قرب يا مـــــــــــاجــــــــــــــــد

["بدر العجمي"]

سلام يا ماجد سلام اسلام وقرب لاتهون=مادمت فالميدان ركض الخيل من فرسانها
انته من اية قوم يوم اهل المعالى يذكرون=لو ان مابه شك فى روس العرب والسانها

[ماجد العجمي]

مرحبا يابدر
مادري اذا كنت تقصدني انا او فيه ماجدن غيري
على العموم بخوض هالمغامره في مجارات شاعر بحجمك

ابك البقا ياللي ترحب عد همال المزون=واهل المعزه ياعساها تعتلي في شانها
حنا هل الميقاف وبالمقياف ماحنا نخون=عجمان والعجمان تكسب طيبها ابذرعانها

["بدر العجمي"]

ونعم ونعم يابن العم اى نعم اقصدك انت

["بدر العجمي"]

يصحابنا ياربعنا شمال ولا تجنبون=اليا بغينا يمة الاصحاب وين اوطانها
دنياك ياماجد تقلب مر شكل ومر لون= والحيه الرقطى على الطرقه تمد السانها

[ماجد العجمي]

ماعليك زود طال عمرك

اليا لفيت الدار تلقى دله ومعها دخون=عاداتنا ياهل الكويت انقوم في ظيفانها
دنياي يابدران مابلا ترقب بالعيون=والحيه الرقطى علينا كشرت نيبانها

["بدر العجمي"]

الله يعز اصحابنا اللى فاللوازم ياقفون=عاشت ابلادى ورتفع بين العرب عنوانها
الشر عادة حيزبونه من طرايق حيزبون=والنصر فيدين الرجال اللى طوال ايمانها

[ماجد العجمي]

المشكله ماعاد هي مابين كاف وبين نون=المشكله نيرانها تحرق ترا نيرانها
يابدر لو شفت السباع الظاريه لعج السنون =ما والله امن شرها ولاجي طرف اغصانها

["بدر العجمي"]

الحمل لظهور الجمال اللى تداحم بالمتون=من لا يحسب حسابها يعلج على لحيانها
مدامكم فى ملعبتنا تنقضون وتفتلون=اوصيك لا شبهتها فشكالها والوانها

[ماجد العجمي]

يابدر انا خابرك ماوالله تخالف للظنون=والبندق اللي جبتها ثابت عدل نيشانها
وختامها ياصاحبي اشكرك يالذيب الفتون=واجب على اهل الدين تسديد الذي ديانها

الشاعر الكبير "بدر العجمي" شكرا لك وكان لي الشرف
في خوض هذه المغامره وارجوا اني قدمت ولو الشئ القليل
لهذا الصرح الشامخ ..
مره اخرى شكرا لك :rose:

["بدر العجمي"]

ماجد صح السانك وانت شاعر ممتاز للعلم

خلك متواجد دائما هنا