× عرفت ما تخفيه في صدرها .. ليّ ×

[خالد وبس]

قصيده على ذوقي
واذا ما اعجبتكم .. ما عاد اعوودها

إن كان تنشد عن علومي .. وأنا صبيّ = أبتذكرها .. وأعلمك عنها
لو هي بصفحات ٍ طواها الزمن .. طيّ=جرّة مطر .. جاها عجاج ودفنها
العب طواريق الهوى .. مع هل الغيّ=أثقل المعنى .. وأخفف لحنها
والشعر يبقى في قلوب العرب .. حيّ=ولا كل من جاب القصيده .. تكنها
وأنا احداها حدي الأصعاب .. بعصيّ=وأقودها قود الأديب .. برسنها
والحب مردوده على صاحبه .. سيّ=كم ضحكة ٍ ونات قلبي .. ثمنها
أذكر سنة تسعه وتسعين .. هجريّ=الف وثلاثميه .. بداية زمنها
زلّت بي الأقدام للشمس .. من فيّ= أقدار .. والأقدار تامر وتنهى
غافل وجتني من كوت خافقي .. كيّ=كيّة عطب .. لولا طبيب ٍ مكنها
أبعدت مضربها عن الصدر .. بيديّ=ولدّت على كبدي برمح ٍ .. طعنها
وعرفت ما تخفيه في صدرها .. ليّ=من واقع النظرات .. مني ومنها
نظرت فيها .. مثل ما ناظرت فيّ= وعجزت أقاومها .. وصديت عنها
كل البني ظلمه وهي بينهن .. ضيّ=غطّت شعاع الشمس .. شعّة بدنها
من الذهب تلبس خلاخيل .. وحليّ=سود ٍ محاجرها .. وحمر ٍ وجنها
مدري تسمّى من؟ .. ومنين؟ .. ومن أيّ؟=وش هي قبيلتها؟ .. وموقع سكنها؟
راحت وأنا مدري عن أخبارها .. شيّ= الا رموز الموتر .. اللي حظنها
مدينة ٍ من بين .. أبو ظبي ودبيّ= يا علها .. كان أنها هي وطنها
تمطر عليها السحب هذي .. ورا ذيّ= وديم ٍ الى قفى ثراها ودنها

الشاعر الكبير /

عبدالله بن زويبن

[مسعطر]

ابن زويبن ما يقول : الا ما يطرب الراس ,,
لا فضيت قريتها

برب

[العـــسر]

زلّت بي الأقدام للشمـس .. مـن فـيّ
أقـدار .. والأقـدار تامـر وتنـهـى
غافل وجتني من كوت خافقي .. كـيّ
كيّة عطب .. لـولا طبيـب ٍ مكنهـا
أبعدت مضربها عـن الصـدر .. بيـديّ
ولدّت على كبدي برمـح ٍ .. طعنهـا
وعرفت ما تخفيه فـي صدرهـا .. لـيّ
من واقـع النظـرات .. منـي ومنهـا

الله الله
صح لسان شاعرها
جعلك تسلم على هذا النقل المميز
لاهنت

تقبل مروري ..,,

[][ .. خــجــل .. ][]

والشعر يبقى في قلوب العرب .. حـيّ
ولا كل من جاب القصيده .. تكنها

/
\

والحب مردوده على صاحبـه .. سـيّ
كم ضحكـة ٍ ونـات قلبـي .. ثمنهـا

/
\

زلّت بي الأقدام للشمـس .. مـن فـيّ
أقـدار .. والأقـدار تامـر وتنـهـى

/
\

يا ســلام ..!
صح لسـان الشاعر عبدالله بن زويبن على هالقصيده .. ويعطيك الف عافيه يا خالد على النقل المميز .. !
لا هنت

[راعية اطيب قلب]

الله الله ياخالد

تسلم على طيب مانقلت

بجد ابدعت

والله يوفقك ويسعدك دنيا واخره

[محمد الشباك]

صح السان شاعرها


ولاهنت ع النقل

[مسعطر]

و أنا احداها حدي الأصعاب .. بعصيّ=وأقودها قود الأديب .. برسنها

غافل وجتني من كوت خافقي .. كيّ=كيّة عطب .. لولا طبيب ٍ مكنها
أبعدت مضربها عن الصدر .. بيديّ=ولدّت على كبدي برمح ٍ .. طعنها

ْمن الذهب تلبس خلاخيل .. و حليّ=سود ٍ محاجرها .. و حُمر ٍ وجنها

الله الله الله الله الله ,,
اشهدن ابن زويبن شااااعر,,
من قريت قصيدته : (لي صاحب ٍ غالي) و انا عارف انه شاعر ,,


خالد ,, صح لسانك مليووون و صح إختيارك مليار ,, و عدها دايم


فمان الله ,,

[" مــــابه جديــــد "]

سوابق الشيبه

صح لسان شاعرها ولااهنت على النقل

[جـراح]

أبعدت مضربها عـن الصـدر .. بيـديّ
ولدّت على كبدي برمـح ٍ .. طعنهـا
وعرفت ما تخفيه فـي صدرهـا .. لـيّ
من واقـع النظـرات .. منـي ومنهـا
نظرت فيها .. مثل مـا ناظـرت فـيّ
وعجزت أقاومها .. وصديـت عنهـا



يا حبي لذا القصيده



صح السان الشاعر الكبير بن زويبن


وتسلم يمناك ياخالد على ذالاختيار الزين

[النـوف]

وعرفت ما تخفيه فـي صدرهـا .. لـيّ=من واقـع النظـرات .. منـي ومنهـا
نظرت فيها .. مثل مـا ناظـرت فـيّ=وعجزت أقاومها .. وصديـت عنهـا
كل البني ظلمه وهي بينهـن .. ضـيّ=غطّت شعاع الشمـس .. شعّـة بدنهـا

::


عــزالله انك ابدعت و اجدت بلاختيار يا خــالد

صح الله لسانك و اعتلا شانك


تسلم ولا ـهــنت ع القصيــدة

::