بـيـت الـخـيـال .. ؟!

[منصور الرويلي]

رست بـ(مرُسي) يوم ثارت عجاجـه=وطشت (مبارك) في غياهب لحدها

.

بنـت الخـيـال الـلـي نـهـار المـواجـه=أمرْ مـــن مُــــر الـمُـعـانـاه وأدهــــا
مابـيـن عاشقـهـا وعـنــق الـزجـاجـه=حضورهـا عقـب البطـا فــي وعـدهـا
وأن كـان عاشقـهـا تـكـدّر مـزاجـه ؟=يـشـوف هالعـالـم كـبــر كـــف يـدهــا
أن أدبـــرت بـحــرٍ تــلاطــم أمــواجــه=وأن أقبـلـت غـيـث الغـيـوم ومـدُدهـا
أول بشـايـرهـا : ضـجـيـج ولـجـاجـه=وآخـــر بشـايـرهـا : تــسُــود أبـلـدهــا
رست (بمرُسي) يوم ثارت عجاجـه=وطشت (معُمر) في غياهب لحدها
قـبـل طـريـق العابـريـن .. أزدواجــه=يـقـتـل مهابـتـهـا ويــــزرع نـكـدهــا ؟
تفـتـح طـريـق الـلـي يـــدور خـراجــه=أصـعــب مـسـافـه مـاتـبـيّـد جـهّـدهــا
مـغـرورةٍ تـأخـذ مــن الـوقــت تـاجــه=مسطـورةٍ تضحـك علـى مـن نقـدهـا
علـى كثـر مـا بالبشـر مـن سذاجـه=الله رفـعـهـا وأعـتـلـت مـــن مـهـدهــا
مــن طـهـر مبـداهـا ونـــدرة رواجـــه=ماصافـحـت كـــفٍ يـخــون بعـهّـدهـا
لها صبـاح الخيـر يضحـك حجاجـه=كــن الصـبـاح يّـعــزي الـلــي فـقـدهـا
فـي روحـهـا ســر الـفـرح وابتهـاجـه=يحيا بها صـدرٍ شـرب مـن شهدهـا
ديـمـومــةٍ بــيــن الــقــراح وهـمــاجــه=تـروي جفـاف الارض غيمـة بردها
بنـت الخـيـال الـلـي نـهـار المـواجـه؟=عـلـى ضـفـاف الـعـز رأيـــة سـعـدهـا

.

.