قصيدة عبدالله المطيري فـي (( الرفيدي ))

[سعود الخويطري]

السلام عليكم ورحمة الله وبركاته :


قصيدة مدح قيلت في : شافي بن عبيد الرفيدي العجمي - ويستاهل السنافي وكفو

وشاعرها هو / عبدالله بن جارد المطيري ( المطيري كريم والرفيدي يستاهل بدون مجاملة )

الله على اللي من البحر تووطي=منصطحت البابور نزل على الطاش
من مصنع الالمان جا مامشى شي=معربنن دولار ماجيب ببلاش
حضرله المطنوخ باقيه نقدي=سبعين مع سبعين طرقبهن كاش
ومر الجمارك خابرن فيه نشمي=القايله عمسان والراس منداش
وقال استر ثم قدم الشاي والمي=يفداه خبلن فالملازيم خفاش
وعلقله اللوحات مع ميلت الفي=والاستماره خمسة سنين متناش
مر المحطه قال يازول عبي=البنز شايش والعصافير تهتاش
البنز طواي المسافات بشوي=ياسعد من ساقه من البعد طراش
ياسايقه دوك التحيه من ايدي=واغبش على دار المحبين مغباش
منصاك رجلن بالنشاما يهلي=مايذبح الا الحيل وسمان الاكباش
ماله حلين فالعرب غير ابن طي=اللي يعجز بالكرم كل شواش
وليا وصلت الياالظهر منت غادي=ولنت على تدويرت البيت منداش
كل العرب تدل بيت الرفيدي=ادنات واحد تنشده ماتهقاش
ان جيت تالي الليل وان جيت بدري=وان جيتله في كل الاوقات بشاش
بالوالمه قهواك والنجر دني=من دلتن ماذاقها الهيس ولاش
ابها اربع اصناف وهيلن وبني=والعود الزرق ريحته تنعش انعاش
سلم عليه وسلم الظرف ياخي=واحذرك واوصيك لاتبلش بلاش
اياك تستعزم لشافي وتثي=عند الرفادى يارجل ماتعداش
تاخذ سنه يامسندي ماذكرشي=غير الذبايح والصياني على فراش
عجمان وقتن راح سم المعادي=وحريبهم في لذت النوم ماعاش
ان نوخوا للحرب والقيد مثني=ولا اعتلو بظهور المهار بطاش
عن فعلهم ماقال راكان يكفي=رديهم لقلوب الاظداد هماش
وليا جلسوا مابه عليهم تعدي=والله مابين السلاطين غشاش
اللي وصفهم بالشياطين مخطي=من فعلهم حتى الشياطين تنحاش
يامسندي وصل سلامي لشافي=عد من شاف التلفزون بالشاش
سلامن احلا من حليب المتالي=واحلى من السكر لو السكر خياش
قله سلامي عد الاموات والحي=واعداد ماعايش من طيور وادباش
لايالرفيدي يابعد كل هافي=لايابعد تنظيم النذال والواش
يالليث يا بن الليث يالذيب يالعي=يا معرب الجدين ياكعام الاوباش
ياكاسب الثنتين دوم امتعلي=بحساب دنيا ودين منت بهلاش
يوم البخيل يعد الافلاس عدي=ودمعه على ديناره العام طشاش
راعي الكرم ماحسفه كل مقفي=ولاقال كم باقي بالادرج اباعتاش
جعل السحابه فوق الاجواد تدلي=تاخذ ثمان ايام والديم رشاش
من فوق مقطان الرفادى تهلي=ومن غبها وفياضهم ترعش ارعاش
تمت على اللساني ةلاني بعجمي=حمر النواظر عزوتي سلم وهواش
والناس تنسى والزمن مايهدي=واخاف بكره ينتش المدح نتاش
ومامقصدي في مدح الاجواد اباشي=غير الكرم وأكرم الاكرام مهناش

وسـلامتكم .

[راكان اليامي]

كفووو ولا هنت ياسعوود وماعلى المطيري زوود

[ابومحمد الشامري]

لا هنت يا ابو محمد على القصيدة الرائعة وصح لسان عبدالله المطيري ويستاهل الرفيدي لا هو ولا ربعه وهم عل طريق المدح والثناء.

[ابن وعيل]

صح لسان المطيري ويستاهل الرفيدي
لاهنت ياسعود على القصيدة ويعطيك العافية

[عبدالله الوعيلي]

لا هنت يا سعود الخويطري

وصح السااااااان المطيري

[monamora]

صح السان قايلها
وتسلم على القصيده يا الخويطري

[أميرة نجد]

عاش المطيري وصح لسانه

[أبو محمد]

صح لسان قايلها ولا هنت يا ابومحمد

[محمد الشامري]

لاهنت يا سعود الخويطري

وصح لسان شاعرها وسلمت يمناك على النقل

[سعود الخويطري]

حياك الله يـ راكان اليامي ووووولاهنت


ومرحبا بك وبردك وتعقيبك وتواجدك الطيب


ماعليك زود


وتقبل سلامي واشواقي

الخويطري