محيط القوافي قصيده على طرق المسردي المعجزه

[سعيد ابو ديه]

هذه القصيده المتواضعه على بحر مبتكر والذي ابتكره هوا الشاعر الكبير /حمد ابن هادي المسردي(يرحمه الله)
وقد انفرد بهذا الابداع المعجزه وكثير من الشعراء المعاصرين حاولو ولاكن لم يتمكنو من ذالك
وبحكم ارتباطي بالشاعر الكبير
ومتابعتي له تمكنت من ذالك بعد جهد جهيد
اتمنى ان ترقا هذه المتواضعه إلى ذائقتكم

(محيط القوافي)

["بدر العجمي"]

ياسلام يا بوعبدالهادى

بحر لا يجيده الا المسردى

وسعيد ابوديه

لله درك

وانا خابر عند قصيده ال 100 بيت ياريت تنزلها بعد

صح الله السانك

[سعود الخويطري]

اعوذ بالله العظيم الواحد الفرد الصمد رب(ن)بعرشه معتلي من نزغة الشيطان واتعوذ من ابليس الرجيم
بك نستجير انت المجير انت الخبير انت البصير انت المصير انت المقدر والقدير ولا لغيرك نحمدي
بسم الله المعبود رب الكون رحمن(ن) رحيم المعطي المنان مولانا خلقنا من عدم سبحان ذو العرش العظيم
رب الكتاب المنزلا رب السموات العلا رب النبي المرسلا رب الملا كافي البلا ولا سوا الله نعبدي
ادعوك من قلب(ن) خشوع لك مطيع ياسميع ويارفيع ويابديع ويارؤف ويالطيف ويارحيم
انت الرجا منك الرجا وبك الرجا والملتجى بك يوم لا حول(ن)ولا قوه لنا الا إله واحد(ن) وموحدي
اغفر لنا فانك الغفور ومغفرتك الواسعه ولا دعيت احد(ن)سواك اطمع رضاك ارجو ذراك انت الأله المستديم
اغفر ذنوبي ياكريم اكبارها وصغارها سر وجهر عمد وزلل واعوذ بك من ان اكون بما كتبته ملحدي
واعوذ بك من نزغة الشيطان من قهر الرجال الفقر والبهتان والفتنه وسؤ الظن والدنيا ومن كيد احريم
وانا دخيلك من غرور ومن كبر واهل الردى واهل اجهل واهل الفتن واجعل فؤادي ياإلاهي صافي(ن) ما يحقدي
انا الضعيف المذنب التقصير مني والخطايا والزلل وانت الرؤف اصفح وسامح واغفر الزله وجرني ياكريم
يارب ياغفار ياستار لا تغضب ولا تزرا علينا في نهار(ن) كل مخلوق(ن) يجيك امن الهدوم مجردي
بك نستغيث ونستعين انت المغيث انت المعين الملتهم بك نعتصم يالله تهديناسوى الصراط المستقيم
رب اكفنا من شر نارك من جهنم والجحيم فتنة حياتي والممات عذاب قبري يوم اموت سؤ الحساب المؤكدي
نؤمن بك الواحد لاحد نعبدك لا نعبد سواك نؤمن بكتبك والملائكة الكرامي والرسل قضى قدر جنه جحيم
ولا لنا غيرك إله رسولك محمد لمين بك نستغيث وندعي بك نرتجي وانت الرجا باسمك وذكرك نبتدي
أيقول ابوديه سعيد الحازبي من صفو صافي ماصفا صفى الصفو صف المعاني الصافيه صاغ الذهب صد الرميم
صفر المصافي الصافيه صفيتها وصفتها نقشت في صم الصفا صفصفت وصف(ن)ينصفي قصه قصيده تقصدي
سوالف(ن)سويتها رسيتها سيستها ساس(ن)رسى سوى استوى واحساسها كالياسمين اللي يداعبه النسيم
الكامل الله العظيم لا ماتباها بالكمال لابي غرور ولاكبر والزود نقص في العقل مسلم مسالم مهتدي
العلم بحر ومن تعلم في العوالي يعتلي كن عالم أو مستعلم أو طاب علم والمرء ياهل العرف مايولد عليم
هذي بدايه موجزه تعبير ذاتي واستوى تفصيل تفسير العلوم وزبدة المعنا على باقي السوالف تشهدي
اوصيك يامسلم بتأدية الفروض الواجبه توحيد وايمان(ن) بكَتب الله ملائكته ورسله والقدر صحه وظيم
صل الفروض اد الزكاه صوم أرمضان عمره وحج إذا استطعت احفظ لسانك لا تسب ولا تذ م ولا تنم وتعتدي
والوالدين الهم حقوق امك وبوك حق(ن)عليك رحمه وطاعه واحترام ارضا ولا تنهرهما تجزا بجنات النعيم
الله ما اعظم حقهم جنتك تحت اقدمهم عقوقهم ذنب(ن) عظيم اللهلعاق الوالدين بزمهرير اتوعدي
والجار له حرمه رسول الله وصانا بسابع جار ثم لولا المشقه ورثه وصبح وريث(ن) لك بما تملك قسيم
ولا مثل ماقال ابو جسار واضربه مثل قال احسبو للجار سبع عجاف وما الثامنه سامحت في راس اولدي
والله سبحانه يحب اهل الكرم فان الكرم لله يجزا بالثواب المرتجى صحيح مايرد الكريم الا الئيم
هذي صفات المؤمني واحنا عرب والنا تقاليد وشيم من حاتم الطائي لنا عبره وهو كريم سبلا واجودي
خوي جنبك له عليك حقوق واسلوم العرب عز وفخر لانها على وضح النقاء ياهل الشيم تبقى وهي ساس(ن)قديم
مثل العبيدي يوم بارو في خويه واعتزا بمحمد)ن)خذا بثاره ستة(ن) خاله وفا السبعه ولا هو بالدي
واخوك ساعدك اليمين وعزوتك عزك ذراك امن العرى درعك سنادك هيبتك واحذر من النمام وافهم يافهيم
سترك حزامك في اللقا رفيق ابن عم(ن) ولا تجفاه واسمح زلته وان كان سابيته تعدى مالمجالس واسودي
تراالصديق بحزته والصدق في الضيقا يبان وقت السعه كل صديق وكم صديق لي نخيته راغ واصبح لك خصيم
واصل الصداقه شمة الريحان تقدير احترام مساعده ذخر معنز عسر(ن)ولين خير(ن)وشر جبل عزاز(ن)يسندي
ياحظ كساب الجميل ماضاع حي(ن)لايموت يبقى على طول الدهر نفنا وهو تتوارثه لجيال في الدنيا مقيم
راعي اللوفاء وصايفه طيب وكرم وافي حليم شهم والطيف اخلاق سمعه طيبه عز ونقى وجه وقفى مايجحدي
فيه القناعه والصبر شيمه وقيمه والتواضع والحيا دمه خفيف راكد وثيل عقل(ن)سليم ويحظنه جسم(ن)سليم
وهذي صفاة(ن) دربها وعر وعسر بل تعتبر كالمستحيل ومن بغا درب اللوفا هانت عليه سار الطريق اممهدي
سلام من مسلم سليم سنة رسول(ن)مصطفى صافي مصفى واستلم سم استمع صوت وصدى برق(ن) وغيم
سلامي اعداد البشر عد المطر عد الشجر وعداد من صلى وصام وحج للبيت وسعى عد الضحايا والهدي
در ونقي عذب قراح سمن وعسل نوروشعاع ريحان عنبرمسك كادي ياسمين لفحة عبير ريحة زهر يشفي السقيم
ينصا وسيع المعرفه شاعر خبير بحر(ن)غزيرفهيم ملهم عبقري نقض وفتل واسمه حمدهادي ثلاب المسردي
الناس صعب ادراك غايتهم وكل(ن)له هدف واحساس وافكاروضميروذوق واسلوب وتناقض ماحد(ن)حقق عديم
الشعر ضاعت قيمته وانهارطاحت شيمته ياكثر شعار الكلام الهزل ماجا له طراه بعض الكلام اينقدي
تبكي القصيده تشتكي غبن وقهر حزن(ن)وهم تزهم وساع المعرفه تكفون ردو الصوت فكوني تبلاني غشيم
كانت تباها بلجمال غسن(ن) يداعبه النسيم اليوم كبرت عجزت عزي لها واخاف تلغى مالوجود وتفقدي
اسمع وحلل ياحمد فسر بدون مجاملات عميا بصر صما وبكما تائهه وجهة نظر واحكم وحكم ياحكيم
جتك العلوم افطن لها رد الخبر منك استفيد او تستفيد حكمة شعر صد الحرام اطمع حلال صح وغلط في مقصدي
استغفر الله العظيم النفس خلقت من طمع أمارة(ن) بالسؤ ياكافي البلا والمعذره فان المعاني من عقيم ومن صريم
قبل الختام اقول صلى الله على سيد البشر شفيعنا يوم الحشر وامة رسول الله بسيرته الشريفه تقتدي




الله الله



درة من درر وعيون الشعر



صح الله لسانك




وتمكن لايتقنة الا المبدعين فـقـط ..


حمد هادي المسردي معجزة الشعر - أهداء لك ياسعيد ( اضغط هنا )


دائما بـ انتظار أبداعتك في مجلسك


تقبل سلامي واشواقي ومتابعتي


الخويطري

[سعود بن تركي ( العديم )]

صح لسانك واعتلا شانك



لله درك وبدع يستحق المتابعه وخلفه شاعر كبير


اخــوك

العديم

[سعيد ابو ديه]

المشاركة الأصلية كتبت بواسطة {بدر العجمى}

ياسلام يا بوعبدالهادى

بحر لا يجيده الا المسردى

وسعيد ابوديه

لله درك

وانا خابر عند قصيده ال 100 بيت ياريت تنزلها بعد

صح الله السانك

ارحب ارحب يابدر

وتشرفت بمرورك ياطير شلوى

[فهد بن محسن]

الشاعر سعيد ابو ديه


صح لسانك ولاهنت يالغالي على هذه القصيده الفريده والرائعه فعلا

صح لسانك مليون ولا يكفون يابو ديه

تحياتي لك

[ابو فيصل الخويطري]

الله الله

الكلام يعجز عن التعبير

صح لسانك على القصيده

وبيض الله وجهك



الخويطري

[مشهور عبدالله العجيري]

الله يصح لسااانك

مبدع ودائما متميز

ولاهو غريب منك يا كحيلان

ويش حالك وبشرني عن امورك


اسلم وسلم على نفسك

[سعيد ابو ديه]

المشاركة الأصلية كتبت بواسطة {بدر العجمى}

ياسلام يا بوعبدالهادى

بحر لا يجيده الا المسردى

وسعيد ابوديه

لله درك

وانا خابر عند قصيده ال 100 بيت ياريت تنزلها بعد

صح الله السانك

ارحب ثم ارحب يابدر

لاعدمتك يالوافي

[خيال الضيقا]

صح لسانك وبيض الله وجهك على هذه القصيده المعجزه