اليوم الوطني للملكة ( قصيدة )

[ابو جمال المنيس]

بمناسبة اليوم الوطني للملكة العربية السعودية والقيت في مدينة بريدة
بتاريخ23/9/2007 الموافق 11/9/1428بعد ان تلقيت
دعوه من اللجنة المنظمة عن طريق شخص عزيز

باسمي الشخصي وباسم الحضور ارفع سلام=للوطـن وأعيـد وارفـع تحيّـة للعـلـم
في مثل هاليوم مهمـا كتبنـا مـن كـلام=ما يوفي ما نكنّـه مـن إحسـاس وهمـم
يـا وطنـا يـا وطنـا تجـي ذروة سنـام=دايـمٍ عالـي مقامـك بتقـديـر الأمــم
المؤسس ثبّت الساس مـن تسعيـن عـام=وفوقهن سته بـدا السيـر ليـن الله أتـم
فوق سمحة ما ثنى الرجِل وبكفـه حسـام=لين جمّع شمل الأمـة علـى خيـر النعـم
الأمـن والديـن والعـز وأحكـام النظـام=بالشريعة ساوت الشيـخ مـع راع الغنـم
ليـن سلّمهـا رجـالٍ يفكـون الخـصـام=حكمهم شورى على الشرع هو خير النٌظـم
الأمانـة عنـد مأمـون و رجـالٍ عظـام=من سعود لفيصـل الحـق سلّـم وأستلـم
ثم خالـد خالـد الذكـر عينـه مـا تنـام=قبل ما شعبه ينالـون مـن خيـره قسـم
ثم سلمهـا فهـد مـن عزيزيـن المقـام=طوّر النهضـة والأعمـار ولشعبـة دعـم
وفوق هذا ضاف لبنه علـى فعـل الكـرام=يوم خاطر فـي بـلاده ورى هـذي كـرم
عرّض بـلاده للأخطـار يـوم الضـد زام=قال جاري ما تضيمه وأنـا الشهـم الأشـم
أبو فيصل واعد الجـار قبـل إيـدور عـام=في رجـوع الـدار للجـار وأتبعهـا قسـم
كـل قادتنـا علـى الحـق ماشيـنٍ تمـام=يرحم الله من توفـى و يسلّـم مـن حكـم
و ابشري يا داريا دار فـي سِلـم والسـلام=كل شعبك يا طلبتي علـى الواجـب خـدم
يا عسى هاليوم ينعاد لـك فـي كـل عـام=تحت رايـة سـادة المُلـك خـدّام الحـرم
بأمر أبو متعب قيادة علـى نهـج الإمـام=نصرةٍ للدين نمشـي علـى سـاق وقـدم
خادم البيتين و القـدس لـه يمّـه مـرام=للعرب سيـفٍ مجـرب و للمجـرم خصـم
كل ما صارت مصيبة شهر سيفـه و قـام=ما يشابـه لـه بهالفعـل غيـر المعتصـم
يا سمع مضيوم ينخاه ياقـف لـه شمـام=فزعةِ من عقـب تفكيـر مـا فيهـا طعـم
ساعده سلطـان رجـلٍ يضيـم ولا يضـام=بالشجاعـة والمكـارم تحـلـى وإتـسـم
ونايف وسلمان واحمد لهـم درع وحسـام=وكـل الأسـرة بالمكـارم نظـامٍ منتظـم
أسـرة بالخيـر نالـت رضـا كـل الأنـام=كلنا فـي صـوت واحـد نجاوبهـم نعـم
ودي استرسل ولكـن نبـي قبـل الختـام=أشكر بريـدة واهلهـا علـى هـذا الكـرم
والشكر ينصاك يا أمير مدحي لـك وسـام=فوق راسي تاج ثابت مثل وصـف الهـرم
في سموك جزل الأبيـات تسمـو والكـلام=ما يوفي كـل مـا قلـت و يعجـز القلـم
فيصـل البنـدر جميعـا نبلغـك الـسـلام=حاكـم يبنـي بـلاده ولا عـمـره هــدم
ولسمـو نايبـك نرفـع تحيـة وإحتـرام=فيصل المشعل على الطيب حـزّم وإحتـزم
إحتـزم بالمجـد والعلـم وإكـرام الكـرام=وللعـدو قاسـي وينهيـه لامنـه عــزم
والقصيم يقدم الشكر فـي شهـر الصيـام=والشكر مقرون بالصدق والموضـوع أعـم
الولاء والتضحية كـل مـا ثـار العسـام=والبـلاد اليـا تـألـم نشـاركـة الآلــم
من شبـابٍ حطـوا الديـن للغلطـه لثـام=يحسبون الدين تفجيـر مبنـى فـي لغـم
غرّهم عن وجهة الحـق ملعـون الرسـام=يحسبون القـدس بالخـرج هافيـن الذمـم
ومن خرج عن سكة الحـق مافيهـا مـلام=مالـه الا السيـف بالحـق جعلـه للوهـم
ننصحه في بـادي الأمـر والا لـه خطـام=من رجال الأمن نعطيه فـي صـدره سهـم
ومن توفى في سبيل الوطن جسمـه حـرام=ما يطـب النـار ويلـف جسمـه بالعلـم
يرحـم الله شهدانـا كبيـريـن المـهـام=لبوا الواجب كمـا البحـر ياخـض التطـم
من قصيم الخير ثله مـن النـاس الحشـام=عدهـم حـول الثلاثيـن رمــزٍ للشـيـم
ما أنثنوا عن درب أهلهم عزيزيـن المقـام=يفتدون الـدار بالـروح والموقـف حكـم
ورددوا ياللـي تصلـون بالمسجـد قيـام=يرحـم الله شهدانـا نعـم قولـوا نـعـم
وبالختام الدار يبقـى علـى سِلـم وسـلام=ما ربـي فيهـا منافـق ولا يعبـد صنـم

عقيل سعود المنيس الشمري

ابو جمال