{ شـاعر الكلمه ! سـعد بن علووش ~

[العوصا]

سعد بن جابر بن علوش الهاجري مقدمه : الشاعر الكبير سعد بن جابر بن علوش الهاجري او اسم الشهره " سعد بن علوش " من اهم شعار جيله على الساحه ! يتميز الشاعر سعد بن علوش بـ إنتقاؤه لـ كلمات فريده وصدق التعبير فإن كل مايدور في ذهنه ينطقه بـ لسانه .. يصعب مقارنته بـ غيره لأنه سعد هو بذاته سعد .. لو اردنا قول : - ابداع - ثقه - عاطفه - صدق - تجدد - تفكير - تميز سيذكرنا بـ الشاعر , لأنه قادر على كتابة جميع أنواع القصائد وهذا مايشهد به الجمهور .. ! قصائده : تعد قصيدة حزن النبلاء من أجمل ماكتب سعد بحسب أرآء معظم الجمهور حزن النبلاء : الجرح ماهـو خاطـر شـوي ويـروق الجـرح حتـى لـو تشـافـى يعلّـلـك واذاك متحمـس متـاهـات وطــروق أنـا تعبـت أشـد حيـلـي وأحـاولـك سماي ماشي شمـس ورعـود وبـروق والريـح ماهبّـت ولا يجـري الفـلـك والقلب ناشف بحر .. وشقوقـه شقـوق وشلـون بيـكـوّد سـحـاب ويبلّـلـك ياظامي أنا أظمـا .. ومتشبـع حـروق واذاك ظامـي للمواصـل أنــا هـلـك هلك .. ووقف في وجهي الأصل والذوق والمجتمـع والعـرف والفقـر وأهـلـك متعومس .. وحـزن النبـلاء مرمـوق يعني لـو أحتـاج لـك ماجيـت أسألـك اللي علي أشكـي .. وأعاتبـك برفـوق وأقـولـك ودي مـاعــاد أتـأمـلـك مـن دورة الأيـام يـاخـوك مخـنـوق الوقـت مشانـي مـن السلـك للسلـك أزل خطـوه بـس مـا أزل منـطـوق ولو صارت أبا أحب خشمـك وأجاملـك يبقـى البنـي آدم مـجـرد ومخـلـوق ملك .. ولكن فـي الحقيقـه بـلا ملـك والناس عوق الناس .. والدرب مسبوق تتعب على أشيا ف الآخر ماهـي بألـك كـذاب قايـل : كـل مطـرود ملحـوق سنين وأنا أطردك وأزريـت لا أوصلـك كنّـك تطيـش وكنـي أدور فـي طـوق كل ماوصلت آخـرك يطلـع لـي أولـك ياليت ما في خاطـري شـوق وفـروق ما كان حسيت ان أنا بـس منـك الـك الشوق ماهو رعشـه وقبضـة عـروق وماهو اللي من شينك ف عينك يجمّلـك وماهو شعـور يخالـج الـروح برفـوق ولا هو سحر ولا أدري والله شاقول الك كنّه سحابـة حلـم وتطيـر بـك فـوق وتطـيـر .. ولا ودّك انـهـا تنـزلـك الشوق هذا .. والا أنـا شوقـي البـوق ماقد حصل في شـوق هـذي ولا تلـك تدري وش أسوّي الى أضناني الشـوق أسـوي بعيـونـي كــذا وأتخيّـلـك وأقربّك واتـوق .. واتـوق .. واتـوق وأكثّـرك وأحلـف مـا عــاد أقلّـلـك وأصوّرك في الموق .. وتكبر على الموق وتطيح مع دمعي علـى ايـدي وأقبّلـك هذا غـلاي اللـي مـع الـدم مدقـوق ولا عاد تسأل عـن شعـوري بزعّلـك محبـة ماهيـب مـن طـارف السـوق لو انـك توكـل .. كـان والله لا آكلـك جيتك حقوق ورحـت ماعنـدي حقـوق وان قلت مـا أحبـك أبجحـد مواصلـك أحبـك ؟ ألا يابـري حالـي وعــوق من كثـر ماحبـك أخـاف انـي أقتلـك ' الطرقات : في الكبد ليعاتها وفي النفس حاجات حاجات ماهيب رغبات وشهـوات ندم على حزن على مدري شسمه اللـي يكلمـك وتكلمـه بسـكـات ياودي اصرخ من اللي داخلي حيل وياودي ماتنبس من الليعـه شفـات مزحوم تفكير ومشـوش وبـردان وياخوفي من الغضب والانفعـالات تعـارك الشـر والخيـر فيـنـي يأثـر علـى اتخـاذي للـقـرارت ثاقب وألاحظ تفاصيـل التفاصيـل كن البشر عري وعيونـي مرايـات أفضال ربي علي واجـد وأفضـل أفضال ربي علي الفقر وأنكارة الذات يامجمل الفقـر وأشيـاءه وروحـه تموت منه تعب وتعيشـه ازمـات يعلمـك ضعفـك وبـأن عقـلـك هو اللـي يميـزك عـن الحشـرات وتعرف بأن هذا لـك وذا لغيـرك ولاتفكّر ولاتكسّر حسابات الفقر مفيد ..وأشياءه مفيده مليء قناعه وقوه وغايات يمكن لو إنك غني تطغا وتنسى وأتطيش وتطوّف الخمس صلوات لذلك الحمد لله والثنى له على الفقر والمصايب والمسرات يمكن أني فقير بس مانيب تبعّي أجلس ولا أنقاد خلف الإتجاهات وإن ما أعجبتني قناعات الزمن هذا أنا.. أألف لتفكيري قناعات شاعر ويسكن فـ مخي ألف شاعر ماهم بشعّار هالوقت التروفات اللي يقولون مافي الشعر نادر وإن الشعراء نفس المستويات لو أنهم واحد وبتفكير واحد ماشفت ناقد ولا معجب وشمات الله على هالكلام ومن يقوله والله يقطع سياسة هالمجلات يعني اللي شعره ملى الدنيا جماهير مثل اللي يطلق قصيده سردة أبيات لامن سمعت القصيده قلت هذي؟ سمعتها قبل هذي عشر مرات!! يشل.. آخر كلام الشطر الأول ويحطه بآخر الثاني .. وخذ هات قاف متكرر.. ولافكره ولاشي يبني القصيده.. على تفكير بنات وبه نوع ساذج علشان أيتميّـز يصرخ ويعمل بيدّينه حركات والمرء عود مايجهل.. لذلك هالشعراء يكرهوني -أنا- بالذات الله يخليني لشعري وأصونه وأحرق به كبود شعّار المسجات أجذبّ به.. أذواق حكّام الجزيرة وأزرعه.. فعقول فتيان وفتيات اركبّه جن.. وامارسه بجنون وأشبعه فلسفات وأبتكارات وآعلم الجيل هذا وإللي بعده جودة الإطاله.. وفن الإختصارات و وشلون أحرث صخر فكري وأخلّي بيني وبين أقرب منافس مسافات الشعر في نظرة اغلبهم مصالح فلوس وشيوخ وبنات ولقاءات وفي نظرتي الشعر روحٍ و روح حرّه ماتخضع لشف.. وأشخاص.. وقياسات الشعرٌ ماتقشعرُ له الأبدانٌ ومَا يسَرقُ من الكلمات.. الكلمَات تقراه فـ عيون شاعره وتحسه يفتح له فَجلد يدّينك مسامات ردد قصيدي ياجمهوري وصفق وعلمّهم إن الغلا ماهو خيارات تعال نسرح سوّى في شي عندي وأخاف لا أبكي؟ وتبكيني العبارات حزين جداً ومتعومس وخايف أحس كنّي على مهوّي نهايات حبيبتي .. إللي أغليها وأبيها؟ راحت.. وقالت بجّي وللحين ماجات ما أذكر أني.. مسوي شي لكن الحب لا زاد.. يسبب حزازات والصبر صبر القلوب البيض وأدري يامصعب الصبر لا قدّ به محاتات دمّرني الشوق وإستنرفني شعور وتعبت أثبت وجودي داخل شتات تمر كل الوجيه.. بدرب عيني نفس الملامح؟.. ونفس الإبتسامات حبيبتي طاغيه وبشكل طاغي صديقة الليل واجناب البنايات من وين ما أفتر لاهذا وجهها على الطرقات وأضواء السيارات يابرّي حالي عليها برّي حالي عليها يابرّي حالي عشر بريات لأني أحبها.. فعلاً وجداً ماهي محبة.. رفث.. ولا إتصالات أحس كني أبوها أو أخوها أدرى عليها من العالم مدارات وإللي سواتي.. يحب وخايف الله يعرف.. معنى معاناة المعانات الحزن في بعض الأحيّان إزدواجي وجميل.. إذا صار من تجنيب غلطات من خّلا حاجه لربي عاضه أخيّر منها واحسن دبلات الدبلات وانا مابي .. غيرها .. ولا ألتفت له السيده .. لا رجعنا للسيادات جعل أمها إتوافق إن جيت أخطبها تكفون دعواتكم يـ أهل الدعوات ' يا انيقه : يا أنيقة آسف بشده على هالحوسه غرفتي تشبه كثير أوضاعي المحيوسه ماتوقعتك ابد بتجين فاجاتيني ! عالعموم الله يحيي الطله المحروسه وقفي .. لحظات بين عيوني التعبانه لين ارتب لك اريكه قلبي المشموسه واجلسي بين الزراير ولحشا الأفريقي وآذني للبكي .. بيذاكر معاك دروسه شاعرك فوضاه علمته يرتب حبك أنتي ثم الحزن .. ثم دموعه المحبوسه والدموع اللي على وصلي ووصلك تنزل ترفع بنزولها . . اعلامنا النكوسه هذا أنتي ماني مصدق ولاني مكذب آآآه من برد الجفا ورياحه المترو سه وايه حنا ناس غير الناس ياحوريه رووسنا ماهيب لضعاف البشر مريوسه لا افترقنا نبتسم . . واليا التقينا نبكي ويا فديت جنونا واشياءنا المعكوسه مرحبا ترحيبة البدو العزيب الرحل بالمطر لا اروى الهشيم الماحل المعبوسه صح هذا انتي وهذا عطرك .. السمياكي وهذي بوهة وجهك اللي بالضحا محموسه وهذي ربطة شعرك البيضا وذي خصلاته كنها في زيت زيتون الشفق مغموسه ماتغيرتي وهذا المعطف العنابي وهذي ساعة يدك المحظوظة النحو سه لاهي اللي طالت أصابعك واتشابكها ولاهي اللي قريبه من عاتقك وتبوسه وهذي مشيتك اللي من صغرك ماغيرتيها هالبشر يخجل يضر القاع ولا يدوسه الجمادات الرذاذ تهمس لامريتي مرحبا .. يالناعس .. المحشومه .. الطاووسه قولي والله انك انتي معي ماني مصدق لاتلومين الحواس الشرده المهووسه كل ماغنن لي الغيد بصوت مواصل شلها قلبي وركبها على منكوسه صورة فالبال لك كم عام تتخيلها اقرب أحيانا من المحسوسه الملموسة واني لو ما كنتي فيدي ولا كنتي لي لحظتك عن عام كل ليلة مع .. عروسه لأنك الافخم اسم والابسط انسانيه ولأنك الوجه التقي والطيبه المغروسه ولأني احبك محبة عمق ماهي نزوه اسمى من حب الجسد واهل الهوى ونجوسه يا انيقه آسف بشده على هالحوسه لهجتي تشبه كثير اوضاعي المحيوسه ما سألتك ليه جيتيني ولا ضيفتك مابي اخرب على جو الوصل وطقوسه ليه جيتي اسألك وانا اعرف وش جابك طاب الشجر الغاب والحطاب قرب فوسه لاتقولين اني ارخصتك وانا ما ارخصتك ولاتقولين اشتراك المشتري بفلوسه ولاتقولين ان هالمرة هي آخر مره اتركي لي حلم بعد احلامي الميؤوسه انا شاعر حلمه اللي سوى منه شاعر الذهب .. والعالم الجديد .. دم ضروسه يا انيقه لو خذوك وسافرو بك عني الارض صدري والسفر من قوسه اليا قوسه ليت صيت الجد ماينفع سخيف احفاده وليتها هالحين وان لكل شارب موسه وليت .. نقطه نقطه نقطه نقطه نقطه مابي اغلط فالزمن والعالم المنفوسه ماعرف شاقول .. ولا اعرف ويش اسوي الحزن طلت من ابواب الليالي روسه انسي كل اللي حصل هاللحظه وضميني يا خسارة عمري اللي راح ويا ناموسه والله ان امه دعتله تحت باب الكعبه واحد حطك فـ بيته ياغلا .. عروسه ' الإنسكاب : بري حالي لانتهى العصر واعلن الانسحاب وخلت الشمس الصدارة ومالت للغروب اذن المغرب وساد الفضى مثل الضباب ونتهى والليل لبس الاماكن لبس ثوب وردت همومي على قلبي الصلب الخراب وردة احيام القوامي على عدن الجذوب كلها هانت ولا هنت ياهم الغياب من محبة صاحبك صرت ياهم محبوب وخذ ليلك بولة وخذوكل وشرب في رحاب قلب من شدة طهارتة تجفاه الذنوب اية والدنيا مساكن ورحلة واغتراب والغلا في الوقت هذا مميز بالعيوب اشمل بوجهي واعدي على روس الاهضاب كل ماضيعت وجهي دريت انة جنوب ويش اسوي فيك ياعم تلعات الرقاب ونت واقعوالتمى عام في عيونك هروب انت مجرم حب لا ويش جاب الي ويش جاب انت عذبن عذب ارجيلي بشوك الدروب صرت اهاب من التزاحم ونا ما كنت اهاب ومشي بكيفك لواني على المشي مغصوب صرت اجمع من جروحك وكلماتك عتاب وقبل لا اقول وشفيك تجرحني استغفر وتوب صرت احسب الناس ماكنت احسبلها حساب وصرت اكذب لجل ترضى ونا ماني كذوب شوف مهما صاربي انحنائي انتصاب العب بعمري وبعثرة بيدينك ياللعوب ادري ان الجاذبي تسبب الانسكاب ودري اني منسكب ودري ان يديك كوب سلت فرضك ورتوتبي وفاضتبي عذاب لين حبتني قلوب وتعادتلي قلوب فاعرف ان زولي غدير ون حكاياهم سراب والمقادير الايادي وشين الخط طوب يعني اليا رموني حقيرين الجناب صارزولي عشرة ازوال وعيوني قروب وتعدد لجل اداريك من طيش الشباب وتوحد لين يطغى على وجهي شحوب ماني استاهل منك كذا ياوبل السحاب لاتبللني ونا ودي انك ما شروب بيتني ودخل في قلبي ياقلبي باب باب واخطر عروقي برجليك يسمر دوب دوب جل من ولع عروقي بقنينة تراب نوب تضحك من عذابي وتبكي منة نوب لو لي دعوة وحيدة وهي تستجاب قلت ياربي كل ما مر خلف الهبوب زوي قلبي كل مازويت خصرك بنسياب ووقف العالم يرد البحر من كل صوب ياخلاصة شهد وعذوق مالذ وطاب يامغلبني ونا مابعد ماصرت مغلوب يامسفرني لوجهك ذهاب بلا اياب يا معزز بالغلا يامقدر ويامحسوب بيتني وذهبي بعيد يامالا الذهاب ضمني بيديك وجمد على صدرك وذوب انت لوضميت تمثال من ضمتك ذاب كيف لوضميت صدرا على ذكراك يذوب بعض الرمزيات لـ الشاعر : وأخيـراً واسمحولي ع القصور ^^'

[لبيك]

ما شاءالله يا العوصا ,,,
عزالله ان ما جا منش قصور
وسعد شاعر مبدع
الصراحه موضوع متعوب عليه
ولاهنتي على الموضوع الأكثر من رائع ,,,,


تقلي مروري ,,,




لبيك

[مطنوخ خلقه]

العوصا ياسلام عليك اهنيك علي الاختيار الر اقي للشاعر الجزل ابن علوش

[وافي بن وافي]

الاختيارات رائعه والنقل اروع .. العوصا : شـكــ وبارك الله فيك ـــرا لك ... لك مني أجمل تحية

[خالد وبس]

موضوع كامل الدسم
من خلال التقديم الانيق والقصائد المختاره
تسلم اناملك يالعوصا ، وصح الله السان الشاعر المبدع / سعد علوش



تحياتي لك

[قآيدة الغزلآن]

الله الله

صح لسآن سعد وسلمتْ يمنآك


صرآحه .. موضوع رآئع ومتكآمل

يعطيك الف الف عـآفيه .. والله لآيهينك ..~

[البندري القحطاني]

بري حالي لانتهى العصر واعلن الانسحاب
وخلت الشمس الصدارة ومالت للغروب

اذن المغرب وساد الفضى مثل الضباب
ونتهى والليل لبس الاماكن لبس ثوب

وردت همومي على قلبي الصلب الخراب
وردة احيام القوامي على عدن الجذوب

كلها هانت ولا هنت ياهم الغياب
من محبة صاحبك صرت ياهم محبوب


شــاعر عاقل فلسفة شعرة مميزة .. ! من حــقـه و له الحق .. يتبــختر بحرفــه ..

لاهنتـــي يالعــوصـا .. كل الشكر لج

[العوصا]

المشاركة الأصلية كتبت بواسطة لبيك

ما شاءالله يا العوصا ,,,
عزالله ان ما جا منش قصور
وسعد شاعر مبدع
الصراحه موضوع متعوب عليه
ولاهنتي على الموضوع الأكثر من رائع ,,,,


تقلي مروري ,,,




لبيك

لبيك
مرحبابك يالشيخ

وبن علوش يستاهل وانتو تستاهلون

وابد حاضرين للطيبين

[نيَـة فراق ..!]

الع ـوصا

اختيار لـ / شاعر من ذهب ..!

وش نقول في [ بن علوش ] ..؟

كالع ـاده قصيدة [ حزن النبلاء ] عندي بلحالها

صح لسانه .. ولاهنتي

تقبلي تواجدي هنا

[ناثرة الورد]

{{ العــوصــا }}

/
\
/

مشكوره على هالاختيارات الرائـ ع ـه
الله يـ ع ـطيكِ الـ ع ـافيه
وعساكِ على القوه
ننتظر جديدكِ المميز

/
\
/

كل التحـــيهـ