& الغنج&

[الفهد الهاجري]

تعال عطني علومك واتـرك الصـده
وشعلمك اقفيت وانت الحال تدريبـه

قدني على شوفتك شفقان من مـده
ولا مر طيفك علـى بالـي اهليبـه

واقـول يامرحبـا يالعنبـو جــده
من قال لي في غيابك ويش تبغيبـه

مايدري ان غبت عني ضاقت العـده
وان جيتني سقت لك مليون ترحيبه

ياغنج يالـي جمالـك ماحـدآ قـده
حتى اجمل الكون حسنك ماتذريبـه

ياسالبـة قـلـب مــن لاوده وده
يعني غصب طيب من شافك تضحيبه

من شاف تيك العيون السود لابـده
بيقـول فـدوة عيونـك ماتسويبـه

وشلون لو شاف ذاك المبسم وخـده
يابري حاله عليـه ويافـري جيبـه

ونا بعد يابري حالـي مـن الصـده
الله يسهل وصـال مطـول الغيبـه