شيلة ياوجود اللي عيونة شقاوية

[مانع الوعيلي]

السلام عليكم ورحمة الله وبركاته

هذي الابيات اعجبتني كلماتها وشيلتها وهي من كلمات الشاعر\مدغم ابو شيبة

واداء المبدع\محمد القحطاني






رابط التحميل

ياوجـود الـلـي عيـونـه شقـاويّـه
مـرّهـا حـلـو المـنـام وتـعـداهـا

كـن بيـن جفونـهـا جـمـرةٍ حـيّـه
مايطفيـهـا سـهـرهـا ولا مـاهــا

بيّتـه ليـل الشـتـا فـابـو حـدريّـه
واحتـداه و حـد نفسـه علـى أقصاهـا

مشكلـة بعـض الـصـدور الجنوبـيّـه
لـو تجيهـا دمعـة الطـيـر تمـلاهـا

العـوامـل والـظــروف الطبيـعـيّـه
غيّـرت مـجـرا زمنـهـا ومجـراهـا

ياوجـود اللـي عـشـق لــه (.فلانية ...!!)
فـي صـلات الرحـم ماهـوب ويـاهـا

مـن تحبّـه لـو تحبّـه علـى النـيّـه
برّكـت بأقصـى ضلـوعـه مطايـاهـا

ذوقتـنـي هجـرهـا ثـانـي ضحـيّـه
و اصطلـت روحـي علـى حـر فرقاهـا

طيّـرت مـن غصـن الاشـواق قمريّـه
ورهنتـنـي فــي هـواهـا ولامـاهـا

حايـلٍ مـن دونهـا حــول وشـويّـه
مـيـر مالله حـايــلٍ دون ذكـراهــا

كـل حاجـه باقـيـه مـثـل ماهـيّـه
ماسـرا معهـا عـلـى درب مسـراهـا

كـود عضـوٍ (فـي جهتـيّ الشماليّـه)
فـاع مـن عـوج الحنايـا وخـاواهـا

ودمـعـةٍ نطّحتـهـا راحــة ايـديّـه
( افففف ) ياماحرّها و ( احححح ) مقساها

حوّلتـهـا يــوم قـالـت وداعـيّــه
و استباحـت سترهـا فـوق ماطـاهـا

حيلـتـي لاهـبـت الـنـود عصـريّـه
قمـت مـع كـل الجـهـات آتحـراهـا

وأمسـت الفرحـه يتيـمـه ومنسـيّـه
فـي عيـون حرقـة الوجـد تصـلاهـا

عـن خدينـات التـرف نفسـي امعيّـه
لـو تجينـي مثلهـا كنـهـا ايـاهـا !!

مـن غـدت منـه ( الذلـول العمانيّـه )
ماتعـوضـه ( نـاقـة الله وسقيـاهـا )

دكّـت ضـيـوف المعـازيـب رجلـيّـه
مابقـى الاّ ضيـفـةٍ فــوق مركـاهـا

سيـرةٍ مـن وحـي عاميـن هجـريّـه
ودّي أنـسـاهـا ولا ودّي أنـسـاهــا

المـعـالـم والـرســوم الطـلالـيّـه
مايحـفـظ أمـجـادهـا الا بقـايـاهـا

ذكـريـاتٍ تعـبـر العـمـر طـرقـيّـه
وذكريـاتٍ فــي وطنـهـا ومربـاهـا

وصـورةٍ فـي متحـف البـال مطويّـه
كــل يــوم آفـلّـهـا وآتهـجـاهـا

مـن لهـا قــدر أوّلـويّـه وأهمـيّـه
ماشعـرت بغـربـة الــروح لـولاهـا

والـذي نفسـي بـيـده إنّـهـا لـيّـه
أقـرب مـن كفوفهـا عـنـد حنـاهـا

لـو جفتـنـي والعـيـون الشقـاويّـه
مـرّهـا حـلـو المـنـام وتـعـداهـا



وسلامتكم

[ثامر الشميعان]

صح لسان الشاعر ابو شيبه
بس الصوت وينه
لاهنت يامانع على كل حال

[مانع الوعيلي]

موجود الصوت ياثامر
ولاهنت على المرور ويعطيك العافية

[ثامر الشميعان]

هالله هالله لاهنت ياعبدالله على التعديل توه يطلع الصوت لي
يعطيك العافيه مره ثانيه يامانع

[مانع الوعيلي]

الله يعافيك ياثامر

[عبدالله آل عامر]

تسلم يمينك والله لايهينك يا مانع على هالقصيدة الكايفة
:
صح لسان السبيعي وصح صوت القحطاني
:
ثامر أنا أضفت رابط التحميل بس ..
:

[مانع الوعيلي]

ولاندمت ياعبدالله ولاهنت على اضافة الرابط ويعطيك الف عاااااااااافية