كل شخص وله ميول ومطمع وتخمينـي = ويعرف اصحابه ويعرف من هم معادينـه
وله طموح وله حدود وله مقـام ودينـي = والمذاهب تختلف والشرع واينـه واينـه
ومنطق الرجال يكشـف نيتـه وتبينـي = ذا يبي مستقبله عاجـي وذا فـي دينـه
وذا يبي السجه ويتبع مسلـك السالينـي = وذا يحسد الناس حتى ابيـه ومخاوينـه
واماانا إسمع غايتي يللي تبـي توحينـي = لي ميول مثل خلـق الله وجـب تدوينـه
مايضايقني بـذا الدنيـا يكـون إثنينـي = واحد مطفـوق والآخـر ثقيـل الطينـه
ذا حسب كرهـي ولكـن للمحبـه فينـي = مثل ماللمال في نفس الضعيـف وعينـه
كل شي إسمه مؤنـث مركبـه يغرينـي = لكسز او بي ام او حتى الذلـول الزينـه
والهنوف إللـي هواهـا دايـم بارينـي = حبها قلبي ولو ضاعـت عليـه إسنينـه
والخيال الجامح اسري فيـه ويسرينـي = إووصف خالية العيوب يصير من تخمينه
راكب إللـي مشتريهـا مادفـع تثمينـي = جابها حسب الطلب والمال رهن إيدينـه
عند باب البنـك يستقبـل ولـه تامينـي = في جميع اقطـار الأرض معمـم تامينـه
واما انـا ماجبتهـا إلا بإلغـلا والدينـي = راتبي مرهون فيهـا وإكفـلاي إثنينـه
اسمها ال بي ام وام المركب إللي زينـي = من روايع ماصنـع الألمـان ياشارينـه
بإلترف والتقنيـه واوصافهـا تسبينـي = وبإلنعومـه مركـب الحكـام ياهاويـنـه
كن تحت طبلونها الأيمن مكـان إثنينـي = وطخمة السكان وإللـي حولـه الكابينـه
وكن لون العاج الأدهم بإلشفق يطرينـي = وفيه من لون الذهب لبيـه يـاذا العينـه
وكن لمعة فرشها رخـام بيـت إخنينـي = كـل مادستـه يـزود بلمعتـه وبليـنـه
وإن مشت كنها تمشى إن او تسير بزيني = وهي تقرب نازح المسرى على سارينـه
تفهق اسرع مامشى في الأرض وتسريني = وليتها بارق دجـا ليـل نعـش مسنينـه
آعنيهـا حيـن واكثـر وقتهـا تعنينـي = لانخاني صاحب ضاقـت عليـه إسنينـه
وقال تكفى قلت جـاك العـون ياناخينـي = قدها وابشر بعزك لـو ضروفـي شينـه
حالف إني ماآتفسـل وانـت ذاناصينـي = والكـلام إيقـال ويثمـن علـى حاكينـه
إسر واكشح ليتها العالي ترى دم جينـي = إيتفاعل عقـب إللـي ماتفاعـل جينـه
اسر سيده ياتزين ان او عليك إتشينـي = حالنا واحـد ومرجعنـا تـراب وطينـه
رجلك اليمنى لاترفعهـا عـن البنزينـي = موتري شيكت شغلـه وانتهـى تمرينـه
طول ليل البارحه ماامسيـت يامضنينـي = من هموم جثت الشريـان عـن وتينـه
ولايبـرد كبـدي إلا شربـة ترويـنـي = من قراح ماحد قبلـي حكـا عـن زينـه
02-10-2010, 04:55 AM
العرض العادي
