تحبه ولا تبي قربه .. (( تم الحل بواسطة بو عبدالرحمن))

[وافي بن وافي]

اسعد الله مساكم
هذا اللغز البسيط من خوكم المحب ( وافي )
ارجو ان يحوز على رضاكم

انا بسألك ويش الغالي اللي ماتبي فرقاه = يطرّب خاطرك بعده ويكسر خاطرك قربه
تسوقه انت ويقودك مع محواله ومرقاه = تحكّم فيه ويطيعك وتاليتك مع دربه
الى منه سرح يبعد والى منه سرا تلقاه = قريب منك ماعنده ولا علم يخبر به
ولو خيرت بين ابقاء خوانه الاربعه وابقاه = يجوز انك تنذّر بالجميع ولا تنذّربه

[ليــه يازمـــن]

هل هــــــو التــــــــلـــــفــــــون
ولك جزيل الشكر

[ابوعبدالرحمـن]

لاهنت اخي / وافي بن وافي على اللغز

وصح لسانك

محاوله ... النظر ؛ وهو احد الحواس الخمس والمقصود باخوانه الأربعه الشم --التذوق --اللمس--السمع

وش قلت

[العـــسر]

سلامي عليك يا أبو عبدالرحمن
لا إلاه إلا الله

[" مــــابه جديــــد "]

ابوعبدالرحمن مشالله عليك
لادخلت على لغز وعينت اسمك دريت ان موضوعه خالص

لااهنت يالوافي على الغز الوافي

[وافي بن وافي]

ليه يازمن
ابو عبدالرحمن
العسر
مابه جديد


اشكركم جميعا على المرور الطيب والمشاركه
وقد توصل الاخ ابو عبدالرحمن للحل الصحيح
كالعاده الشكر مرة اخرى لمن شارك ومن شاهد
وتقبلوا تحياتي

[ابوعبدالرحمـن]

العســر & " مــــابه جديــــد "

لاهنتوا على الدافع المعنوي

وبيض الله وجيهكم على الثناء والكلام الطيب

والأخ الكريم / وافي بن وافي أشكرك على إتاحة الفرصه ولا تحرمنا من جديدك

[سعود ابن راشد]

الله عليك ابو عبدالرحمن
وتحياتي لك

[ابوعبدالرحمـن]

ارحب يا سعود بن راشد وشكرآ على المرور

والشكر للأخ / وافي بن وافي على اللغز المميز

[هادي بن فهاد]

لاهنت اخي / وافي بن وافي على اللغز
:
:
وصح لسانك
:

الله يحفظك من كل شر ياابوعبدالرحمن مشالله عليك