مساجله شعريه .......

[محمد الشامري]

نقل فؤادك ما استطعت من الهوى .. فما الحب الا للحبيب الأولي

<< احلى سرقه من توبك ابومسعووود

هههههههههههه

[عاتبـــــــــــوها]

ياغرام مااستطيع انساه لو قلت استطيعه..
ياكلام(ن) من عرفته ماذرفته من لساني
اشتر اللي تشتري فيني وبيع اللي تبيعه..
ماالتفت لوجه غيرك باعني والاشراني..
خل طعناتك قويه وخل نظراتك سريعه ..
يعني اضرب اهرب اضرب اضرب اهرب في ثواني
ماانت باول من شرب صيفي وعطشني ربيعه
ولا انت باخر من خذاني من يدي ولا خذاني..
انت ماوسعت صدري لين ضيقت الوسيعة
كنك تحطب الجروح من المحاني للمحاني ..
كل ساعه لك بصدري رمح اقسى من تبيعه
وكل جرح له بوجهي حزن غير الاولاني ..
في زمنا قالوا أن ماطاوعك هالوقت طيعه
وانت مثل الوقت قاسي طاعني ولا عصاني
أنت لواني خدعتك راح ترضى بالخديعه؟؟؟
بعتني مليوون مره .... حبني مره عشاني !!
خايف تحمل خفوقي مالا يستطيعه...
ويبتليك الله بغيــري مثل مافيك ابتلاني ..
خلني مثل الضياع وشلني مثل الوديعه
انت من ضيعتني مافيه احد غيرك لقاني
واشهد ان الضيعه اللي جابتك ماهيب ضيعه
ضيعة العشاق شي وضيعتي بك شي ثاني ..

[محمد الشامري]

ياهتلرت قلبي الله يرحم ألمانش ### الكبر لله بحاكيش حاكيني

وانا مبركن ركابي عند بيبانش ### والتاجر يصر والرزاق يعطيني

فديت كبدش فديتش بدت اخوانش ### واذا لقيتش وانا طفشان خليني

[هشام]

ياغايتي يا منيتي يا مهجتي ياأغلى نديم=ياأكبر طموحات الهوى ياأعزها وأهمها
أخفي أحزاني صبر ويهل دمعي مثل ديم=وألملم جروح الزمن لكن ياوووووووويش يلمها
يوم المفارق ياعرب يوم على العاشق عظيم=هموم بقعاء كلها جاته على متمها

[محمد الشامري]

الصف الاول مهوب صفي ولا الصف الاخير *** انا انا من حيث ما اجلس هنا يبدأ الرقم

[الشيخه]

من عادتى ما دس درب الهواء دس &&& اللعب على المكشوف واكشف سواده

ومن مد لى يمناه مــديت له خمس &&& ومن صــد عــنى عــفــت شوفــت بــلاده

تقبالو منى خالص التحيه

الشيخه

[ناصر بن مطلق الوعيلي]

ياللي تقول الوقت ماعاد بدري
ترى الوقت بدري وانت ناوي على شر
انا اميرك والهوى تحت امري
ترى السهر قاضي وانا فاضي ومغتر

[رفيعـــة الشـــان]

اشهد ان البعد عن ارض الوطن ,,,

يجعل الانسان في الغربة ذليل ,,,

لو ملك من كل نوع وكل فن ,,,

لو سكن في قصر له ظل ظليل ,,,

يبقى بقلبه حنين ما سكن ,,,

لين يرجع للوطن وافي الجميل ,,,

[العرجاني محمد]

لا بارك الله في الهجر و البعد و الحظ السقيم=وهرجة قفا..يا جعل يوخذ من هرجها ونمّها
الوصل وصال القلوب والصد قطاع الصميم=وأنا عروقي من الجفا خطرٍ يتصفى دمّها
سبة هنوفٍ سافرت ومن عقبها كني يتيم=الجادل إللي وادعت ثم حملتني همّها
فرقى علينا كلنا فرقى حميمٍ عن حميم=فرقى وصلها سمّني وفرقى وصالي سمّها
أخفي أحزاني صبر..ويهل دمعي مثل ديم=وألملم جروح الزمن لكن عجزت ألمّها
يوم المفارق ياعرب يومٍ على العاشق عظيم=هموم بقعاء كلها جاته على متمّها

[محمد الشامري]

صح الله لسانك يالسمي


معرفة بعض الاصاحيب ذنبن من الذنوب &&& علتن من علته اووف يامثقل دمه

علته مهيب تنشاف بالميكروسكوووب &&& ودك احيانا لا على صوته تكتمــــــه