قصيدة صالح ال كحله المري في نجم القصيد

[عبدالهادي ال كحله]

قصيدة صالح ال كحله في نجم القصيد

انا ... هنا والحمول تشال فوق الجمال=دخلت (نجم القصيد) .. من اوسع ابوابها
حضرت والفكر .. هيل ٍ والقوافي دلال=وباقـــند .. ادلالي .. بهيلي .. لشرابها
ومعي رساله وانا كفو ٍ وامثل رجال=وادري بقدر الرساله .. واحسب احسابها
من موطن الراية الخضراء وشم الجبال=نخله وسيفين ٍ .. تذري من تذرى بها
دار ٍ بها العز يظرب من سموه.. مثال=ومكه .. وطيبه بها يا ما اطهر اترابها
مليكها .. اللي خصاله فوق كا الخصال=صقر العروبه عمود الدار .. واحجابها
سلام ياشعب زايد والحروف.. الجزال=تنقل مشاعر .. خليجي جاء وغنا بها
رسالتي تهنئه .. للي تعلى ... الطوال=شيخ ٍ .. لا قفت شرود الطايله .. جابها
يالشيخ حمدان تستاهل .. ولابه جدال=ولاية العهد .. تزهى من .. تولى بها
تسعى لك المستحيله ..وانت مرتاح بال=وش لون .. لاصرت .. يالمطنوخ طلابها
فزاع .. فزاع لامن.. قال بالفعل .. طال=ماهابها ....يوم غيره لا نوى هابها
لأنه ولد من حذف( تعريف) كلمة محــال=بدبــي والحين شوفوا ويش سوى بها
صارت عروس ٍ .. تباهى ..بالحلي ..والدلال=ولعيون شيخ ٍ عشقها .. تنقش اخضابها
وياكرسي الشعر ابن كحله براسه.. سوال=جماد واجابته .. من ..؟ غيرك ادرى بها
للشعر منبر ولعيال النشاما خوال=جمله وكل العوارف تدرك اعرابها
وما دامني جيت ما انطر.. رح والا انطر .. تعال=حرام يالقمــة اني ... لا..اتعلى بها
شاعر وامثل ..بني مره على ... كل حال=واجمل.. ارجال يام ٍ ..واتعزوى بها
اللابة اللي احتلوا .. الطايلات .. احتلال=الصمله اسيوفها ... والفزعه احرابها
اثقل بوقت الفراغه من جميع الثقال=واخف في حزة الفزعه .. من اثيابها
من دون قاصر بطلقين النباء والمجال=ولاخير في لابة ٍ ما تقدر اصحابها
ومن يدعي بالكمال ومن يحط احتمال=ما ياصل لغايته ,,, لو هو تشقوى بها
وما قبل لحظة غروب .. وبعد لحظة زوال=خطر ٍ على القافيه .. لا تفقد اعصابها
لاشك سعر السمان يفوق سعر الهزال=والاهداف .. ما كل رامي لا رمى ... صابها
سحر الشعر مثل سحر العين .. سحر ٍ حلال=وباسحر الذائقه لين .. اكسب اعجابها
هذي حروفي وجمهور الشعر راس مال=وادرى .. كلام النشاما .. واقبل اعتابها
اما يجي ..الشعر يسهج ..مستحيل الخيال=والا بلاش .. القوافي ... نطرق ابــوابها

الله يوفقه

[هــــــــــداج]

بيض الله وجهه .... وفاله القمه

قصيده جزله ولا هي غريبه عليه ... بس اتمنى توضيح طريقه تصفيات نجم القصيد

واذا فيه تصويت شنو ارقامهم الدوليه ... استراليا


دمت بود

[مطلق اليامي]

تسلم يمينك


وصح لسان شاعرنااااااااااااااااااااااا





تقبل تحياتي

[بن دارم التميمي]

السلام عليكم

عبدالهادي

الله يعطيك العافيه

وبن كحله يستاهل شاعر بمعنى الكلمه