تهب الرياح ويربح اللي ذرا فيها ... رائعة لشاعر يـام بأداء سعد اليامي

[عبدالله آل عامر]

بسم الله الرحمن الرحيم
:
السلام عليكم ورحمة الله وبركاته
:
أتشرف بتقديم هذه القصيدة الرائعة لشاعر يام: علي بن بلال آل فطيح
:
وهي بصوت المبدع: سعد بن مهدي اليامي
:

:

للتحميل بجودة عالية من المرفقات

:

تهب الرياح ويربح اللي ذرا فيها=ومن لاذرا فيها تعدته الأرباحي
الأيام وديانٍ طوالٍ محانيها=تعرضت أنا ما شاح فيها وما لاحي
ديارٍ نصابحها والأخرى نماسيها=ليا طاب نوم اللي علي الهون يرتاحي
تجزعت من دنيا عسي الله يكافيها=ضحوكٍ عواقب ضحكها يمرض الصاحي
جياعٍ ذيابتها.. شباعٍ حصانيها=تعز الردي وتهين كسّاب الأمداحي
ولا أقصد شبعة عزيزٍ يزكّيها=أنا أقصد بها ناسٍ غنيين وشحاحي
تميّحك إلين إنك من الجم تسقيها=وتطوي رشاها وأنت في البير مياحي
غناة محرومٍ تلحق اللوم راعيها=لها الوارثين وهو لجذاب الأرواحي
أنا أشوف ناسٍ زود الأموال يطغيها=وهم ما خذوها يوم الأنياب كلاحي
وجيه السراب اللي يخيب الرجاء فيها =كبار الكذاب مكثرين التمداحي
ضعوفٍ تزعزع في العوافي عزاويها=تهبد الصحن وتفطح الهرج فطاحي
وعند الأزوم يبين للناس خافيها=يضيعون ويجي للعزاوي تبطاحي
ومن لاعرف كدر المعاني وصافيها =غدره الزمان الشين في ثوب مزاحي
والأنذال لو بالمال تنفخ علاقيها=يضيعون عند الحساب كم جاء وكم راحي
وترى كل من له عادة ما يخليها=لما جاء الزمان اللي هبودٍ ورماحي

:
أتمنى أن تحوز على رضاكم
:

[الغروب]

عبد الله آ ل عامر

تسلم علىماقدمت وصح لسان شاعرها

وفقك الله

[مانع الوعيلي]

لاهنت اخوي عبدالله ال عامر على النقل ويعطيك العافيه

[عبدالله آل عامر]

لاندمتوا والله يسلمكم من كل شر
:
أشكر لكم تشرفكم وردودكم
:

[محمد آل مفرح الضاعني]

لا هنت ابوسراج ع القصيده وصح السان شاعرها

[عبدالله آل عامر]

لاندمت يابو منصور ويستاهل شاعرها
:

[مسفر مبارك]

تسلم يمينك يبو سراج ولاهنت وصح لسان ابن بلال ...!
:

[عبدالله آل عامر]

لاندمت يابو مبارك وجعل يسلم راسك يالقرم
:

[لورنس العجمان]

وترى كل من لـه عـادة مـا يخليهـا
لما جاء الزمان اللـي هبـودٍ ورماحـي




رائعة تتقزم الحروف أمامها

اللة يطول بعمر شاعر يام أنا اشهد انة مجمل يام

[عبدالله آل عامر]

يستاهل ابن بلال ولاهنت يا لورنس العجمان على تشريفك
: