ياللي بشوفك

[عبدالله الصقور]

بسم الله الرحمن الرحيم
السلام عليكم ورحمة الله وبركاته

إكراما للإخوان في المنتدى يشرفني أن أطرح بين أياديكم هذه القصيدة
وهي من الأرشيف


ياللي بشوفك سلبت الــروح من روحــي 0000 إرحــم عيونً قبــــل شوفتك مـــرتاحة
جيتك وانا قبل اشوفـــك عـــاقلً و أوحي 0000 وأقفيت من موقفي والعقل في راحة
جيتك قصيدة خـــذلها صمـــتي وبـــوحي 0000 برضاي ...يومك بمجرى الدم سبّاحة
من نجـــلك اللي تخــلّي القلب مــطروحي 0000 يا كيف يســلم ورمـشـك سيّد الساحة
والليل يــوم انتثر واســرف على ضوحي 0000 اشــعاني البــرق في منحرك مــلواحه
بــركان ذيك الشفايف ثايــر يــفــــــــوحي 0000 والخــد كنّــك قســمتي فيه تــفاحــــــة
فيا ليتني خابـــرً باللي حـــــوى لـــــوحي 0000 كــــود آتهيّى لحــزن القــلب وأفراحه
واصبر على اللي يجي من روحي لروحي 0000 أعيــش مثل البشــر والنفــس مرتاحة

صح الله لسانك ولاهنت نفداك

سلام

[الملكة]

فيا ليتني خابـــرً باللي حـــــوى لـــــوحي = كــــود آتهيّى لحــزن القــلب وأفراحه

صح لسانك يا عبدالله..

وتقبل أطيب التحايا..

[الاب الروحي]

ياللي بشوفك سلبت الــروح من روحــي 0000 إرحــم عيونً قبــــل شوفتك مـــرتاحة


عبدالله

صح صح لساااانك

كتبت فأبدعت

ودعتك الله

[الغروب]

صح لسانك والى الابداع دائمآ

[محمدالنادر]

الاخ عبدالله صح لسانك

ابيات جميله تسلم

ويسلم ذوقك

ويعطيك الف عافيه

تقبل مروري

اخوك

[عبدالله الصقور]

بسم الله الرحمن الرحيم
الأخ / محمد بن دسمة
صح بدنك ويفداك اعداك


الملكة
صح بدنك وأشكر كريم المرور

الأب الروحي
صح بدنك و الإبداع في ذوقك الراقي

لولين
صح بدنك و يكفيني كلمة من شرواك


الأخ / محمد النادر

سحايب النور أمطرت على قصيدتي بعد مرورك

أرجو السموحة من الجميع على تأخري في الرد وذلك لظروف صحية

[مهرة النسيان]

الاوله ماتشوف باس ياخوي

والثانيه صح لسانك ولا هنت ..

تشكراتي + تقديري

[&آهــــات الحــــزن&]

ياللي بشوفك سلبت الــروح من روحــي 0000 إرحــم عيونً قبــــل شوفتك مـــرتاحة
جيتك وانا قبل اشوفـــك عـــاقلً و أوحي 0000 وأقفيت من موقفي والعقل في راحة

صـــــح لسااااااااااانك اخوي عبدالله الصقوووووووووور

[مسعطر]

الله الله الله ..

جزززلة من جزل ..

صح لسانك ..

تقبل مروري ..