[ شذى الجوري ]

[خالد وبس]

اسمع يالفارق النادر !؟

سبحان من كوّنك . يالفارق النادر = وخلاّك تتسلسل .. من آدم ومن حوّى
قد كان لي قلب .. وانت بقدرة القادر = دخلت صدري .. واخذت القلب من جوّى
والله يا من شاف .. نظرة طرفك الخادر = ان يبطي وهو من اللي شاف .. يتلوّى
ذبحني الشوق من عقبك .. وانا مغادر = ولو شفت عيني .. وشفت الشوق .. وش سوّى!؟
يمكن بدون آتكلّم معك .. وابادر= تضمّني .. واسرق انفاسك .. وانا اتهوّى

[خالد وبس]

من الخاطر !؟

فديتك يا هوى خالد .. فديتك = من اللي صار لك .. يوم احتويتك
ذبحني الشوق صوبك يا حبيبي = وخلاني اجي .. لا عند بيتك
لمحتك فجأه .. احسبْك (تورته) = ومن الجوع احتضنتك .. ثم كليتك
يا كثر اللي بصدري .. بس ما اقدر = اخاف الناس تدري اني .. هويتك!

[خالد وبس]

في خاطري شيّ مخبّا .. ومكشوف
ولا اعبر من المكشوف .. غير المخبا
×
كم كلمةٍ عيّت تزحزح .. من الجوف
واخاف اموت وعاد صدري .. معبّا
×
الحب لو انه ماغير .. (4) حروف
ونظره .. وغمزه .. وابتسامه .. ولبّا
×
ماني على بعض الغنادير .. مكلوف
اللي على الطاري .. تبين وتغبّا
×
اما اني اعشق صح .. مغرم وملهوف
والا بلاش من الخيال .. اتوبّا
×
(ف)يا جعل من غيّر حياتي .. وانا اشوف
أفداه .. وأفدى اهله .. وماما وببّا
×
ماهوب لا بيّن .. ولاهوب معروف
الا ان طعمه .. مثل طعم المربّا!؟

[خالد وبس]

لكــاعه !؟

حطوا تحت ما اقول .. خمس خطوط = مشاعري زادت فخامتها
مغرم بمن (ضمتني) .. ومبسوط = من سبت ماطاها .. لا هامتها
البنت فطفوطه وانا فطفوط = الله لا يحرمني .. ابتسامتها
دلوعه .. وتملي عليّ شروط = ودايم تعامتني .. واعامتها
آخذ معاها فالمغايض .. شوط = وقدام اروح .. امرّ شامتها!

[خالد وبس]

للي هي له !؟

قل للهموم اللي تضيّق .. صدرك = اني هنا .. واعيش لك واحيا لك
وان كان خالد .. ما حفظ لك قدرك = ماهوب كفوْ .. لجيتك ووصالك
انته فخر للارض .. لو هي حدرك = تقول كنك فوقها .. بلحالك
ما ميّزك في جيلك .. الا نُدرك = ولا نافسك فالكون .. حتى ظلالك
ما يستحقك غير رجلٍ .. مدرك = وانا الرجل .. وانته سبايب ذلك!

[خالد وبس]

انا انسان تغريني المظاهر .. وتخلفني = واذا شفت لي زولٍ من بعيد .. حبيته
تصارعني الامواج لين اغرقت سفني = يا كم موقفٍ حطّم فوادي .. وعانيته
هذا يوم كنت اقاوم الليل .. يا جفني = واعشق السهر .. والليل يرسل تناهيته
على ان الغرام يهد حيلي .. ويضعفني = وفيت .. وخذيت من الهوى .. ما تمنيته
عشقت الحبيب اللي .. ليا قال وصّفني = سكت .. وتغافلته وأخذته .. وضميته
ما والله يحسّفني صراحه .. ويؤسفني = سوى لا تمنيته .. وجيته .. وخلّيته
انا كيف ابنسى اللي غرامه .. مغلفني = ورجلي على دربه .. وعيني على بيته
غلاه آتنومس به .. وحبه يشرفني = وعن الناس .. دخّلته بقلبي .. وخبّيته!

[خالد وبس]

ما غير كذا




آتضايق .. وآخذ من الضيق .. علقه
باقيٍ من باقي ظروفي .. رواسب


فـ الظهر طعنه ..وفـ اقصى الراس فلقه
كيف احاسب حاجةٍ .. ما تــ نتحاسب


ودك ان الواحـد .. اليا ضـاق خلقه
ما يفضفض غير فالوقـت .. المناسب !

[خالد وبس]

(احبك) .. كلمةٍ لو قلتها لك .. لا تصاغرها = تراني قلتها .. وبكل ما تحمله من معنى
كثير الناس لوّ تمرّك .. وتبدي مشاعرها = ما تسوى اللحظه اللي تحت جنح الليل .. تجمعنا
لك الله ما اتحمّل صدّتك .. ولا اتصورها = عسى طاري الفراق اللي يلوّع .. ما يلوّعنا
نبي مستقبل الدنيا .. وماضيها .. وحاضرها = بعد عشنا الحياه .. ولذة العشق .. وتولعنا!

[خالد وبس]

يا ليته يجازيني بافعالي !؟

انا صلف واسلوبي مع الناس .. نص ونص = على فطرتي عايش .. مزاجي وتلقائي
ماهي مشكله .. حتى ولو ما التزم بالنص = انا نخبوي والمجتمع .. مجتمع نائي
لكن المصيبه لا زعل منّي .. اغلا شخص = وهو اللي يغض الطرف .. عن معظم اخطائي
يا ليته يسوّي بي .. مثل فعلي .. ويقتص = ولا يبتسم .. ودموع عينه .. من امضائي!

[خالد وبس]

متضايق .. وقلبك من الشوق ذايب = وانا على حدك .. من الشوق بموت
مهما التزمت الصمت .. نبقى حبايب = حتى لو ان الموت .. في بحة الصوت!