قصيدة الشاعر والفارس هادي بن محمد آل صمعان آل هادي

[تأبط رأيا]

من المعروف والمشهور عن ال هادي انهم كانوا دايم يتنزحون عن العجمان في منزالهم وينزلون القفر وأشتهر شيخهم ليل بن فهاد المتلقم بذلك وكانوا في سوق الإبل في الأحساء اذا ارادوا ان يرفعون من سعر الناقه يقولون ( مربعه مع ليل المتلقم )

أرسل الشيخ فلاح بن راكان ال حثلين إلى ال هادي وقالهم تعالوا دونكم واقربوا مننا لايجونكم القوم ولاعاد تلحقكم الأفزاع

وأرسله الفارس هادي بن محمد ال صمعان هذه القصيده :

البارحة ياعبيـد ماجانـي نعـاس=كني ربيطٍ صوب حبسه يقادي
بيني وبين النوم تسعين حراس=والكل منهم راكب له جوادي
ياراكب(ن) من عندنا فوق عرماس=يشبه لريم(ن) ذايرن مع حمادي
ملفاه مِرذين الركايـب والافـراس=عدوهم يكسر نهار الطرادي
ملفاه شيخٍ من قديمٍ علـى سـاس=فلاح زبن الجاذيه بالهجادي(1)
حنا حزام(ن) لك من الكره والباس=لاصار فالميدان جزر وحصادي
عدونا ياتي على الـراس نكـاس=من فعلنا تلبس حريمـه سـوادي
كم خايعن تلقـا حباريـه نسـاس=واللي مقذرها رعايا آل هادي
هواديِن وقت الشدايـد والأتعـاس=ذباحـتٍ للحيـل هرجـن وكـادي
حنا مراقيب الشحم وانشد النـاس=ونحمي عقاب مقرقعـات التـوادي
لاثارعجن به هل الخيـل غطـاس=برماحنا نفـرا النحـر والثنـادي
أخذ الصحيح وخل منـك تهجـاس=ماهي تناتيـف الحكـا والـدوادي
عجمان لامن صار في الحبل لولاس=حنا على الجمع الموالـي نفـادي
أفعالنا بين العـرب ترفـع الـراس=يشهد لنا التاريخ من عصر عادي
هذا وصلوا عـد ماهـب نسنـاس=على شفيع الخلـق يـوم التنـادي

___
(1) فلاح : هو الشيخ فلاح بن راكان آل حثلين

___

سوالم

[الـهـادي]

لاهنت على ذا القصيده والله يرحمهم ,,

[ابومحمد الشامري]

كم خايعـن تلقـا حباريـه نسـاس
واللي مقذرهـا رعايـا آل هـادي
هواديِن وقت الشدايـد والأتعـاس
ذباحـتٍ للحيـل هرجـن وكـادي
:
كفو كفو كفو يستاهلون ربعنا ال هادي المدح من اول وتالي والله يرحم ابن صمعان ويسكنه الجنه

ولا هنت اخي العزيز تأبط رأيا على الموضوع الطيب اللي نومسني وانا أقراه

[هادي بن فهاد]

لاهنت على ذا القصيده ... والله يبيح منا ومنهم

[ابن طفله]

الله لا يهينك على القصيده الزينه والنعم والله فآل هادي كلهم
تقبل مروري

[king الوادي king]

لاهنت على نقل القصيده الجزله والطيبه

والله لايهينك على كل حال

ونعم في ربعنا ال هادي وتسلم على النقل

[اسكيت]

ونعـــــــــــــــــــــــــــــــــــــــــــــــ ــــــــــم والله

بأل هادي


كفوووو والله كفوووووو جعل عيني ما تبكيهم


\ اسكيت