تغطية زواج الشاعر عبدالله عبيان ( صور وقصائد)

[راكان اليامي]

بحمد الله ومشيئته وفي ليلة من ليالي ألف ليلة وليلة في جو صاحبته وأمتزجت فيه زخات من المطر بالعطر والشعر أقيم حفل زفاف الشاعر العذب شاعر الإنسانيه / عبدالله بن عبيان يوم الأربعاء الموافق 18/7/1428 هـ - 1/8/2007م بحضور جمع غفير تجاوز الثلاثة آلاف شخص حضروا جميعاً حباً في شاعر الإنسانية لمشاركته فرحة زفافة وليلة العمر يتقدمهم جميعاً سعادة الأستاذ / محمد بن فهد بن سويلم (( وكيل إمارة منطقة نجران ))

[/color][/font][/size]

وكيل الإمارة بصحبة عبدالله


والشيخ / أيمن بن مبيريك (( وكيل محافظ رابغ - شيخ شمل قبائل حرب بالحجاز )) والشيخ /عارف بن درزي العردان الشمري (( شيخ قبيلة السلمان من شمر ))


الشيخ بن مبيريك والشيخ عارف بن درزي بجوار بعض







والشيخ سلطان بن سالم بن منيف (( نائب شيخ شمل قبائل جشم يام ))







كما حضر الشيخ / حامد بن سعد (( شيخ قبيلة الرواجحه من حرب ))
كما حضر وفد من كبار قبيلة حرب بصحبة الشيخ أيمن بن مبيريك
ووفد من كبار قبيلة السلمان من شمر بصحبة الشيخ عارف العردان


وحضر العديد من الشعراء والإعلاميين والصحفيين ورجال الأعمال في المنطقة
ومن سائر مناطق المملكة ..
وكان من ضمن الحضور رجل الأعمال / جمال عبدالخالق سعيد
كما حضر العديد من الأخوة الإعلاميين منهم على سبيل الذكر لا الحصر:
الصحفي عبدالله الفارسي
الصحفي هليّل المزيني
الإعلامي والشاعر / سعيد آل منصور
الإعلامي محمد بن مشوط
الصحفي الكبير علي فقندش
الاعلامي / ماجد آل سليمان
الإعلامي طالب بن محفوظ



الاعلامي ممدوح الشمري



كما حضر من شعراء المليون :

الشاعر / فيصل اليامي وبجواره الشاعر سعيد آل منصور


الشاعر/ صالح السكيبي


الشاعر /علي الريض


الشاعر/ لبنان الدوسري


الشاعر/ محمد بن ساقان





الشاعر/ فهد الحارثي من دولة الإمارات






وحضر من الشعراء المعروفين:
الشاعر / حسين القحطاني (( شاعر رائعة خالد عبدالرحمن - الحب مايهدى جميع المخاليق))




الشاعر / حمد بن فتان
الشاعر / احمد آل الحارث
الشاعر / فلاح آل مخلص
الشاعر / محمد بن قنيفذ
الشاعر / فيصل بن قنه
الشاعر / مسفر آل قريش
الشاعر / مجحود بن عسكر
الشاعر / هادي ال مخلص
كما حضر عدد من الشخصيات المهمة على المستويين الإجتماعي والأكاديمي


ولقد ابتدأ الحفل بآيات من الذكر الحكيم
ثم كلمة ترحيبية بجميع الضيوف والمدعويين
ثم زامل ترحيبي بالضيوف والمدعويين

الزامل الترحيبي بالضيوف

عبدالله يتقدم اهل الزامل الترحيبي بالضيوف

ثم قصيدة ترحيبية للشاعر / فلاح آل مخلص

عد ماحن رعاده وما البرق لاحي=وعد ماهل هماله وماسال سيله
وعد مالطيب سيق وعد مالبن فاحي=وعد مابهرو الدله من الزنجبيله
وعد مانحرت البل ياطيور الفلاحي=وعد ماغرد القمري براس الطويله
مرحبا بالضيوف أهل القلوب الصحاحي=مرحبا عد ماهلت مزون المخيله
قمت آمثل قبايل يام والله سلاحي=والله يجمل اللي شبحهم للجميله
عادة عندنا للضيف لن جاء وراحي=نكرمه من خيار البل وقلبه دليله
مرحبا بكل من جاء من جميع النواحي=مثلكم لازم نرحب به ونحتضي له
فوق صدري من امقابل لحاكم وشاحي=والله ان ودي احي قبيله قبيله

ثم قصيدة ترحيبية بالشيخ أيمن بن مبيريك وبجميع الحضور من قبيلة حرب ألقاها الشاعر مسفر آل قريش نذكر بعض الأبيات

البرق ناض وذعذعي يارياحين=والورق غنى فوق راس البشامه
غيم يهب وسابقته الخماسين=لاح الفرح فيها وبدد وظلامه
يامرحبا ترحيبة بالشطيرين=وعداد ماهل المطر من غمامه
لشيوخ حرب اهل الشهامه المسمين=اسم على طاري الوغا والقرامه
هذا بن مبيريك ٍ على العسر واللين=تندى يمينك يابعيدن مرامه
فرز الوغى أيمن طليق الحجاجين=نقرى فلاحه في ملامح كلامه
يامن جدوده ساندوا احمر العين=عبدالعزيز ووقعهم في الرغامه

ثم ألقيت قصيدة ترحيبية بالشيخ عارف العردان الشمري وجميع من حضر من قبيلة شمر ألقاها الشاعر فيصل بن قنه

أ

جر موالي على كيف ماجات=ولساني حصاني وشعري صهيله
وآرد على عد القصايد والأبيات=أشرب قراحه وأتقهوى بسيله
لكن بسريها وأعسف المسافات=وأسوق براقي وعيني تخيله
صوب الديار اللي ثمرها مروات=ورجالها مثل السيوف الصقيله
شمر هل الفزعه ولابه ملاوات=عدوهم يوم اللقا ويل ويله
مني على شمر سلام وتحيات=مليون شيخاً كلهم في قبيله

ثم ألقيت عدد من القصائد الترحيبية الأخرى كما تخلل الحفل العديد من ألوان الزامل منها ماهو زامل سلام ومنها ما هو زامل ترحيبي

ولعل أشهر زامل سلام زامل قبيلة حرب

سلام من شيخ الحروب اللي بفعله يذكرا=الشيخ بن مبيريك له تاريخ حافل ينقرا
ينصى الرجال اللي لهم في الطيب مركز وومرا=اهل الوفا واهل الفعول الطايلات رجال يام
جينا كما نو الخيال اللي من المنشى سرا=برقه ورعاده يعلم كل واحد مادرى
هبت له لحايه على بيشان ركّز وأمطرا=لين أرتوت نجران قبل السيل من وبل الغمام

ولقد ألقيت العديد من القصائدللشعراء

قصيدة للشاعر والصحفي / عبدالله الفارسي

من قبيلة حرب ربعي رفيعين المقام=لابة ٍ تعرف بتاريخها وفعولها
جيت في يديني رسالة وفي لساني كلام=ويوم حانت لحظة الشعر قمت أقولها
للرجال اللي لهم قدر عالي واحترام=راجحه بالطيب بأفعالها وعقولها
هم على ماقيل درع الجنوب رجال يام=لابةٍ للمجد تسرج ظهور خيوله
باسم أبومشعل على الدار ورجاله سلام=هو مكلفني وانا قمت عنه أقولها

كما ألقى الشاعر/ علي الريض المطيري

ماردنا بعُد الديّر والمسافات=عن واحد ٍ يستاهل إنّا نهنيه
لو إنها زحمة خطوط وحجوزات=ما أرتحت لين أكدت أنا حجزي أوكيه
يستاهل العنوة زبون الونيات=ويستاهل إنه كل ما يدعي آجيه
أخوي تاج الطيب رمز المروات=هذا ولد صالح عريبه مجانيه
له في فعول الطيب والمجد وقفات=أصفى من البلّور للي يصافيه
هو يدري إني كن أغليه بالذات=صديقي اللي دايم ٍ أفتخر فيه
من لابةٍ يوم الدخن والمثارات=صبيان يام ومدحهم كيف أوفيه
الطيبين أهل الفعول القديمات=والوقت هذا فعلهم مثل ماضيه
جينا نبارك ياهل الحفل زافات=أبرك سنين العمر وأبرك لياليه
الليلة اللي ماتجي بالروايات=في فرحة اللي كلنا صدق نغليه
وختامها مني سلام وتحيات=إعداد ماهل المطر من مناشيه

كما ألقى الشاعر لبنان الدوسري هذه القصيدة

سلام يام العريقة هل الطيب=وأهل الكرم وأهل اليدين النقية
وأهل السيوف الحانيات المعاطيب=اللي تورد لا أحتمت كل هيّه
وسلام يالوافي زبون المواجيب=عبدالله عبيان وافي الحميه
حر ٌ شهر من فوق روس المراقيب=وصّي على الجزلة وحفظ الوصيه
مبروك يالنادر عطيب المضاريب=من دوسرياً عزوته زايديه
وطبع الدواسر والليالي تجاريب=عزومهم عند المواقف قويه
والناس دايم تخطي أحيان وتصيب=والطيب يلقى عند رب البريه
واللي يهوم الطيب لايقرب العيب=العيب ميزة للوجيه الرديه
والاعذار قالوا لا تودي ولاتجيب=ويقطع خوياً مايقدر خويه
وصلوا عدد ماتبدي الشمس وتغيب=على الرسول عداد وبل الرفيه

وألقى الشاعر الإماراتي / فهد الحارثي هذه القصيدة

سلام ياحفلن عريسه عبيان=اجمل تحيه بعد رد السلامي
سقت القدم من دار زايد نهيان=دار الشيوخ اهل الكرم والنضامي
عاني ومتعني على شان الاخوان=اشوش للدعوه على شان يامي
الشوق يحداني على شوف نجران=ديرة هلي ربعي وديرة عمامي
دار الرجال اللي عظيمه لها شان=ونعم الرجال اللي تشد الحزامي
تاريخهم ثابت على مر الازمان=متوارثينه من جديد وعامي
وصلت مواصيله الى حد برزان=والترك واليونان والعلم سامي
سطره زيزوم الرجاجيل راكان=الفارس اللي ضاري في الزحامي
مهما تباعدنا على دروب واوطان= ولو نفترق لاجل الحدود ولسامي
الا انحن واحد ولو كان ماكان=واكبر فخر يوم اعتزي صلب يامي

وهذه القصيدة للشاعر صالح السكيبي

أورقت كل القصايد من أغصان الكلام=وذابت من العشق روحي على معشوقها
طار من صدري سلام معه شوق وغرام=قبل لاجيب القصيده على طاروقها
جيتكم من حب نجران ياصبيان يام=والقصايد صدر شاعر لكم معلوقها
ياسلام يسبق الريح ويسوق الغمام=من أجا وجبال سلمى وطيب عروقها
للرجال اللي لهم فالكرم راس السنام=دون نقص فالقبايل ولا بحقوقها
فزعة اللي من نخاهم الياثار العسام=ونادت سيوف المنايا صليل بروقها
من شيوخ القوم فيهم اليا اصغر غلام=من ذخر نفسه عن الموت جاك يسوقها
صيتهم نار من الطيب تجتاح الظلام=علمهم شمس على الناس نور شروقها
جيت أدور بعد هالمسك في شعري ختام=ولابقى إلا روح عاشق وجيت أسوقها

وأترككم مع بعض الصور والتي تعبر عن نفسها





















[size=4][font=Times New Roman][color=#0000FF]وفي الختام لانملك سوى الدعاء لشاعرنا العذب والرائع عبدالله بن عبيان
بالتوفيق في حياتك الزوجيه وأن يرزقه الله الذرية الصالحه وأن يبارك
لهما ويبارك عليهما

منقول من موقعه الرسمي

[الخليفه]

الله يرزقه الذرية الصالحه
وأن يبارك لهما ويبارك عليهما
لاهنت ياراكان على التغطيه وبارك الله فيك
ووفقك الله

[عريب المجنا]

هاذي العروس ما شاء الله على الحضوور

الله يسعده ويهنيه بالذريه الصالح

ولاهنت اخوي على النقل الجميل

[عـسـاه خـيـر]

الف مبروك للاخ والشاعر عبدالله بن عبيان اليامي والله يرزقه بالذريه الصالحه ولاهنت اخوي راكان على التغطيه الرائع.

[فهد بن محسن]

لاهنت ياراكان

وبيض الله وجهك على هذه الصور والقصايد

والله يوفق ابن عبيان ان شاء الله

تحياتي لك

[مسعطر]

مبرووووووووووووووووك زواج الشاعر الإنساني المبدع عبدالله عبيان

و الله يوفقه و يرزقه بالذرية الصالحة و يجمع بينهم في خير..

ولا هنت يا راكان على النقل الجميل .. تقبل مروري و تحياتي..

[ناصر ال عويس]

مبروك زواج الشاعر الإنساني المبدع عبدالله عبيان

و الله يوفقه و يرزقه بالذرية الصالحة

[بن جابر]

ألف مبروك زواج الشاعر عبدالله بن عبيان اليامي
الله لايهينك أخي راكان اليامي على هذه التغطية الناجحة

[الفرس]

الف مبروك للشاعر المثالي ... بن عبيان ..


اسال الله له التوفيق .. والسعاده يارب ..

[راكان اليامي]

ياهلا وغلا بالجميع وتسلمون على الررد