هذا وسجل يا قلم فوق قرطاس

[الجنوبيه]

ياكذبها قولت : ( ترى الناس للناس)
.................... والسالفه ما عاد تحتاج تفكير !
اما تصير بموقفٍ يرفع .. الراس
.................. ولا عساها ما تحقق ولا تصير ..
قد لي ثلاث ايام حاير ومنحاس
.................. الحال ما به خير واقول انا بخير !
خايف تشمت عاذلٍ فيه وسواس
................. مهما تصاغرني يحس اني كبير ..
من زود همي ما جذب عيني انعاس
............... كن السهر ( حاتم ) وجفني ( مسايير ) !!
كل النتايج تعترفلي بالافلاس
............... واضحك على نفسي واسوق التباشير ..
يا حظ ليتك تحشم معرّب الساس
................. ما كان جاني منك.. زله وتقصير ..
مابيك تغريني بضحكه ومجلاس
................. لو القناعه كنز عندي انا غير ؟!
لا ماقتنع بالطيب بحدود وقياس
................ يكبر فعين الغير وبعيني صغير ..
وان قلت شوف فلان يحطب بلا فاس
.................... بقول : ( لو به خير ما عافه الطير !! )
هذا وسجل يا قلم فوق قرطاس
.................... ابيات ما ودي تمر دون تفسير ..
اللي يبي صيتٍ وذكرٍ بنوماس
.............. يقضي حياته ما يحسب المخاسير ..
و
اللي يشوف الصح في فعل جساس
.............. بتشوم نفسه عن فعل سالم الزير !!
واللي ما حاش المجد بالدرع والطاس
................ ما هي بعيده.. لو يذم المناعير ..
واللي ما تطرب نفسه لفزعة ( دباس )
.............. من دون فزعاته يحصل معاذيير ..
يقوله اللي فوق خشم الخطا داس
.............. وطويق ما يشرهه على قاعت البير !!

[مانع الوعيلي]

الله الله
ولاهنتي يالجنوبية على نقل القصيدة الجزلة ويعطيش العافية

[ناثرة الورد]

{{ الجنـونيـهـ }}

,
,

يعطيكـِ الف عافيه علي هالاختيار المميز
آآبداع غير مستغرب منكـِ
دمـتي بهذا الرقي

تقديري ..,

[عليل المحبه]

يقوله اللي فوق خشم الخطا داس
.............. وطويق ما يشرهه على قاعت البير !!

ياسلام

صح السان قايلها

ولاهنتي ياجنوبيه على الجزاله