اقتباس:
المشاركة الأصلية كتبت بواسطة راشد الذويب
مســـاكم الله بالخيـــــــر
ولكـم التحيــه والتقديـــر جميعــاً
اتمنى ان تروق لكم هذه الأبيــات
ودمتم بـعــز
لاضاق صدر الزمان... وخربت الرصه=وجات الهواجيس... مكبوته ومرصوصه
والليل نصه بدا... يوم انتهى نصه=والعين كنها ...عن الغفوات مقروصه
ذكرتها والضمير... تخالجه غصه=واخذت مع طيفها... لحظات منقوصه
ابكي عليها...واردد باقي القصه=ودموع عيني... لها بالذات مخصوصه
ان نمت كنها ...على الاحلام مختصه=وان قمت... تلعب بقلبي كنه الخوصه
وفي قلبها ...عن مقانيص الهوا شصه=وبخصوص راشد... تجي وتروح بخصوصه
رسايل عيونها ...تأتي بما نصه=اهواك لكن... ظروفي حيل مخبوصه
البعد يامنصفين الحب ... وش خصه=ليه يتحداه ...ويعدل على نصوصه
ياليت ماللفراق ... بجدولي حصه=وياليت شوفة .. حبيب الروح مرخوصه
كان احتويها...مثل خاتم على فصه=وارسم غلاها... بحر واستمتع بغوصه
|
صح السانك اخي راشد
كتبت فابدعت وسطرت فاجبرت جميع المشاركين على المتابعه الجبريه
لهذه القصيده الاكثر من مبدعه
تقبل تحيات اخوك:
حمود بن فطيس