..أبيات قصيرة رسائل جوال

[(العقيد)]

السلام عليكم ورحمة الله وبركاته


هذه أبيات منوعة مهداه لأعضاء منتدانا الغالي علينا
قلنا تصير للجوال لعل وعسى وتراها منقوله


يالله استلموا



اخاف ابوح بسـر قلبي و شكواي
و تصير نفسي بين ربعي ذليله
اضحك ودايم بسمتي تسكن شفاي
و من شافني قال محدن مثيله
و انا بجـوفي هـم و النار بحـشاي
و الجرح ينزف و الليالي طويله
(غير معروف) ...

::

عرقن بقلبي لاذكرتك تحرك
مدري هو نذير الموت ولا نذيرك ؟
(غير معروف) ...

::

يقول احبك وطعناته بقلبي ماهي شويه!
اجل لاجا يكرهني دخيلك كيف بيسوي؟
(غير معروف)...

::

لاترتفع بالحيل ياطير شلوى
ترى زمان البين مايرحم الريش
ماطار طير إلا على القاع دلوى
قد قالها قبلي رجال(ن) مداغيش
وترى الكبر والكذب فالرجل بلوى
اركد وخل السمن يركد على العيش
(غير معروف)...

::

ول ياكبر القهر لاصار ما بـ اليد حيله
والجروح من القرايب والخطا مني وفيني !
إن نويت اشفي غليلي ما لقيت أية وسيله
كيف ابلقى دام جرحي سبته طعنة يميني ؟!
(غير معروف) ...

::

تكفى يابو قلبي وعمّه وخاله
تكفى يابو كل الجروح القديمه
تكفى تعزيني بجرحن بقاله
في خاطري مثل انتظار الهزيمه
لديت يمّك شفت جرحك لحاله
ولديت يمّي شفت ضحكه يتيمه !
(غير معروف) ...

::

اخاف ابوح بسـر قلبي و شكواي
و تصير نفسي بين ربعي ذليله
اضحك ودايم بسمتي تسكن شفاي
و من شافني قال محدن مثيله
و انا بجـوفي هـم و النار بحـشاي
و الجرح ينزف و الليالي طويله
(غير معروف) ...

::

صليت شفعي ولا سجيت عن وتري
ومن الوله فاضت انفاسي على ثيابي
قلت اكتب الحب واقطع حيرتي واسري
لين آصل الصبح واشرف على غيابي
حبيبتي مابعدك احباب في صدري
واللي قبل لاعرفك خليهم احبابي
(نايف صقر) ...

::

باضبط الدله واصف الفناجيل
وبسمعك بيتين وافهم دليله
لا غبت عني كن مابه رجاجيل
ولا صرت حولي كن عندي قبيله
(غير معروف) ...

::

ياصاحبي هانت عليك المحبه
لا واحسايف عقب هاك المواثيق
جمر الغضا في وسط قلبي اشبّه
نارٍ حطبها يابسات المعاليق
كاسٍ مليته بالوفاء لاتكبّه
خله يبلل بالوصل يابس الريّق
صـبّـه بقلبي ثم مله وصـبّـه
وان كان ودّك غــرّق القلب تغريق
دام الهوى راسي وراسك ...

::

كانك على قولك تمنى لي الخير
ساعدني أنسى حبك اللي خذاني
خلي حياتي تنقلب كلها غير
وانسى الحبايب والزمن والمكاني
حبي لك أبلغ من كل الأساطير
ما له بقاموس الهوى وصف ثاني
لا شك أنا أشعر بالنهاية وش تصير
واحسب حساب فراقنا بالثواني
(سعود بن بندر) ...

::

بعض الجروح ان جت من اغراب عادي
الموت موت الجرح لا جاء من اقراب
(صنيتان المطيري) ...

::

ان مات غالي..قلت حيل الله اقوى
انا آدمي مثله ولا فـي يـدي شي
ماهي بسيطة موتته..لكن اشوى
المشكلة لا مات قلبه وهو حي!
(ملفي الشلاحي)

::

ياشين بعض القصيد وياثقل دمه ..
لامن قريته كرهت الشعر وعلومه !!
ويازين بعضه تقل كني ولـد عمـه..
من زود حبه .. جعل يومي قبل يومه!
(محمد جارالله السهلي)



أرجوا أنها نالت على إعجابكم


تقبلوا تحياتي