( .... ريـموتـي .... )

[راشد الذويب]

السلام عليكم

مساء الخير للجميع ..
ابيات أتمنى من الله عز وجل
أن تروق لكم ..

تقديري وإجلالي ..

يهب الشوق .. في قلبي .. وانـادي=تعالي .. شوفي جروحي .. جـدادي
تعالي .. اسقي الضميـان .. رشفـه=يعيش بها .. مع باقـي .. العبـادي
انا لـولا .. غـلاك .. الـي تمكـن=من أجزائي .. و من كرسي .. فؤادي
رميت الروح .. فاللي .. ما يحفظهـا=لكن عيّا .. غلاك يقول .. عادي ..!!
يقول الروح .. هذي .. مُلك شخصي=وانا اولابهـا .. وهـذي .. بـلادي
وانا مااقول .. غيـر الله .. وكيلـك=يسود الأمن .. و تكـف .. الايـادي
ايادي قصدها .. تبطـش .. وتطغـى=و مادمتي .. داخله منصب .. قيـادي
عليك حراسته .. من كـل .. طامـع=وتراه .. امانتك من كـل .. عـادي
انا سلمتـك .. الاحسـاس .. كلـه=ريموتي في .. يدك والجو .. هـادي
خذيني بين .. احضانـك .. اسيـرك=كواني .. البعد لين .. الكـي جـادي
يروق الجـو .. اذا رقتـي .. واروّق=وابادلك .. الغلا واضحك .. وانـادي
على قمرا .. السما واقول .. شوفي=هوا قلبي .. حلاهـا .. عنـك زادي
وارد العيـن .. لعيونـك .. خسـاره=اضيّع نظرتي .. فـي كـل.. غـادي
واقدم عذري .. لحضـرة .. هدبهـا=اذا شفت .. الزعل .. يا زين بـادي
واقرا الشوق .. في نظرة .. عيونـك=وفي عيني .. من الاشـواق .. وادي
وتضيع حروفنا .. ويكبـر .. هوانـا=في لحظات .. التلاقـي .. والـودادي
لذلـك بـس .. خلينـي .. اسيـرك=بشرط إنك .. غذا قلبي .. وزادي ..!!

0 راشد 0

[سعود الخويطري]

أرحـب أرحـب أرحـب



تسجيل حـضور / ترحيب بـ الذويب راشد . . . بعد طول الغياب




ولي عودة لـ أبداعك المعهود ,,,

[الفرس]

صح لسانك على القصيده الروعه

ابيات معبره جدا

يعطيك العافيه اخ راشد

[عـسـاه خـيـر]

صح السانك يا الشاعـر //

راشــد الـذويـب . رائعه وجـزله من شاعـر متميز


دائما اسجـل أعجابي بروائعك : : : دمت بخير انشاءلله


تقبل تحيـــاتــي

. . .

[فهد بن محسن]

ارحب يابو مسفر


وصح الله لسانك ملايين

ولا هنت يالقرم على هذه الرائعه


وتسلم اناملك على كتابتها هنا في هذه المجالس


ياوجد حالك على ريماس @ والحال عقبك ترا داني




تحياتي لك

اخوك

فهد بن محسن

[مهرة النسيان]

الله الله

صح لسانك ولا هنت ..

قصيده جميله جدا ..

يعطيك الف عافيه ..

[عايض ال مطلق]

راشد الذويب

ارحب وصح لسانك

جزززززززززززززززل

جززززززززززززل

ابيات جزله من الطرق السهل الممتنع

بيض الله وجهك

والله اني ابتسم لكل بيت اقرأه

اتحفنا بالمزيد جزاك الله خير الجزاء

تعالي .. اسقي الضميـان .. رشفـه
يعيش بها .. مع باقـي .. العبـادي

انا لـولا .. غـلاك .. الـي تمكـن
من أجزائي .. و من كرسي .. فؤادي

رميت الروح .. فاللي .. ما يحفظهـا
لكن عيّا .. غلاك يقول .. عادي ..!!

يقول الروح .. هذي .. مُلك شخصي
وانا اولابهـا .. وهـذي .. بـلادي


صح لسانك مليون ياراشد

وهكذا الشعر وهكذا الغزل

تحياتي لك وسلامي

[بندر العجمي]

الله الله وجزل يالذووويب



صح لسانك ولا هنت ..



قصيده جميله جدا والله يعطيك العافيه



اخوووووووووووووووكـ



بندرررررررررررررررررررر

[سعود الخويطري]

انـا سلمتـك .. الاحسـاس .. كلـه = ريموتي في .. يدك والجو .. هـادي
خذيني بين .. احضانـك .. اسيـرك = كواني .. البعد لين .. الكـي جـادي
يروق الجـو .. اذا رقتـي .. واروّق = وابادلك .. الغلا واضحك .. وانـادي
على قمرا .. السما واقول .. شوفـي = هوا قلبـي .. حلاهـا .. عنـك زادي
وارد العيـن .. لعيونـك .. خسـاره = اضيّع نظرتي .. فـي كـل.. غـادي
واقدم عذري .. لحضـرة .. هدبهـا = اذا شفت .. الزعل .. يا زيـن بـادي


الله الله الله



صح الله لسانك يا راشد الذووويب




شاعر جزل بمعنى الكلمه ولله درك ولنا درك يالمبدع




وتقبل سلامي واشواقي ومتابعتي