زمان الحضاره

[راشد المري]

اه واقلبي اللي به هموم شديده
اتصبر وسدي باخر الوقت باحي
ما هبل اللي يقول عيش الحياه السعيده
في زمان الرخا والعلم والانفتاحي
في زمان الحضاره والحياه الرغيده
كل شئ مهيا من جميع النواحي
طور العلم كل اللي نبيه ونريده
للفضاء كل يوم يروح فوج سياحي
وان بغيت السفر مافيه ديره بعيده
لم عفشك وسافر فوق سوادء الجناحي
خل عنك البداوه والحياه النكيده
بيع ذودك مع اللي باعها واستراحي
وانزل البرلمان مع الوجوه الجديده
يمكن تفوز بالمجلس وتلبس وشاحي
وخل سهمك بسوط السوق عالي رصيده
ادخل البورصه يمكن تحقق نجاحي
شوف ذا الناس حولك كلها مستفيده
التجاره شطاره قلت مالي صلاحي
شوف ذيبان بقشاره مقيد بقيده
وبديه الرجم والنوقات عندي ضواحي
وبنيه البيت في خطوات دار جديده
في فياض قفر مامرها الا الرياحي
مثل عاما عسى ربي علينا يعيده
يوم انا مربع بالذود بارض فياحي
قال مجنون ما يبغى الحياه السعيده
اشهد انه شهاده حق ماهوب صاحي
ياولد طيع شور اهل العقول الرشيده
وقت بيت الشعر والابل وذيبان راحي
قلت هالحين توه ينكر العبد سيده
ركب راعي الردوف وراعي الكور طاحي

للشاعر جابر الشويرب المري
تحياتى لكم راشد المري

[محمد الشامري]

ياولد طيع شور اهل العقول الرشيده
وقت بيت الشعر والابل وذيبان راحي
قلت هالحين توه ينكر العبد سيده
ركب راعي الردوف وراعي الكور طاحي

الله الله

صح الله لسانك ياراشد ولسان قايلها

ولاهنت على المشاركات الجميله

ولاتحرمنا جديدك

[فهد بن محسن]

الاخ \ تايقر

تسلم على النقل المميز ,,, تحياتي لك

وننتظر منك المزيد

تحياتي مره اخرى

[راشد المري]

ارحبوووو ملاييييين نورتو الموضوع وابشرو بسعد ان شاء الله القاااادم افضل تحياتى الحاره لكم اخيكم راشد المري

[راكان اليامي]

لاهنت يابن مطير وصح الله لسانك ولسان قايلها قصيده تهوول

[حبيب]

راشد صح السااانك يا السنافي


ولاهنت تحياااتي

[ابومحمد الشامري]

لا هنت يا راشد على القصيدة الرائعة صح لسانك يا السنافي ولسان جابر المري

[راشد المري]

ومن يقول والله لايهينكم جميع ومشكورين على الرد