๑ـن ورى عيني تخون !

[بــيــاض الـثـلــج]

قصيدة رآقت لي جدآ وهي لصآنع ووآلصانع مبدع في قصآئدة فهو مهندس آلكملة
تذوق آخر مآتخطة قلمي في هذآ الصرح ...


آنا أدري ياحبيبي ، من ورى عيني ( تخون )
لا تظن إنّك مكذّب .. . لا تصدّقها : ظنونك

ومن يقول إنّي أحب وقلبي عايش لك يصون ؟
آنا مثلك ياحبيبي [ من ورى عينك أخونك ] ..

هان قلبي في عيونك وهَم بعد ، قلبك يهون
عشت أيامك بدوني .. وعشت أيامي بدونك

دامك تسمّي الخيانه في ملفاتك : جنون !!
فيني لك مليون [ جنّي ] كلّهُم صاروا يبونك

لاتسوّي لي حكاية " نُون " . . ومالا يعلمون ،
يعني عارف يعني فاهم وإنت ضايع وسط كونك

كيف أحبك ؟؟ ليه أحبك ؟؟ وإنت أصلاً من تكون ؟
شخص خاين والله باين . . حط عيني في عيونك

لا تمثّل دور [ عاشق ] لا تقول إنّك [ حنون ]
إنت قاسي .. إنت ناسي .. إسأل إللي يعرفونك

أو ترى يمكن يكونوا ( مثل قلبك ) يكذبون ؟
يذكرونك .. يفقدونك .. بالكِذِب هُم يعشقونك

لا تصدقهم وتبكي وفي غيابك [ يضحكون ]
لا تأمّنهُم . . وإحذَر ، قبل لا تبدي طعونك

والله باكر مايفيدك لا بِدى : وقت الطعون ،
يطعنونك ، وإنت شايف وإنت عايش يذبحونك

والمصيبه .. بعد مُوتِك بالكِذِب هُم يحزنون !
يدفنونِك ، يكرمونِك ، وإلا يمكن يتركونك ؟؟

هي حياتك وإنت كيفك خون لو ودّك تخون ،
بس إعرف شي واحد والله من خنته يخونك !!

[فهيد الكفيف]

هي حياتك وإنت كيفك خون لو ودّك تخون ،
بس إعرف شي واحد والله من خنته يخونك !!

اختيار جدا موفق

واختم كلماته ببيت اعتبره ختام المسك لما كتب


اشكرك اختي الكريمه على ما قدمتي

اتمنى لك التوفيق...

[بــيــاض الـثـلــج]

المشاركة الأصلية كتبت بواسطة فهيد الكفيف

هي حياتك وإنت كيفك خون لو ودّك تخون ،
بس إعرف شي واحد والله من خنته يخونك !!

اختيار جدا موفق

واختم كلماته ببيت اعتبره ختام المسك لما كتب


اشكرك اختي الكريمه على ما قدمتي

اتمنى لك التوفيق...

بالفعل اخي الكريم ختمها كعادته بالمسك المعتق ولكن مخالفة له في هذا البيت
انه هناك من لايخون ولكن يترك المكان ويرحل دون رجعة ...
راقي لي تعليقك وحضورك اخي ..
دمت بود ...

[راعية اطيب قلب]

قبس من نور


نقلتي فابدعتي

لله درك ما اجمل ما نقلتيه
كلمات تلامس الوجدان

اسعدك المولى واغلاك

[همس الloyal]

قصيدة فعلا جميلة... سلمت الأيادي

[ناثرة الورد]

.. السلام عليكم ورحمة الله وبركاته ..

{ شُـكـرتي لـروعـهـ الاختيار
ولا حُرمنا روعهـ جديدكـِ الراقي ..

دمـتي بهـذا التميـز ~