،،::،، صور من مائدتي الرمضانيه ،،::،،

[الغروب]

السلام عليكم ورحمة الله وبركاته

ماشاء الله اطباق ولا اروع

يعطيكم العافية .

[الريمي 2009]

السلام عليكم ورحمة الله وبركاته

عندي مداخله صغــــــــــــــــــــــــيره على الموضوع

سالفة اني اصور انسوها هههههههههههههههه

ولكن انا اشوف ان الموضوع اخذ اتجاه جانبي شوي يعني الموضوع الحين صار بدون فائده مع احترامي الشديد لصاحب الفكره ومع احترامي الاشد لجميع الاعضاء المشاركين في الموضوع

يعني كل واحد يجيب صوره ويحطها وبعدين ؟

ما احد استفاد بس شوف وحرق جوف ههههههههههه

انا اقول لو اللي يعرض صوره يتفضل باضافة المقادير وطريقة الطبخه انا اشوف انه يكون الموضوع اجمل واكثر فائده صح ولا لا؟

طبعا واجد من الاخوات بيتوهقن خصوصا بالطريقه اما المقادير محلوله ههههههههههههه
وانا الهدف من كلامي والله العظيم هو الرقي بالمنتدى فقط لا غير واضافة فكره للموضوع لا اكثر ولا اقل

والراي رايكم طبعا


واسف على المداخله والازعاج

اخوكم الشيف الريمي ههههههههههههه

[الغروب]

الأخ الكريم الريمي 2009

حياك الله

وبعد الأذن من القديرة فنــون

نرحب برأيك ونحترمه ,,, وهنا الموضوع كما حددته الاخت فنون خاص بـ صور من مائدتي الرمضانيه والغير منقوله
كما انه لامانع من وضع الطريقة كما هو في كثير من الاطباق المصورة ,,,
وحتى لايكون تكرار للمواضيع المدرجة في مطبخ المجالس
ولك جزيل الشكر .

[عبدالله بن شيبان]

ماشاللله عليكم اثاريكم بلشتوا بهالموضوع هون وانا ادوره بقسم المطبخ ..!!
:
صراحة مو وقته اشوف هالموضوع لكن شنسوي ندور الاجر
:
وبالنسبة لكلام "الريمي"
انا اقول لا يصير الموضوع الزامي علشان الكل يشارك
يعني لو كل واحد بيشارك لازم يكتب الوصفة والمقادير كان ما نشوف مشاركات
:
فانا اتفق معاك بالنسبة لكتابة المقادير والطريقة ان وجدت
(ولا بأس بذكر اسم الطبق لوحده فقط)
:
وكل الشكر لكم

[الريمي 2009]

السلام عليكم ورحمة الله وبركاته

اختي الغروب

يعطيش العافيه على الملاحظه وتسلمين وانتي اختنا الكبيره

ولكن انا ماحبيت احد يفهم كلامي خطأ
انا اللي قصدته لو تذكر الطريقه والمقادير من الطبخات اللي تنحط كان افضل للمتصفح وتعم الفائده اكثر
واضرب مثال باخوي القدير مسفر مبارك في احد الصفحات من الموضوع جايب طبخه او طبق من عمل البيت طبعا كما هو قانون الموضوع ولكن طبق بالنسبه لي اول مره اشوفه وحبيت لو عرفنا طريقته ومقاديره فهمتي اختي العزيزه
لان الموضوع يقول من مائدتك الرمضانيه يعني من اطباق البيت
وشيئ طبيعي ان كل بيت له طبق خاص وكل بيت له اسرار على قولهم واضرب مثال والامثال تضرب ولا تقاس:
مثلا اهل الشمال عندهم طبخه والله مايحضرني اسمها الحين ولكن تقريبا مثل التشريب ((الثريد))ولكن بطريقه تختلف عن طريقة اهل الجنوب,,والمقصود مما ذكرت بان الواحد يجيب شي مانعرفه ويضع طريقته ومقاديره يكون فيه فايده الموضوع اكثر بعكس لما تجيب صوره وتحطها وتعالوا شوفوا..... وبعدين؟
وارجع اقول الامثال تضرب ولاتقاس
اما قسم المطبخ اللي فيه اطباق معروفه او شبه معروفه وتنوجد في اي كتاب طبخ في اي مكان يعني مافيه شي جديد
مع احترامي لجميع من كتب في هذا القسم

ومثل ماقلت سالفا الراي رايكم اخواني واخواتي
وارجو من الجميع إما قبول ماكتبت او تجاهله وعلى عيني وراسي اعزائي
اختلاف الراي لا يفسد للود قضيه

احتراماتي

[الغروب]

سلطة الخضار المشوية

[الفجــر البعيـد]

السلام عليكم ورحمة الله وبركاته

بصراحة يعطيكم العافية ..

أكلات تجننننننننن ..

تعبت نفسيتي من الصور اللي حاطينها ..

خصوصا السمك ..

وإن شاء الله بصور لكم من مائدتنا ..

يعطيكم العافية ..

[الغروب]

الفجر البعيد

حياكِ الله

نورتي المائدة

واللي يدخل لازم يجيب حاجه بس لانك اول مرة سامحناك

ولكِ حلى الرمــــــان

[شموخ نجديه]

كل الشكر لصاحبه الموضوع

ولي عوده ان شاء الله

تحياتي

[فنون]

اخوي الريمي

مثل ماقالت اختي الغروب الموضوع هنا مو شرح للطبخة والا كنا وضعناه في قسم المطبخ

لكن هنا الموضوع هو ذكر مائدة الافطار ومشاركة الجميع بها

وبعد مايمنع من ان العضو يكتب الطريقة لكنها صعبه اعتقد وذلك لأن اغلب الاعضاء مشاركين رجال ونساء ومااعتقد ان الرجل راح يذكر لك طريقة العمل لأنه مو هو اللي مسوية لكنه هو اللي اكلها وشاركنا بفطورة معاه