هجوس الشعر

[علي ابن جمه]

السلام عليكم ورحمة الله وبركاته

اهدي لكم هذه القصيده وآمل ان تحوز على اعجابكم

ياهجوسي لانخيتك تعالي ياهجوس=جيبي الجزله وخلي دوينات الكلام
ودي اتجيبين قافي على كل الطقوس=من تسمع له يقول الله الله ياسلام
خابرك ياهاجسي ماتعودت الجلوس=خابرٍ هامتك تاصل لياحد الغمام
ارق للعليا وبعطيك من عندي دروس=تستنير ابها على طول في جنح الظلام
خلك مثل الصيرم الزير في حرب البسوس=يوم اخيه اكليب ينخاه يالزير الهمام
بس انا لازلت حيٍ على الدنيا وادوس=واطلب الله ينصر الدين ويعز الامام
والله ان الشعر غايه تطيب ابها النفوس=خص لاجت من فهيمٍ بجوف الغب عام
لانوى ياتيبها لايدور ولا يحوس=يضمن الجوده وقسمه من شعوث السنام
مايدور من ورى كلمته عد الفلوس=همه الجمهور يرضيه والربع الكرام
لابتي خيالة الخيل باليوم العبوس=من ظنا فروان والجد من صبيان يام
لابتي يام العريقه تطمن كل روس=في ميادين الوغى ماتلين ولاتظام
من يعاديها تحده على حر الشموس=يشهد التاريخ لفعولها في كل عام
ومن يصافيها تداري عليه من الحسوس=تحشمه وتقدره وتحميه من اللئام
عايشين بحكم سيفين والنخله غروس=والشريعه منهج الحكم وزمام النظام
مملكتنا كل عام زهت مثل العروس=في حمى حكام نجدٍ رفيعين المقام
والملك فيها زعيمٍ كما النمر الفروس=خادمٍ مسجد نبيه مع البيت الحرام

وســــــــــــلامتـــــــــــــــــــــــــكم

[سعيّد ابوجعشه]

علي ابن جمه

مرحبا ومسهلا بكـ في مجالس العجمان على الرحب والسعه

وصح السانك على القصيده الجزله ولاهنت

وفي

انتظار جديدك

[محمد نادر سويد]

الاخ علي ابن جمه

ياهلا وغلا وحياك الله

وصح لسانك على القصيده

الجزله المميزه

لاشك من شاعر

جزل متمكن حرف

ومعنا تقبل تحياتي

اخوك

[علي ابن جمه]

المشاركة الأصلية كتبت بواسطة سعيد ابوجعشه

علي ابن جمه

مرحبا ومسهلا بكـ في مجالس العجمان على الرحب والسعه

وصح السانك على القصيده الجزله ولاهنت

وفي

انتظار جديدك

لاهنت ياسعيد على المرور وشهادتك تعني لي الشي الكثير

اخيك/علــــــي ابن جمه آل فروان

[علي ابن جمه]

المشاركة الأصلية كتبت بواسطة محمدالنادراشامري

الاخ علي ابن جمه

ياهلا وغلا وحياك الله

وصح لسانك على القصيده

الجزله المميزه

لاشك من شاعر

جزل متمكن حرف

ومعنا تقبل تحياتي

اخوك

محمد ابيض وجه وشهادتك اعتز فيها لاخلا ولا عدم طال عمرك

[محمد الغيثاني]

علي ابن جمه
كفو ونعم بكم وبلابتك

ومرحبا ومسهلا بكـ في مجالس العجمان على الرحب والسعه

وصح السانك على القصيده الجزله ولاهنت

وفي

انتظار جديدك

[ابونايف الوعيلي]

صح لسانك اخووووي علي بن جمه



اخوووك ابونايف الوعيلي

[علي ابن جمه]

صحت ابدانكم جميع

لا خلا ولا عدم

[ثامر الشميعان]

الله الله

صح لسانك يالذيب

ولاهنت وننتظر الجديد منك

[بندر العجمي]

صح الله لسانك والله لايشينك



قصيده جزله لشاعر جزل