ربعي العجمان محد(ن)لغير الله سجد

[البركان الثائر]

قصيدة في صاحب الاسمو الملكي الأمير سلمان بن عبد العزيز أمير منطقة الرياض
بمناسبة عودته من الخارج

مرحبا مليون ترحيب يا وجه السعد=رحبت بك نجد واجبالها واسهالها
ينتظرك الشايب العود من قبل الولد=الرجال اللي تنومس جميع افعالها
للوطن يا ابو فهد غيث برّاق ورعد=غيث وبله ما بقي ديره الا سالها
من سحابه وبلها للعرب سيل وبرد=ربّعت كل البوادي علي همالها
والجزيره واهلها رحبت يا ابو فهد=شوق من هي ناشد(ن)عمّها من خالها
وانت حاكم نجد وانت الأسد وابن الأسد=شجرة(ن)كل المخاليق تحت اظلالها
لا تطوّل غيبتك للقبايل والبلد=والحمول الكايده في ظهور اجمالها
سيدي يا سيدي جيت لك علي الوعد=والمواقف تحتملّها زحول ارجالها
وانت منصي للحمايل ومن جالك شهد=وانت عثرات الحمايل رضاء تشتالها
وانت من غرّات بقعاء ومخلبها سند=كم عزيز(ن)من غثاها شرب فنجالها
لو اعدد جود يمناك ما خليت احد=وانت يا سلمان ذخر العرب وآمالها
كلنا يا ابو فهد كلنا لآخر عدد=المشاكل كلها سيدي حلالها
لو تنادي يا طويل العمر محد(ن)قعد=كل شيبان القبايل وكل اعوالها
امركم يا سيدي للقبايل معتمد=عمدوا عقالها في نحر جهالها
ننطح الأرهاب عيب(ن)علي من هو شرد =نرتكـي لأخفافهـا ونرتكـي لأثقالهـا
وربعي العجمان محد(ن)لغير الله سجد=في سبيل الله ودينه تبيع أجالها
سيدي حنا نصون العهد حتي اللحد=والمعارك ما تزعزع قلوب ابطالها
والله العظيم والله هو الفرد الصمد=والله المعبود علام غيب أليالها
من رفع سبع السماوات فوق ابلا عمد=ومن بسط سبع الأراضي وروس اجبالها
كل ما قلته حقيقه وانا علي العهد=سيدي واهل الوفاء ثابتات اقوالها
مرحبا مليون ترحيب يا وجه السعد=رحبت بك نجد واجبالها واسهالها

[فهد بن محسن]

المشاركة الأصلية كتبت بواسطة البركان الثائر

وربعي العجمان محد(ن)لغير الله سجد=في سبيل الله ودينه تبيع أجالها
سيدي حنا نصون العهد حتي اللحد=والمعارك ما تزعزع قلوب ابطالها
والله العظيم والله هو الفرد الصمد=والله المعبود علام غيب أليالها
من رفع سبع السماوات فوق ابلا عمد=ومن بسط سبع الأراضي وروس اجبالها
كل ما قلته حقيقه وانا علي العهد=سيدي واهل الوفاء ثابتات اقوالها
مرحبا مليون ترحيب يا وجه السعد=رحبت بك نجد واجبالها واسهالها

لاخ الشاعر \ البركان الثاير

صح الله لسانك وبيض الله وجهك على ذا القصيدة الجزله في ابو فهد

ويستاهل ابو فهد القصيد الجزل


تحياتي لك اخي الكريم

[السنافي]

الاخ الشاعر \ البركان الثاير

صح الله لسانك وبيض الله وجهك على ذا القصيدة الجزله ولهيب غريبة من شاعر مثلك

[البركان الثائر]

الاخ العزيز فهد بن محسن الله لا يهينك
ودايم سباق للطيب
تحياتي

[البركان الثائر]

الاخ العزيز السنافي عزالله انك سنافي علي اسمك
يا القرم

[البركان الثائر]

الاخ فهد بن محسن لا هنت سقط بيت هو اساس القصيده

ننطح الأرهاب عيب(ن)علي من هو شرد=نرتكـي لأخفافهـا ونرتكـي لأثقالهـا

قبل ربعي العجمان

[حبيب]

الاخ الشاعر البركان صح السانك

مليوووووووووووووووون ولايكفووووون

وابوفهد يستاهل المدح ووانت ماقصرت

قصيده جزله من شاعر جزل

تحياتي

[علي العرجاني]

صح لسانك يالبركان

تحياتي

[البركان الثائر]

الاخ العزيز حبيب لا هنت يا القرم

[البركان الثائر]

الاخ العزيز الاسير لا هنت يا القرم