مجالس العجمان الرسمي

العودة   مجالس العجمان الرسمي > ~*¤ô ws ô¤*~المجالس الأدبية~*¤ô ws ô¤*~ > مجلس المحــــاورة والألغاز الشعرية

 
 
أدوات الموضوع طرق مشاهدة الموضوع
Prev المشاركة السابقة   المشاركة التالية Next
  #1  
قديم 02-08-2009, 01:08 PM
عاشق الأماكن عاشق الأماكن غير متصل
 
تاريخ التسجيل: Jan 2006
المشاركات: 169
معدل تقييم المستوى: 19
عاشق الأماكن is on a distinguished road
تعالوا للمحاورة النارية بين شاعر قلطة الوطن / سعيد الحبابي وعلي بن قحصان في بـــــــ

بسم الله الرحمن الرحيم
السلام عليكم ورحمة الله وبركاته

مساء الجمعه 1/ 8 /2009 م كان ليلآ غير عادي بحضور مجموعة من شعراء المحاورة في
بلاد الحباب كان في مقدمتهم علي بن قحصان وسعيد بن زهرة الحبابي وسعد بن رمثه وغيرهم وكانن ذروة المحاورة عندما تقابلا بن قحصان وبن زهرة في مواجهة كشف الغطاء والتحدي واثبات الذات حيث كانت البداية لأبن قحصان بالموال الرائع التالي :ـــ

عزمتنا ياسعييد عند اللابه أصحاب الفخر
مدري تبي تفي شهر ولا تبي تنقص شهر
لاشك عشرك يابن زهره مثل ماكانت عشر
أقولها واللي عقد روس الحبال يحلها



ورد عليه بن زهره قائلا :ـ

عزمتكم عند العرب وابناء العرب واصل العرب
اصرف ريال اصرف ريال اصرف ذهب اصرف ذهب
ولا تعجّل ياطويل العمر وابشر بالشبب
اقولها واللي عقد روس الحبال يحلها


ابن قحصان :ــ
ياللي عزمتوا ماعزمتوا إلآ الرجال الوافيه
انتوا خذيتوا وافيه واحنا خذينا وافيه
وانا مالديت النظريابن قحطان خلافيه
اقولها واللي عقد روس الحبال يحلها


ابن زهره :ـ
ما حن بنعطينكم سوى اللي تستحقونه فقط
ولاتميز في الحروف إلآتدقق فالنقط
ما للغلط ياصاحبي في ذمتي إلآ الغلط
اقولها واللي عقد روس الحبال يحلها


ابن قحصان :ـ
اللي خذا رزقه يحب ايده على مالله عطاه
واللي خذينا بندقه بكره نبا نكسر عصاه
والدين ياقحطان وان عشنا نبا ناخذ قضاه
اقولها واللي عقد روس الحبال يحلها

ابن زهره :ـ
انتوا خذيتوها ولكن ماخذيتوها نقا
وحنا خذيناها على وضح النقا وقت اللقا
ياللي تدور للشقا بكره بتلقا لك شقا
اقولها واللي عقد روس الحبال يحلها

ابن قحصان :ـ
اين المروه ياسعيد اللي تقول إنك بدوي
وين النقا والذيب من فوق الطويلات يعوي
تكفون ياقحطان يا اصحاب المواقف والخوي
اقولها واللي عقد روس الحبال يحلها


بعدها تدخل جمع من كبار السن وطلبوا أنها المحاوره التي كانت في ذروتها بين الشاعرين وكانت تدور في مجملها حول قتل العامري عندها لبى الشاعرين الطلب وجرى دخول ابن رمثه والبورعي اللي كان ملقمها قشروسرينا والمحاوره لاتزال سجالا بين الشعراء بيد أن حدتها إنخفضت بعد هذه المحاورة الساخنه.
اتمنى لكم المتعه معها وتقبلواجميعاً فائق التقدير والإحترام..

 

التوقيع

 



لي جيت أنا باسامحك عيّت يدي لا مدهــأ.

 
 
رد مع اقتباس
 


الذين يشاهدون محتوى الموضوع الآن : 1 ( الأعضاء 0 والزوار 1)
 

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع إلى

المواضيع المتشابهه
الموضوع كاتب الموضوع المنتدى مشاركات آخر مشاركة
أسماء الشعراء المشاركين في قلطة الوطن 2 بندر العجمي مجلس اخبار الشعراء و مسابقات الشعر 5 05-04-2009 06:27 AM
سعيد بن زهره الحبابي شاعر « قلطة الوطن » و يكسب « المليون دولار » سعود الخويطري مجلس اخبار الشعراء و مسابقات الشعر 3 13-07-2008 12:16 AM

 


الوقت في المنتدى حسب توقيت جرينتش +3 الساعة الآن 04:40 AM .


مجالس العجمان الرسمي

تصميم شركة سبيس زوون للأستضافة و التصميم و حلول الويب و دعم المواقع