أقرب ياسعود المهلكـــــــــي !!!!

[عويضه الوقدان]

مساء الخير

,
,
,


بعد ماقريت أسم الأخ / سعود المهلكي قلت أبخذ معه طاروق

مرحبا ترحيب وافي عن أطوال الشبور=قلتها من خاطري والسعد يبرالها
ياسعود المهلكي ماتبا كرت العبور=والأسيره تبغي اللي يفك أغلالها

[سعود المهلكي]

البقى والليل ضوا وزاد النور نور=ياعسى كل الليالي يبيّن أهلالها
أعرف انك ياعويضه ترا منت امعذور=عند ربعك والعرب عزها برجالها

[ابونايف الوعيلي]

الله الله


مبدعيـــن واصلوا ياشعارنـــــا

[عويضه الوقدان]

القضيه واضحه شرحها ضمن السطور=والرساله يافتى الجود تم أرسالها
ربعي العجمان تاقف مواقيف النمور=وأنا أجمل لابتي وأفتخر فأبطالها

[سعود المهلكي]

لاتقلي ساعة الجد انا شاعر شعور=كلها ياخوك بجنيهها وريالها
انت لاتكتب بيوتك وتنظر للحضور=مالك امن الناس بالله والا مالها

[عويضه الوقدان]

خابرك رجال لكنك اليوم معثور=جاك من يشرب فناجيلها وأدلالها
وقعت يا أخوك وسط الحناجر والصدور=والبنيه عارف(ن) عمها من خالها

[هادي بن فهاد]

الله الله

مرحبابكم وصح السانكم لاهنتم وانا متابع عساكم ع القوة

[سعود المهلكي]

ليه دمك في دقيقه من الضيقه يفور=مير أخاف الناس بكره تكر أعيالها
اجتمع قلب المولع مع قلب الغيور=اشغلوها الناس بقفايها واقبالها

[عويضه الوقدان]

أحسب أنك ياعميلي على الشده صبور=مير مالك قلب فأقصارها وأطوالها
ياسعود المهلكي لا تحفرون القبور=جاء معك رجال يعرف لفتح اقفالها

[سعود المهلكي]

انتبه ياورع ياورع ابو سبعة شهور=حافظك فاليد بايمينها واشمالها
من عيال البطن والا من اعيال الظهور=أحسن الشجره عليكم يظل اظلالها