فخر وأكبر فخرلامن طرولي ربعي العجمان&&&

[علي آل زايد المري]

الســــلام عليــــكم ورحمـــة الله وبركـــاته

يالربع اسمحولي على القصور لأنه صارت لي ضروف وماقدرت ادش المنتدى


ابتدي معكم في الموضوع

سلام الله عليكم يالربع يالابت الشجعان =سلام الله لبن دسمه وابو فيصل ابن حثليــــــن
فخر واكبر فخر لامن طرولي ربعي العجمان =حزامي لا كلح وجه الزمان وصار وقتي شين
ياناشدن عنهم اسمع وصوفاً تتبع برهان=وصوفاً مالحقها شين وكل اللي وسطها زيـــن
مثل ماضي زمانه لاكن انه في ضميري حان=وحق وواجب اني انطقه في مدحهم ذلحيــــــن
ولدهم في المعارك لاحضر فوق الفرس شيطان=طموحه يفصل ادماغ العقيد ويشلع المتنــــين
والى جا في المجالس يفتخر في هيبت السلطان=على صغره كلامه لاتكلم هرج ابو ستيــــــــن
الي منه حكى يصدق ودايم هو فصيح السان=مايخطي بالحكي ويعدل الي بالحكي مخطيـــــن
الا ويل الذي ينوي عليهم ضايق وزعلان=الى فكر يقول الي سواتي ضايع ومسكيــــــــن
انا بحلف يمين بدين شرع الله والقرآن=وعيد اقول والله ثم دين ودين تتبع ديـــــــــــــن
ان الي مثل ابن زايد فخور بربعه العجمان=وفي شيخة ابن جمعه مع الدامر وابن حثلــين
ولا انسى ياعرب فعل الزعيم المعتلي راكان=الى منه غزى خصمه ابد ماغمضة له عيــــن
ترا اصل الكرم عجمي الى من جاوله ضيفان=يسوي وجبة اضيوفه ولو ان الملا ممسيــن
والى عنز عليه المحتدي وقف وكنه حصان=يوقف للمعنز مايحسب عاقبت بعديـــــــــــــن
وابي عذراً كريماً كان في مدحي لكم نقصان=ولاكن ودي اختم في نهاية قولي ابيتيــــــــــن
يعجز المدح ماوفا بفعل اصحابنا العجمان=فخر واكبر فخر لا من مدحنا يسار ولا يمــين
وسلام الله عليكم ياحضور المنتدى المليان=سلام الله لبن دسمه وابو فصيل ابن حثليـــن

وســــــلامــــتــــكم

واسمحولي على القصور