بسم الله الرحمن الرحيم
السلام عليكم ورحمة الله وبركاته
فالبداية احب اشكركم على المرور على مشاركتي الاولى والذي زاد من حماسي لتكرار المشاااركه. وبصراحه انا عندي قصيده اتمنى ان تعجبكم
واسمحونا على القصووور
يادنيتي كافي من الهم تعذيب = خفي عليّ يادنيتي رااح صبري
اشكي همومي والدهر كشر النيب = ومغفل العالم يقولون بدري
كاني صغير وراسي اجتاحه الشيب = وين الصدور اللي بها الهم يزري
دام الشجاع اللي يفك المطاليب = لي هازته بقعا مع الليل يسري
فــ ياوجد حالي من زمان التعاجيب = وجد الحويج اللي على الدرب عبري
ماله جداء والبوك ماثقل الجيب = والفقر حده للمتاهات جبري
ومع زود فقره مايخلي المواجيب = طويل يمنىٍ لو غلا السوم يشري
ودام الزحول اللي تمس الاشانيب = ترضى بــ عيش الذل ياضيق صدري
ضيق الدعاوي قبل طق المشاعيب = اليا استلمها شيخ قومٍ يذري
فصله يمينٍ فالقصا تقطع الصيب = والا الهيا يكفي من الحق عذري
ودام الجروح الماكنات المعاطيب = حصيلتي لي مت وان عشت قدري
فـ ياتل قلبي من عذوق المضاريب = تل الحرار اللي بالامجاد تحري
وياتل قلبي تل راع المشاريب = دلوه يتله في ثمانين هجري
ودام الرفيق اللي تهقوى به الطيب = يخلف ظنوني يلعن اسباب غدري
لعن النصارى واليهود المناصيب = ولعنة رجيمٍ للمخاليق يغري
اقولها من هاجسٍ ماوطى عيب = ودار الفساله مابها له مقري
قصيدةٍ يعوي بها الذيب للذيب = في حزةٍ مالي دواء كون شعري
وسلااااااااااااااااااامتكم
20-09-2005, 05:52 PM
كـــــــــــــ يادنيتي ــــــــــــــافي
العرض العادي
