سعيد وخـــــــولان وجـــــــــه لـــــــــــوجه الان مبـــــــــــــــــــاشره

[ابومحمد الشامري]

المشاركة الأصلية كتبت بواسطة سعيد ابو ديه

شكر لكل من تواجد معانا في هذه الليله الممتعه

ونتمنى ان نكون قد قدمنا ما يعانق ذائقتكم الراقيه

وقد تشرفت بمجارات استاذ الشعر ومدرسة الشعراء

الامبراطور خولان ابن عامر
وإلى ان نلتقي نستودعكم الله وتصبحون على خيلر

ياراعي الذود تالي الوقت لا معزا ولا به ضان=ماباقي من شعيل الا مواطي الخف واعقاله
ترا اللي يابن عامر ما يوفي الكيل والميزان=عسى الله لايبارك يابن عامر فيه ومثاله

صح لسانك يا سعيد ابو ديه ابيات جزله

وصح لسانكم جميع امتعتونا يا الشعراء الكبار الشاعر الكبير خولان بن عامر والشاعر الكبير سعيد ابو ديه بهذه المحاورة الاكثر من رائعة ونطالبكم بمحاورات اخرى ويا مال العافيه على هذه السهرة الشعرية المميزة.

["بدر العجمي"]

بعد ماجاتنا دعوة بدر في منتدى العجمان=سلام الله سلامٍ يروي الضامـي ويروالـه
بعدها ياسعيد الحازبي ماتجهـل العنـوان=وراعي العرف ما يقطع مواصيله وميصاله
على قدر ومعزه مرحبا ياصاحبي خولان=اقوله حشمة(ن)لاهل المحل اللي عنينا لـه
كذا ولاكذا ولا كـذا والمسلميـن اخـوان=ترا من صد عنا ما تنشدنا عـن احوالـه
بعدها ياسعيد الحازبـي يافـارس الميـدان=تجهز واحتزم والقاف كم شخـص تحرالـه
تذكرني عصاء موسى وقصة خاتم سليمـان=لوان البحر الاحمر ما انصفق موجه ولا جاله
ليا ثور عجاج الخيل قلت اسم الله الرحمـن=لشك الموت الاحمر منهو اللي شرب فنجاله
ياكثر اللجه اللي مالهـا معنـا ولا برهـان=وانا في حال ياخولان يؤسف لـه ويرثالـه
ليا ثور عجاج الخيل والبـارود والدخـان=يبان الفارس اللي ناشد ان ابوه عن خاله
تصبر للمصيبه واستعذ بالله من الشيطان=انا ادري انك يابوديه صبرت وحالتك حاله
ترانا يابن عامر لو نعيـش بعالـم النسيـان=تخطينا الحواجـز كلهـا والرجـم نرقالـه
انا الظالم وانا المظلوم انا الجايع وانا الشبعان=وانا اللي في الخلا قامت يمينه تصفق اشماله
الا ياللي بغيت الفيد واصبح فيد بن برمـان=بغى طير ه يجيب الصيد جاب بالموت يشتاله
يقولون العرب ما الحمول الا طويل ايمـان=احد يشقى على غيره واحد يشقى على حاله
يابن عامر بعد هذي وهـذي بـارو الخـلان=حليل الشايب اللي ضاع فكره وانشغل بالـه
متى شمس الضحى ياليلنا المظلم عليك تبـان=سوادك موحش(ن)والفكر مدري وش تراواله
ترى الشرهه يابو ديه على العقال والشيبان=اقوله وانت بتقولـه وكـلٍ مالعـرب قالـه
بعد مات الحريري مابقى سوريّ في لبنان=بعد ماكان يعطي الشام واهل الشام من ماله
ياراعي الذود تالي الوقت لا معزا ولا به ضان=ماباقي من شعيل الا مواطي الخـف واعقالـه
ترا اللي يابن عامر ما يوفي الكيل والميـزان=عسى الله لايبارك يابـن عامـر فيـه ومثالـه

بيض الله وجيهكم

سعيد ابوديه لك كل الشكر والثناء طال عمرك

خولان بن عامر لك كل الشكر والثناء طال عمرك

ليله مميزه فى شبكة مجالس العجمان

والفظل يعود الى تواظعكم

واخلاقكم الراقيه

وقبول الدعوه بكل رحابة صدر
الف الف الف
شكرا ولا يكون

[حبيب]

سعيد ابو اديه وخولان بن عامر


صح الله السنتكم


ولاهنتوا على حضوووركم



وكل الشكر مووصوول للاخ الشاعر بدر العجمي


على دعوووتكم لنا في مجالس العجمان


ونشالله تكرر زيارتكم لنا

[خولان بن عامر]

الله لايهينك ياسعادة الاستاذ شاعرنا الكبير سعيد ابو ديه ولايهين من حضر معنا وتواجد وهذه من ابرك الليالي

وبارك الله في الجميع ولاهنت يابو سعد على الدعوة والاعلان والترتيب والتنسيق


وتصبحون على خير

[سعود الخويطري]

سعيد ابودية ( و) خولان بن عامر




صح الله لسانكم وبيض الله وجيهكم



بلا ادنى شك محاورة رائعه من الطراز الاول




استمعتنا كثيرا بتواجدكم العذب يامحلفنا وياعمالقة الابداع




وأتمنى من كل قلبي رؤيتكم دائما بـ النظم وفن المحاورة في منتداكم




وشكرا للشعارنا مرة اخرى وشكرا لكل من حضر



وتقبلوا سلامي واشواقي


الخويطري

[فهد بن محسن]

صح الله اللسنتكم ياشعار

ولاهنتو وبيض الله وجيهكم

وسلمتو على كل حال


ولا هانو الاخوان المتابعين


سعدنا والله بتواجدكم هنا في هذه المجالس

يامرحبا نقولها اول وتالي ,, والله يحييكم ولا هنتو

وتصبحون على خير

[سلطان ابوديه]

لاهنتواااااااااااااااااااااااا جميع بيض الله وجيهكم


واشكر الشاعرين والاستاذ بدر العجمي على امتاعنا بهذه الليله النادره

[نسناس الجنوب]

ياسلام على الابداع في فن المحاورة والنقض والفتل



والمعنى السمين سجلوني من محبيكم ومشجعيكم انتما وهذا المنتدى الرائع جدا


دمتم بخير

[زبون الجاذيه]

الله لا يهينكم يا شعار على هالوسيمه الطيبه وننتظر تكرارها في المنتدى ولا هان ابو سعد على التنسيق

[القارئ]

يابن عامر بعد هذي وهـذي بـارو الخـلان=حليل الشايب اللي ضاع فكره وانشغـل بالـه
متى شمس الضحى ياليلنا المظلم عليك تبـان=سوادك موحش(ن)والفكر مدري وش تراوالـه


ترى الشرهه يابو ديه على العقال والشيبـان=اقوله وانـت بتقولـه وكـلٍ مالعـرب قالـه
بعد مات الحريري مابقى سوريّ فـي لبنـان=بعد ماكان يعطي الشام واهل الشام من مالـه