سلام الله سلام(ن)فيه للعاقل كلام(ن)زين

[البركان الثائر]

طاروق للجميع

سلام الله سلام(ن)فيه للعاقل كلام(ن)زين=وللجاهل كلام(ن)شين يزعل وأسر يا ساري
يا وين أربوعنا الأقصين وألا أربوعنا الأدنين=حصان(ن) لا نزل ميدان يصهل وأسر يا ساري

[فهد بن محسن]

ارحب يالبركان

الله حيه

المعذره عن التاخير والله ماشفت موضوعك الا ذلحين طال عمرك

استلم لاهنت

هلا يامرحبا ترحيبةٍ تقضي جميع الدين = عن المديون عندي غير يعمل واسر ياساري
ليامن ثور البركان نأتي مابها بعدين = هل المسكات والفكات تجهل واسر ياساري

تحياتي للجميع

[البركان الثائر]

هلا بك يا فهد والله يحييك

يدوم ابك البقا يا اللي مكانك وسط نون العين=لكنك كل ما صليت هلل وأسر يا ساري
يا ابو محسن نبيها حاضر بحاضر سوات ألحين=بدايتها ونهايتها تهول وأسر يا ساري

[هداج تيما]

لا هنتم وانا بصف ابو محسن

[البركان الثائر]

هداج لا هنت

[أبو ناصر]

البركان الثائر وفهد بن محسن

ابداع واصلوا وحنا متابعين

[فهد بن محسن]

هداج تيماء

ومن قال مايهون وصح بدنك

سمو الامير

ارحب والله حيه متابعتك شرف لنا

البركان الثائر استلم لاهنت

اجل خلك هنا ياشيخ لاتغدي يسار يمين = وانا اختم صلاتي بالتنفل واسر ياساري
على كيفك نسريها ولو ان العرب دارين = توضحها نخفيها توكل واسر ياساري

تحياتي للجميع

[البركان الثائر]

استلم يا ابو محسن

شهور ماضيه وأيّام وأليال(ن) مضت وأسنين=أدوّر مع جميع الناس همّل وأسر يا ساري
يزعلّني يا أبو محسن رفيق السوء أبو وجهين=يموت اللاش ما عمره تجمل وأسر يا ساري

[البركان الثائر]

سمو الامير لا هنت هلا بك

[عبدالله الوعيلي]

على كيفك نسريها ولو ان العرب دارين
توضحها نخفيها توكل واسر ياسـاري

اعجبني ذا البيت لابو فيصل


يزعلّني يا أبو محسن رفيق السوء أبو وجهين
يموت اللاش ما عمره تجمل وأسر يا سـاري

واعجبني ذا البيت للبركان الثائر

البركان الثائر
فهد بن محسن

واصلو الله يعطيكم العافيه