(فكري يوصلني مدارات الكواكب والنجوم=وجسمي يوردني على شيٍ سوات المقبره)

[محمد المحيريق]

مساكم الله بالخير هذي قصيدة جديدة حبيت اضعها بين ايديكم ارجو ان تنال اعجابكم ,,,

الله وكيلك يا سمي اللي عطاني كل يوم= شي آتمسك فيه لكـنّـي عجزت ولا اقدره
اليا بغيت اوصـّـل الحروهـ وقلت اني باقوم=يهـّزني شـّذاب راس الضلع واطيح حدره
آقف على الدنيا برجل الصبر وتزيد العزوم=يا ليت في مستقبل الايام مثل المنظره
عشان احدد قسمتي فالوقت وارضى بالقسوم=عساي اشوف بتالي الايام خِيره وخْيَره
فان صرت في دنياي لا معطى ولاني بمحروم=اعيش طول العمر مثل العالم المتكرره
لكنني شاعر تعدته المنايا بالسهوم=لكنها ما اخطته دنيا الهم سهم يقهره
لوكنت مدرك غايتي ما كنت عايش بالحلوم=عجزت اوصل خيط تفكيري لحبل الحنجره
فكري يوصلني مدارات الكواكب والنجوم=وجسمي يوردني على شي سوات المقبره
لكن موج الوقت طامي عكس ما هو بـمعلوم=ومن لا يواكب موجة التيار وقته يجبره
"امن اوّلى يوم الوفي يفقد ما تقفاه العلوم=تبقى البشر بافعاله البيضا وعلمه تذكره
واليوم يفقد راعي الوقفات في ليله ويوم=كنه اليا منه توفى ... والناعي ..."

وســـلامــتــكــم

[وافي بن وافي]

لاهنت يابن محيريق صح لسانك وبيض الله وجهك .. لك مني أجمل تحية .

[طليقان]

صح لسانك يا بن محيريق ..جزلة من جزل.!

[محمد المحيريق]

وافي بن وافي مرررررحبا ومسهلااااا لا هنت على المرور والتعطير

[محمد المحيريق]

طليقان مررررحبا ومسهلاااا صح بدنك لا هنت على المرور والتعطير دمت بـودّ

[ِِِAL 3ajmiah]

وانت سالم وغانم

صح لسانك ع القصيدة .. ولاهنت ~

[محمد المحيريق]

العجمية مررررررررحبا ومسهلا لا هنتي على الحضور والاطرا دمتي بـودّ