في الوفاء سلمان ما له شبيه ولا مثيل ( للشاعر / فهد بن محسن العرجاني )

[Al-Ajmi]

في الوفاء سلمان ما له شبيه ولا مثيل

جمّليني يا هجوسي بقدر المستطاع=وافتحي لي باب الامداح والشعر الجزيل
موقفي غصّاب وفجوج موضوعي وساع=كل ما سطّرت لي بيت جهّزت البديل
واقفٍ باسمي وباسم القيادة والقطاع=وقفةٍ من دونها لا نحيد ولا نميل
عن صقورٍ تحتمي الدار وتراب القلاع=لا دنا وقت المواقيف وارتاب الذليل
أرحب أرحب يا حسين الفعايل والطباع=في الوفاء سلمان ما له شبيه ولا مثيل
مرحبا يا صامل الهرج والرأي المطاع=يا مذلّل هامة الصعب عشق المستحيل
تفتخر كلّية الفيصل الفذ الشجاع=وفي حضورك تكتمل فرحة الحفل الجميل
جيّتك تشريف للحفل والفرحة تذاع=والمدايح في سموّك لها باعٍ طويل
الوزارة تفتخر يا وزيرٍ للدفاع=تفتخر بقدوم سلمان يالسيف الصّقيل
زفّك القائد وفرحو حميدين ألمساع=والوزارة تنقش الكفّ وتكدّ الجديل
يا ولد من وحّد الدار واشتلّ القناع=المرصّع بالجهالة وبالعرف القليل
سبع ليلٍ لا سرا الليل ما يسري ضياع=لا يم أطراف الوطن فوق جيش وفوق خيل
بدّل اوضاع البلد من تفرّق لاجتماع=واستساد الدين والأمن والخلق النبيل
وانطلق ترتيب الامجاد والدولة وشاع=ذكر ما وصلت له المملكة في كل جيل
أيه لن السبع خلّف بعد موته سباع=وإيه لن البذر يعطيك منتوج الحصيل
كل ما غيّب قمرنا بدا نور وشعاع=وكل ما نفقد سليل أنتبدّل به سليل
ننعم بفضل الله وثم كاسين الجياع=الملوك اللي مواقيفهم تنجي الدخيل
في تطوّر وانتهاضة وقمّة وارتفاع=وغيرنا في ذل وإحباط مجروح وقتيل
يا ولاة أمورنا بالولاء والاقتناع=ابشروا بالشعب كله ليا قدح الفتيل
والله ان اعمارنا لا دعى الموقف تباع=دون عبد الله وبيت الله نضدّ القبيل
حن رجال ألفيصلي لا هفى صوت الرعاع=ننثني للموت ويصير عاقلنا هبيل
إن بغانا جوجو وان بغانا قاع قاع=وان بغانا فالمحيطات ما نبغي دليل
ندحر العدوان والتفرقة واهل النزاع=ونتكاتف بالمحبة ولا نرضى العميل
من نوانا شبر في حدنا ندحره باع=ومن نوانا ليل يبشر بنا عشرين ليل
والله إنها كلمة الحق ماهي باصطناع =والمشكّك يدحر الشك والذل ويعيل
اذكرونا لا دعا في نهار الكون داع=وافخروا بالشعب لا قال ما نرضى بديل
والختام اسلم وسلّم وهاك الانطباع=من رجالٍ لو تميل الليالي ما تميل

النقيب الشاعر - فهد بن محسن بن رادعه العرجاني

http://www.al-jazirah.com/20111215/tr1d.htm

[‏الحر القطام]

النقيب الشاعر - فهد بن محسن بن رادعه العرجاني


صح لسانك مليون ولا يكفون

[لبيك]

صح لسااانه

و يستااااهل طويل العمر ابو فهد

و هو كفووووو للمنصب الجديد

[‏مواصل من يومين]

صح لسانه على القصيدة الجزلة