من يقول النار عقب الجمر تصبح رماد.. جاهل ٍ في ضرب الأمثال لو صوته جهور

[عبدالله بن دريب]

السلام عليكم و رحمة الله و بركاته
اقدم لك قصيدة من جديدي و اتمنى ان تنال إعجابكم ..
في الشيخ عبدالمحسن بن عبدالرحمن الدامر
والمقصد من القصيدة : شكر و رد ثناء لمن يستحقه

أسألك يا مالك أرزاق و اجال العباد=يا عظيم الملك يا زايد العبد الشكور
زيدني من موهبة شعري بعذب المداد=بآتغنّى في خصايل تضيق بها الصدور
أرزمت في خافقي مثل رعّاد الهجاد=كنّها ديّان و تقول لي : منت معذور
كيف تنسى اللي بطيبه على شرواه زاد ؟=سور منهو من قسى الوقت ما ذرّاه سور
قلت : والله ما نسيته و كنّي في جهاد=كم و كم غنيت طاروق في وافي الشبور
كل ما قلت : الشعر ساد .. وصف الشيخ ساد=يتعب اللي من رهاوه سبح سبع البحور
احسب انّي شاعر شرس و اقدح من زناد=لين وصفه صار عندي مثل نحت الصخور
طال قافي في عنادي و طوّعته عناد=لأجل عين النادر الفذّ من بين الصقور
ذاك ( ابو خالد ) مع الناس له راس الشداد=لو يبور الوقت و الناس لا يمكن يبور
طيب و اخلاق و تواضع ولاهي به جداد=يوم غيره لا كثر ماله اعماه الغرور
من يقول النار عقب الجمر تصبح رماد=جاهل ٍ في ضرب الأمثال لو صوته جهور
و الدليل إليا بغيته مع العلم الوكاد=دوك ( عبدالمحسن الدامر ) السيف البتور
لا نصيته و انت في عينك الدنيا سواد=قدّ لك بعد الولي نور و الفزعات نور
الرجل يزرع دروبه و يقفاه الحصاد=طيب ولاّ عكس للطيب و الدنيا عبور
و الختم صلوا على المصطفى خير العباد=خير من يمشي على الأرض و اللي فالقبور

(صلى الله عليه و سلم)



و سلامتكم

[سعيّد ابوجعشه]

يستاهل أبوخالد وكفو

صح السانك يـ عبدالله على القصيده الجزله ولاهنت

وفي

انتظار جديدك

[ابونايف الوعيلي]

صح لسانك ياعبدالله يستاهل الدامر وكفووو


تقبل مروري

ابونايف الوعيلي

[سعد بن بصيص ال فنيس]

صح السانك

والله لايهينك

ولا قيلة الا في واحدن يستاهل وشيخ من الشيوخ

ومن ناسن فيهم خير ومعروفين عند القاصي والداني

وتقبل مرووووري

[أبو مسعود]

صح الله لسانك ملااييين


ويستاهل بو خالد


لاهنت

[بطاح]

ذاك ( ابو خالد ) مع الناس له راس الشـداد=لو يبور الوقـت و النـاس لا يمكـن يبـور

كفـو كفـو


ونعـم واللـه بـ عبدالمسحـن الدامر ونعم بـ الدامـر كلهـم


عبداللـه بن دريب


صح الله لسانـك وعز اللـه انك جزل


تحياتـي وتقديري

[سعود الخويطري]

ذاك ( ابو خالد ) مع الناس له راس الشـداد = لو يبور الوقـت و النـاس لا يمكـن يبـور
طيب و اخلاق و تواضع ولاهـي بـه جـداد = يوم غيـره لا كثـر مالـه اعمـاه الغـرور
من يقول النار عقب الجمـر تصبـح رمـاد = جاهل ٍ في ضرب الأمثال لو صوتـه جهـور
و الدليـل إليـا بغيتـه مـع العلـم الوكـاد = دوك ( عبدالمحسن الدامر ) السيف البتـور



الله الله الله



صح الله لسانك يـ عبدالله بن دريب



ونعم مليار في الشيخ عبدالمحسن بن عبدالرحمن الدامر


ويستاهل أبوخالد الطيب والعلوم الغانمه



وتقبل سلامي واشواقي

[راكان بن فيصل الحثلين]

الأـخ.عبدالله.
لاهنت على القصيده الجزاله وصح لساك
وتقبل مروري لاهنت


وشــكــرآ..؟؟..؟؟

[محمد الغيثاني]

يستاهل أبوخالد وكفو

صح السانك يـ عبدالله على القصيده الجزله ولاهنت

وفي

انتظار جديدك

[محمد نادر سويد]

صح لسانك ياخوي ولاهنت على هالابداع

تقبل تحياتي