انا من وين ما اسافر عن احزاني تجد احـزان..

[البندري القحطاني]

السلام عليكم ورحمة الله وبركاته ..

سليمان المانــع ..



انا من وين ما اسافر عن احزاني تجد احـزان
واظل اركض مثل ضحكة غريب ودمعة مسافر
تعبت اهرب من الذكرى لها كل البشر عنـوان
تجيني بالوجوه اهرب ولا اهرب دامها الناظـر
واناديلك وانا باخـر ليالـي باّخـر الأوطـان
اصارع عزتي بيـن الخفـوق وعـزة مكابـر
لك الله ما شعـرت الا بعـد فرقـاك بالوجـدان
شف غيابك عسى فمهر العنـاد وروض النافـر
يا وجهٍ ما لحقه لسان ولا يلحـق ابـد انسـان
اغامر فـي مصالحنـا واذا زاعلتـك مغامـر
ياليتك لو تجـي مـره تعيشنـي زمـانٍ كـان
تدفي برد احلامـي واذوب بصوتـك الساحـر
هلا منك لها لـونٍ يسولـف تسكـت الألـوان
هلا منك لها طهـر الصـلاة ومبسمـك كافـر
هلا منك تخليني احـس اكثـر ضمـا الفنـان
هـلا منـك تعلمنـي اذوق بنضـرة الشاعـر
هلا منك تسفرني لوجه أمي و اشيـب أشجـان
هلا منك على عمـدان تقـول حظـي العـادر
هلا منك ولا اذكر شي بعدها من متـى لـلاّن
اهيم وما اعرف ما شفت ولا سامـع ولا خابـر
دخيل اللوم بشفاهك بهمـس طرفـك النعسـان
بلا ونجة بهـزة راس تغلـي وانتظـر صابـر
دخيل الصبح والنظره تثـاوب تنكسـر الحـان
وليلٍ ما جمعه الليـل علـى وسادتـك متناثـر
دخيل اخطر وعد مهما شربته عتلـك عطشـان
دخيل مواعـدك لا حـل يعلقنـي بيـد باكـر
دخيل العشق لا عاتب حنايا العاشـق الولهـان
سترت الشوق بضلوعي الين اعرج مشا الخاطر
دخيلك دربها وينـه يـا ناسـي بلـدة النسيـان
تعبت ابحث ابيع سنيـن لا غايـب ولا حاضـر

[عويضه الوقدان]

انا من وين ما اسافر عن احزاني تجد احـزان
واظل اركض مثل ضحكة غريب ودمعة مسافر
تعبت اهرب من الذكرى لها كل البشر عنـوان
تجيني بالوجوه اهرب ولا اهرب دامها الناظـر





العيش في ذكرى الحزن

ماأثقل الحزن على قلب سجناء الحزن



البندري القحطاني


صح لسان الشاعر / سليمان المانع

أختيار مميز وذائقـه رائعه

أهنيش على حسن الأختيار

[الغروب]

البندري القحطاني

تسلمي على الاختيار المميز

وصح لسان الشاعر سليمان الماتع .

[اسامه الرشيدي]

صح الله لسان شاعرها



ولا هنت على الجهوود الطيبه


تقبل مروري

[راعية اطيب قلب]

البندري

مشاء الله عليك

مبدعه في كل ماتكتبينه وما تنقلينه

لاهنتي عزيزتي



اسعد الله قلبك دنيا واخره

[عمر الرشيدي]

وعليكم السلام و رحمة الله و بركاته

صح الله السان الشاعر ][ سليمان المانع ][

يعطيج الله العافيه و لاهنتي الاخـت ][ البنــدري ][

تقــبلي تحيـأتي ][ عــمر الرشــيدي ][

[عبدالله بن اعجمي]

صح اللهـ لـسآنـ الشـآعر : ][ سليمآن المآنع ][ ..


ولا هنتي ع النقلـ المميز يا البندري ..


لا تحرمينآ منـ جديدشــ ..

[ليــه يازمـــن]

لاهنتي على النقل الرائـــع للقصيـــده

تقبلي تحياتي

[البندري القحطاني]

المشاركة الأصلية كتبت بواسطة عويضه الوقدان

انا من وين ما اسافر عن احزاني تجد احـزان
واظل اركض مثل ضحكة غريب ودمعة مسافر
تعبت اهرب من الذكرى لها كل البشر عنـوان
تجيني بالوجوه اهرب ولا اهرب دامها الناظـر





العيش في ذكرى الحزن

ماأثقل الحزن على قلب سجناء الحزن



البندري القحطاني


صح لسان الشاعر / سليمان المانع

أختيار مميز وذائقـه رائعه

أهنيش على حسن الأختيار

عويضه الوقدان .. مرور مميز.. وتواجد عطـر .!

وصــح بـدنـكـ وكلـكـ ..

[البندري القحطاني]

المشاركة الأصلية كتبت بواسطة الغروب

البندري القحطاني

تسلمي على الاختيار المميز

وصح لسان الشاعر سليمان الماتع .

ربي يسلمج ..