شـــــــــــــاطر .. شــــــــــــــــــــاطر !!

[سمو^المشاعر]

السلام عليكم ورحمة الله وبركاته :ـ


شاطر شاطر !!


انا كاتبة الموضوع من زمان عشان لحد يقول هذي شنو قديمة




لا أنا مو قديمة بس لظروف ما نزلت الموضوع إلا الحين .




طبعا الكل يعرف أغنية المطربة المشهورة




شاطر .. شاطر ..

أثرت بالكبار قبل الأطفال مع الأسف




مع إنها أغنية أطفال ..




بقولكم قصة الشاب الشاطر والشاب الحريص ..




طبعا الشاب الشاطر سمع إن شريط المطرب الفلاني نزل بالأسواق




ركب سيارته وطيرااان عالتسجيلات




لو صلاة بالمسجد ماراح لها بهالسرعة !!




المهم




شرا ثلاث إلى أربع أشرطه ..




دق على ربعه يتباهى




وقال يسمعها بالسيارة أكثر من مره




عشان اذا شغل الشريط بالسيارة يكون حافظ ويغني ويا المطرب جدام ربعه




أمانه شرايكم بالشاطر ؟؟




أما الشاب الحريص بدال مايقط جم دينار على الأشرطة ..




ينزلهم من النت ويوفر على نفسه




هذا طلع شاطر وحريص بنفس الوقت




شرايكم فيه ؟؟




بصراحة هذول من اللي غنت عليهم المطربة أغنية شاطر شاطر !!




المهم نروح للشاطر الثاني ..




هذا أبو شاف ولده اللي عمره 11 سنة يدخن




عصب وبدا يهين الطفل بعبارات جارحة ويضربه ويعاقبه




ولمه سألنا الطفل عن السبب




قال أسوي نفس أبوي !!




بصراحة طفل شاطر ..




يتخذ والده قدوة ..




بس المشكله ان ابوه مو خوش قدوة ..




لاتقول يا ابو ياكبير انا غير




ولا انا غلطت ومابي غيري يغلط




دامك غلطت اسمح لولدك يغلط




لاتنصح وانت مو قد النصيحة




نشوف الشاطر الأخير




طبعا ياكثر الشطار اللي حوالينا !!




شطار من نوع آخر طبعا




شطار بعين متابعين ..شاطر شاطر ..




هذاك الطالب الجامعي اللي يفتخر جدام ربعه انه أحسن واحد يسوي براشيم




يتحدى ربعه انه يغش بدون محد يدري عنه !!




وفعلا محد صاده لأنه يقعد بالساعات يسوي براشيم




لو حفظ اللي كاتبهم بالبراشيم ودرسهم خذا وقت أقل




بس المشكلة هذول اللي يعطلون عقولهم ويعطونهم إجازة أبديه




شرايكم بنماذج الشطار ؟؟




أنا اقترح على المطربة تغير اسم الأغنية من شاطر شاطر




الى فاشل فاشل

[الفرس]

هههههههههههههههه

اما فاشل ...؟؟؟ صدقتي .. فاشل ..!!

تسلمين على الموضوع الطريف والواعي بنفس الوقت ..

[ملاذي]

اختي...العزيزه..!!!

((بنت العلمية..))

طرح ...ممتع... إنسيابي...وشفاف... وبه..تشويق..بالسيناريوا..!!!
اهنيك..اختي..العزيزه...على هذا الموضوع..!!!

إنتي.. ذكرتي..!!!
نماذج..ملموسة..!!

وأغلبها..((سيئه))....!!!

لكن...!!

ماتعتقدين... إن...دور..((الوالدين))!!!
في هذا الجانب.. اكبر....من ((التدخين))...!!

لأنه...لو تعود... يدرس..من صغر... كان شاطر شاطر... ومهب...فاشل فاشل..!!!

لو...عوده... أبوه... أو اخوه..من الصغر...على الصلاه..كان..صار شاطر شاطر..!!

أنا اعتقد ..يرجع..ذلك... الى البيئه... المحيطه..سواء..!!
(( إجتماعية..او ..علمية..))..!!

أختي..بنت..العلمية..!!
رسالة...مفادها..!!
واضح..اللي يبي الزين ...يدله..واللي يبي..الشين..يدله..!!!

أعجبني..موضوعك..الجميل...بجميل..حضور قلمك...!!

دمتي..لله اقرب..!!
اخوك..جلوي..!!

[الغروب]

بنت العلميه

اهلآ بك وبموضوعك ..< الشاطر> في الطرح والانسيابيه ...بس الحمد لله ابشرك ان شاطر الاصلي بان فشله

< اقصد شريط نانسي>...لكن الحمدلله شبابنا فيهم الخير وان شاء الله شطــــــــــار بالمعنى اللي نبغاه

دمتي ودام قلمك المبدع ...كل التقدير والاحترام.

[ناصر بن محمد ال صويان]

تسلم اناملك الكريمة على ماخطت وما كتبت ........... موضوع جميل


وموفقة اختنا العزيزية وفي انتظار الجديد

[&آهــــات الحــــزن&]

يـــعطيــــش الف الف الف عااااااااافيـــــه اخـــتي بــــنت الـــعلميه عـــلى الـــموضوع الاكثـــر مــن رائــع

وسلــــمــــــت لنا انــــامل الابــــــداع

[سمو^المشاعر]

الفرس

الله يسلمج نورتي الموضوع مشرفتنا

جلوي

فعلا دور الوالدين مهم والبيئة المحيطة

اضافة ولا أروع .. شكرا لك

(لولين)

تسلمين يالغالية ..فعلا صدقتي .. نورتي الموضوع

متعب الخيالة

أجمعين يارب شكرا لك

آهات الحزن

مرورك ومشاركتك أجمل من الموضوع .. نورتي

[شيخة الغلا]

[سمو^المشاعر]

شيخة الغلا

تسلمين ماقصرتي فديتج .

[فهد بن راشد الشماله]

بنت العلميه


طرح مميز لقضايا أجتماعيه


للأسف أصبحت عاديه


لأنه يوجد ما هو أدهى وأمر


عش رجباً ترى عجباً


شكرا لطرحك المميز


تقبلي تحياتي