكراتي + تقديري

[منصور الوذين المري]

مهرة النسيان
هلا بك ويسعدني مرورك
دائما سباقه
اشكرك كل الشكر

[! شيخـــــة المنتــــدى !]

قصيده جزله وصعبه في نوعهاا ، لكن ليس على من ابدعهاااا

اخوي منصوور كتبت فأبدعت ، صح الله لساانك ولا هنت على الابيات الاكثر من روعه ، بانتظااار جديدك


تقبل مروري


اختك : شيخــــة المنتدى

[هداج تيماء]

قصيدة رائعة صح لسانك يا الشاعر المبدع منصور المري

[منصور الوذين المري]

هداج تيماء >>>>>>>>>>>>>>> والنعم بألأسم وصاحبه لاهنت يالغالي على المرور والمتابعه
شيخة المنتدى <<<<<<<<<<<<< صحيح انكي شيخة المنتدى من واقع الرد ،، لاهنت وشكرا لكي

[بندر العجمي]

صح الله لسانك



وجززززل وحضووورك جزل ولاعدمناك




وووجهك ابيض يالمبدع




اخووووووووكـ

[منصور الوذين المري]

بندر بن اخضير
يسعدني مرورك ولاهنت يالغالي

[عبدالله بن دريب]

صح لسانك يا منصور .. على

القصيدة الرائعة

دمت مبدع.. أخيك..

[منصور الوذين المري]

عبد الله بن دريب
يسعدني مرورك
ولاهنت يالغالي