ذارف الدمع

[ابومحمد الشامري]

ردية تتسم بالبساطة والجمال تنشر للمرة الاولى وهي بين الامير الشاعر محمد الاحمد السديري والشاعر عمير ابن زبن بن عمير البراق وقد بدأها السديري فقال:

يا عمير سلم لي على ذارف الدمع=سلم على مضنون عيني شفاتي
الله على الحبات من مبسمه كمع= راعي الثمان الذبل المرهفاتي
لو دونها يا عمير جمع{ن} ورا جمع= أجيه لو دونه تحول العصاتي
حبه بصندوق الضماير شمع شمع= ليته سمعني يوم أجر انهناتي
زفرات قلبي سمعهن مغلق السمع=ودمعي يسيَل من مكاني مراتي

فرد عمير قائلا:

يا سيدي خلك سمع زفرتك سمع=وبادلك بالزفرة ثمان ازفراتي
ووصاني ابلغك التحية وهو طمع= طمع{ن} بشوفك قبل حتن المماتي
اللي جبينه تقل برق{ن} لمع لمع= وعينه على شوفك تهل اعبراتي
وقلبه على قلبك يتوق ورمع رمع= ودمعه غطا قمة جبال السراتي
واللي يقف دونه نبي نقمعه قمع= ولا نستمع هرج العصاة الجناتي

ابوحمد الشامري

[ابن وعيل]

رديه رائعه

تسلم يالسنافي على النقل

[ابومحمد الشامري]

مرحبا الف يا ابن وعيل اسعدني مرورك يا السنافي وتشرفت به ولا هنت على التعقيب والكلام الطيب.

[الهاوي]

لاهنت يابوحمد

وصح ألسانك

تحياتي


الهاوي

[أبو محمد]

رديه جميله تشكر يا ابوحمد على ايرادها

[ابومحمد الشامري]

مرحبا لف يا الهاوي اسعدني مرورك يا السنافي وتشرفت به.

[ابومحمد الشامري]

مرحبا الف يا ابو محمد اسعدني مرورك يا السنافي وتشرفت به.

[monamora]

الله يعطيك العافيه بوحمد جميله الكلمات

[راكان اليامي]

لاهنت يابو حمد على الموضوع يالغالي