منة الله ..... ولا منة بخيل

[راشد المري]

يا الاهي .... كاشف الليل .... بطلوع النهار
فرج اهموم(ن) بقلب(ن) مـن الدنيـا عليـل


كن في صدري من اسباب ضغط الوقت نـار
واتعزز ... لاكن العزم ... كل وهـو يشيـل


ان قعدت بمجلس(ن) فيه من ربعـي اخيـار
مجلس يبري مـن الهـم ,,, ويعـز الدخيـل


اعترض لي عارض الشوق واخلفت المسـار
وعفت فنجال(ن) ... من الكيف يذعر فيه هيل


ورحت كن القلب من بين نـار وبيـن غـار
واتفكـر فـي زمـانـي ... وادور للدلـيـل


ياعذابي .... ظرفي اقشر ومن دونك اديـار
وما بخلت بجيتك ... لكن ادرى... كل ميـل


اتعنـى لاجـل عينـاك.... ياظبـي العفـار
وما تصعب شي لاجلك ... يابو رمش ضليـل


شوفتك ساعة زمن ... عندي اتساوي عمار
كيف لو يجمعني الوقت ... معـك بكـل ليـل


لاكن ... اظنوني ... تقول ان تعداك القطـار
انتبه ... يامن طغى بك غلا ... خل(ن) خليل


الخطى ما ارضاه ... والراس لامن ثار ثـار
عزتي ترفض خضوعي ولا انسـى للجميـل


لعنبو درب الغلا ... كلمتيـن(ن) باختصـار
بعد والا قرب... وجهك ومـن دونـه دخيـل


لا تشحين المواصـل تـرى الفرقـى دمـار
وان بخلتـي منـة الله ولا مـنـة بخـيـل




للشاعر صالح ال كحله المري
تحياتى لكم اخيكم راشد المري

[أبو محمد]

لاهنت يا راشد وصح لسان الشاعر

[العنيد]

اخي الفاضــــــــــــل: Tiher

وانت فعلا والله نـــــــــــــــــمر وتايجر على هذا الاختيار الموفق حقيقه..

لك خالص ودي

[محمد الشامري]

الله عليك ياتايقر الله

لاهنت وصح الله لسانك ولسان شاعرها

الله يعطيك العافيه على اختيارك الحلوووووووو

[أميرة نجد]

صح لسانك يالمري ويعطيك العافيه

[عبدالله الوعيلي]

صح السان الشاعر صالح المري


ويعطيك العافيه يا راشـــــــــــــــد

[راشد المري]

الله لايهنكم ياخوانى على الرد صراحه احرجتونى وطيرتونى في العجه وان شاء الله نقدم لكم كل ماهو جديد وممتع
تحياتى لكم اخيكم راشد المري

[ابومحمد الشامري]

لاهنت يا راشد المري على القصيدة الرائعة صح لسانك يا السنافي على النقل المميز

[فهد بن محسن]

شوفتك ساعة زمن ... عندي اتساوي عمار
كيف لو يجمعني الوقت ... معـك بكـل ليـل

الله الله ... راشد اختيار موفق ... قصيدة جزله ورائعه ,,, تسلم وصح لسان الشاعر صالح ال كحله

تحياتي لك

اخوك \ فهد بن محسن

[monamora]

الله يعطيك العافيه اخي الفاضل