( .. الــــى متـــــى .. )

[بخيت البريدي]

الى متى نصبر على الهـم والغـم=اليـن ورِدنـا حيـاض المنـايـا
الى متى نبكي على شوفـة الـدم=عبر الجزيره مـا تعـد الضحايـا
الى متى نِجبر علـى اقعـد وقـم=وحقوقنا للغـرب راحـت هدايـا
الى متى وحلوقنـا تجـرع السـم=ونقول ما له فـي البقيعـه حلايـا
الى متى الى متى والفـرح حلـم=حتى الصبـر ماباقيـا" لـه بقايـا
الغرب يامر والعـرب قولهـا تـم=لو يامر ارقـاب الرجـال البلايـا
نبيـع عزتنـا ولا نـدري بـكـم=بس المراد انهـا عبـارة عطايـا
صار الثعل يمرح ويسرح ويلهـم=والذيب ما له فـي زمنـا حكايـا
غزه تصيح وصوتها بالكـره عـم=وبغـداد ردت بالأسـى والعزايـا
ولبنان لاحتها على طـاري الهـم=واحزانها بيـن الضلـوع الحنايـا
ونقول بكره .. لا بعد بكره السلـم=واجسادهم راحت عليهـم شظايـا
يالله ياسامـع دعـانـا وتعـلـم=صرخة ضعيفا" بين كـل البرايـا
ودمعة يتيما" تالـي الليـل يعتـم=يستنقـذ بربـه كريـم السجايـا
وركعة صغيرا" ماله الا ولـد عـم=اقفو عليـه القـوم يـوم النعايـا
وعذرا تشوف الميتيـن وتهجـم=عرو جسدها ضمن باقي السبايـا
ندعيك وانت اللي تبنـي وتهـدم=ياواحـدا" تعلـم جميـع الخفايـا
يارب زينهـا علـى كـل مسلـم=ودمر على اهل الشرك خبث النوايا
اللي هدفهم يهـدم امجادنـا هـم=لكـن حنـا بـك نطـم السرايـا
اما نعيش العيشه اللي لهـا سهـم=ولانمـوت بـدون فعـل وسوايـا

[خالدي يحب العجمان]

عسى ربي يعطيك العافيه يالبريدي ويجزاك خير

نص الضاهر انه ارتجالي من حر ماشفت


اما نعيش العيشه اللي لهـا سهـم
ولانمـوت بـدون فعـل وسوايـا...............>>>>>>>>
اي والله صدقت بعدين وش نقول لعيالنا وش نحكي عن انفسنا وعن ذلنا......

[عبدالله آل عامر]

صح لسانك وعلا شانك يا بخيت على هذه المشاعر الطيبة
:
أبيات في الصميم نسأل الله أن يعجّل بتحرير القدس وأن يزيل منها هذا المحتل المدنّس
:

[ناثرة الورد]

{{ بخيـت البريدي }}

يعطيك الف عافيه علي هالقصيده الرائعه و المميزه ....

وعسـى الله يحـرر فلسطين و ينصر المسلمين ....

تقبــل ::

كل الشكر و التقدير ....

[الغروب]

بخيـت البريدي

صح لسانك وجزاك الله خير

شكري وتقديري

[عبداللطيف أبوظهير العنزي]

صـــــــــــــح لســـــــــــانـــكـ واعتــــــــــــلا شـــــــــــانــــكـ ...

لاهنـــت وبيّــــــض الله وجهــــــــكـ ...وافــي وكـــافــي يالقــــــررمـ ...

الله علـــــــى الظــــالميــــــــن اللهــــم آآآميــــــن ...

وودي وغــــــــــــــلااااي ...

[مطلق اليامي]

صح لسانك وعلا شانك يا بخيت على هذه المشاعر الطيبة
:
أبيات في الصميم نسأل الله أن يعجّل بتحرير القدس وأن يزيل منها هذا المحتل المدنّس