مل قلـب فيـه دقـات تشيلـه × مثل دقه عود عبـد الله فضالـه

[@صدى الاهات@]

مرحبـــااا ملــيوووون

اخبــاركم عســاكم بخير

فيه اغنيه معرووفه "مل قلبى فيه دقات تشيله" وانا

اكتشفت انها قصيده لمحاوره مشهوره ولها قصه وعجبتنى وحبيت انقلها لكم...

شاعران غنيان عن التعريف فمن منا لم يستمع لمساجلاتهم اللتي أمتعت جمهورهم ومحبينهم

شاعرانا هما فلاح العراك المطيري وصحن بن قويعان المطيري .

وأترككم مع رديتهم الشهيره اللتي أبتدئها فلاح العراك بقوله:

راكب اللي زاهي لونه موديلـه × وارد بأسم الوكيل من الوكالـه
جمس يقطع مجرهدّ القاع ويلـه × مشترينه نقد ، ماهـو بالكفالـه
سايقه لو يسري ابظلمـه دليلـه × عارف(ن) يمة جنوبه من شماله
نصّها اللي عملته تبغي عميلـه × في جميع المملكه ماش ٍ ريالـه
ياصحن ، من له رفيق يشتكي له × والخبر واصلك في بطن الرساله
مل قلـب فيـه دقـات تشيلـه × مثل دقه عود عبـد الله فضالـه
من سبايب ورعةٍ جتني طويلـه × يا صحن وافقتها عنـد البقالـه
صوبت قلبي ولا بيـديّ حيلـه × والخطيه عندها مثـل الجمالـه
أن تبعناها مع الشـارع فشيلـه × وأن فعلنا، (فوقنا حكم العدالـه)

رد عليه صحن بن قويعان المطيري :

مرحباً وعداد مـا تنشـي المخيلـه × وعـد بـراق تنثـر مـن خيـالـه
يوم جانـي خـط كسـاب النفيلـه × كني اللـي شايفـن غالـي عيالـه
حاضـر لرسالتـك لوهـي ثقيلـه × مير صارت من فضل ربي سهالـه
أبو راجح عاشق مـن غيـر جيلـه × جاه من رده علـى سـن الجهالـه
يافلاح العشـق مـا يرحـم قتيلـه × واجد اللي فيه يشكي ما جرى لـه
أنشد اللـي شايـف عدلـه وميلـه × قد عرف عدل الصحيح من العدالـه
وش تبي بالسوق يوم أنك تجي لـه × من طمع بالبـوق لا يأمـن نكالـه
ولا تفيـدك فزعتـي بأيـة وسيلـه × دام راعي المال ما أرخص حر ماله
لا تكاثر من خطـا شقـرا جديلـه×قبلك الهزان وقته ماصفى لـه
حولنّـه بالركيـه طــول ليـلـه × وكل فرض قام يطلـع مـن حبالـه
والهوى بلشاتـه أكثـر مـن قبيلـه × من ضرب سوق الهوى يبلش بحاله
الهوى لي وقت أنا داعـي سبيلـه × معطي المطنوخ منـي لـه حوالـه
وأحمد الله يوم جا الهاتف حصيلـه × قد طويت أرشاي وأدرجت المحاله

أتمنى أنكم أستمتعتم مع الشاعرين الكبيرين فلاح العراك وصحن بن قويعان

[ناثرة الورد]

{{ صدي الاهات }}

/
\
/

صباح الإبداع يامبدعه
مشكوره على هالمحاوره الرائـ ع ـه
الله يـ ع ـطيـج الـ ع ـافيه
وعساج على القوه
ننتظر جديدج المميز

/
\
/

كل التحـــيهـ

[المطنوخة]

صح لسانهم


والله يعطيكـ العافيه على النقل

ذوووووووووووق

تقبلي مروري

[و أمووت برزه عقاله]

الاغنية رووووووووووووووووووووووووووووووووووووووعة .،
و انا عندي تغنيها الطقاقة فجر .. بصراحة ابداااااااع ..
وتسلم يمنااااااااش ..

[@صدى الاهات@]

اختي الغاليه


ناثرة الورد


لاهنتي على هالمرور الي اسعدني



تقبلي مني خالص التحيه:

[@صدى الاهات@]

المطنوخه


لاهنتي على ذا المرور الطيب



تقبلي مني خالص التحيه:

[@صدى الاهات@]

واموت برزة اعقاله


لاهنتي على ذا المرور



تقبلي مني خالص التحيه: