وصية الطفله وجدان للشاعر عبدالله اليامي

[الخديدي]

[fot1] وجدان واختها صغيره[/fot1]

قصيدة رائعة كتبها الشاعر الفذ (عبدالله عبيان اليامي) على لسان الطفلة ،،
(وجدان ناصر الكنيدري)والتي اغتالتها يد الأرهاب في احداث التفجيرات التي تعرضت لها بلادنا الحبيبه
فأخذ عبدالله يضغط على الجرح لتسيل القلوب حزنا وينهمر الشعر الجميل في قصيدة صاغها بأحلى الأبيات واروعها ألقها في شاعر المليون
فالله درك ياعبدالله

قلت السعودية وناض البرق وضاح الحبين=ودهت صقور يفري كبود العدا مضرابها
قالوا ترابك من طين قلنا لاحشا ماهو بطين=ياموطن التاريخ والكعبة وريح أطيابها
اليوم هبة ريحة الجنة بدرب الغانمين=ليه مدام الشهادة شرعت لي بابها
طفلة ولكن مايزعز عني كلام الخاينين=لابارك الله في الوجيه الفاسدة وارهابها
محمد الدرة هزم شارون واهتزت جنين=وموتي يهزم الحية الرقطا ويكسر نابها
يمه عسى ربي على الفرقا يعين الصابرين=ودعتك الله يامدينه ماتبيع اترابها
يمه حمام الدار يمه لوسأل وجدان وين ؟؟=وغنا وقال الله عليها طولت بغيابها
قولي لك الله مايموت الحق عند المسلمين=مدام للسفين والنخله وطن يزهى بها
ولامروا أطفال المدارس وامتلأ صدرك حنين =تذكري المريول والطفله وعطر ثيابها
ضمي فساتيني وقولي للدفاتر كلمتين=وجدان راحت وانكسر غصن ذبل بأسبابها
يمه وقولي للوطن يمه صباح الياسمين=لجله نبيع الروح يمه مانحسب حسابها
والشمس لاغابت ورا الغيمه وفاضت كل عين=تبقى وصيتها تزف النور وسط كتابها
الريح تصرخ والجبال الشم يمه ماتلين =في ظل قادتنا هل العوجا تهون صعابها
يمه وقولي للسعودية بلاد الآمنين=أموت واحيا واندفن بترابها

صح لسانك ياعبدالله ورحم الله شهدا هذا الوطن الغالي وحماه من كل مكروه


تحياااااااااااااااااتي لكم

[مسعطر]

الله يرحم الطفلة و يسكنها الجنة ..
صح لساان عبدالله ابن عبيان اليامي
و صح نقلك و إختيارك الجميل ..
تحياتي و إحترامي أخي الخديدي..

[&آهــــات الحــــزن&]

الله يرحمهااااااا ويسكنها الجنه

صح لسان الشاعر عبدالله ابن عبيان اليامي

ولاهنت على النقل الراااائع

[الفرس]

يمه وقولي للوطن يمـه صبـاح الياسميـن=لجله نبيع الروح يمـه مانحسـب حسابهـا
والشمس لاغابت ورا الغيمه وفاضت كل عين=تبقى وصيتها تـزف النـور وسـط كتابهـا

الله

صح لسان الشاعر عبدالله ...

وسلمت يمين ناقلها ..


تقبل من ازكى تحيه ..

[بطاح]

صح لسانك ياعبدالله ورحم الله شهدا هذا الوطن الغالي وحماه من كل مكروه




الله لا يهينك يا الخديدي على نقل القصيدة

[الخديدي]

مسعطر الله يسمع منك يارب والف شكر لك على مرورك

[الخديدي]

آهات الحزن


الله يسمع منك يارب

والف شكر لك على مرورك

[الخديدي]

الفرس


ربي يسمك ان شاء الله

والف شكر على مرورك

[الخديدي]

بطاح

لاهنت والله شرفت وانا اخوك

[مسفر مبارك]

صح لسانك ياعبدالله ورحم الله شهدا هذا الوطن الغالي وحماه من كل مكروه




الله لا يهينك يا الخديدي على نقل القصيدة