راكان بن حثلين ( يا فاطري خبي طوارف طميه )

[محمد بن دويش]

هذه قصيدة الشيخ \ راكان بن حثلين ,,,,, بعد قدومه من الاسر في تركيا .. وهب الى حائل لزيارة ابن رشيد

يا فاطري خبي طـوارف طميـه = إلى زمالش لون خشم الحصانـي
خبي خبيب الذيب فـي جرهديـه= لا طالع الشوان والليـل دانـي
خبي طميـه والريـاض العذيـه= وتنحري بـرزان زيـن المبانـي
وصل أخو نـوره لـزوم عليـه = قبل الحبيب وقبل قاصي ودانـي
وإليا قضيت اللازم اللـي عليـه = اللازم اللي ما قضـاه الهدانـي
حط الجدي من فوق ورك المطيه= وبنحورها يبدي سهيل اليمانـي
نبغي تسيـر لديـرة العوسجيـه = ريحة نسمهـا كالزبـاد العمانـي
لومي على الطيب ولومـه عليـه = وراه ياخذ عشقتـي مـا تنانـي
ليته صبـر عاميـن والإضحيـه = وإلا توقع صاحبي ويـش جانـي
أما قعد راكـان ذيـب السريـه = وإلا يجي يصهل صهيل الحصاني
روحي وأنا راكان زبن الونيه= ما يقبل العقبـات كـود الهدانـي

تحياتي