دخول البنات في الصراع الانتخابي تأييد أم رفض ؟؟

[عبدالرحمن آل ضبان]

المشاركة الأصلية كتبت بواسطة الخليفه

أنا ضد ترشيح المراءه

كون مكان المراءه البيت لكن في التطبيقي مكانها في دراستها

لاهنت يابو سيف وبارك الله فيك

ولا يشينك يابوخالد ولاهنت على المرور والتعليق الراقي منك وعزالله صدقت المرأة مالها الا بيتها بس بهالزمن قليل ماتلاقي بنت موو موظفه لازم اتتوظف لأنها صاارت مسؤووله مثل الرجال

اكييد الدراسه من حق البنت بس عن الترشيح في قائمه انا ما أيد لأنه ايكوون هناك تواصل مع رئيس الاتحاد والشباب اللي بالقائمة وهذي وجهة نظري أنا

لاهنت بابن زريق على التعليق وجهة نظر احترمها ...

[عبدالرحمن آل ضبان]

المشاركة الأصلية كتبت بواسطة الفهد10

انا ضد ترشيح المره لان المره مكانها بيتها وان اكبر نعمه لها هي اطفالها في تربيتهم وملاحظتهم ولا لتركهم عند الخدامه اللتي لا يعرف مذهبها
والمره ليس هناك مشكله بدراستها لكي تعلم اولادها
اما من خلقت الدنيا والمره مكانها البيت يسترها وتقوم بعمال زوجها لحين وصوله

يامرحبا بأخي الفهد ولاهنت على مرورك وتعليقك الطيب والله انك صادق انا اكبر نعمه للبنت انها محشوومه عند أهلها ووعند رجلها

والبيت اصلا وظيفه وأحسن وظيفه للمرأة بس ألحين وقتنا هذا صارت المسؤوليات اكثار واكثر الحريم موظفات وطبعا في وظايف محترمه مثل وزارة الأوقاف والمدارس الخ والتدريس حق البنت ومايختلف فيه اثنين

لاهنت على تعليقك ووجهة نظر محترمه

[عبدالرحمن آل ضبان]

المشاركة الأصلية كتبت بواسطة {~ فـخـ ر إبـ وي ~ }

\

معها في مياديين الدراسه ولا ضر في ذلك

لان دخولها مافيه اي شي يعيبه

ولا شي يحرمه ان كان في حدود وضوابط

وعدم مخالطة الرجال بـ شكل مباشرر

فـ هي هدفها الاول والاخير توصيل مشاكل المرأهـ

في ميادين الدراسه وتحقيق اهدافها

ولا تأتي من باب ( الرجال قوامون ع النساء )

فـ هي لم ترفع صوتها ع صوت الرجل

ولكن توصل احتياجاتها بـ شكل غير مباشر

\

طبعاً ذا رايي الشخصي

واحترم اراء الباقيين

ولاهنت اخوي ع الموضوع

\

مرحبا اختي فخر ابوها مشكورة عالمشاركه

وطبعا شي طيب انه اتوصل المشاكل اللي يواجهونها البنات في الكليه

ولكن من وجهة نظري هناك العديد من الطرق الأفضل يعني اكيد ان احد الطالبات لها صلة قرابه من اعضاء الإتحاد وتووصل له المشاكل اللي يعانون منها ....

وثانيا حنا يا القبائل لنا عادتنا وتقاليدنا يعني محافظين اكثر وهناك من الطالبات عادي الوضع عندهم فخلوهم بدالكم ينزلوون احسن

واكيد مافيها عيب اذا كانت ملتزمه وفي حدود مظبوطه بس ماأعتقد انه مايصير على الأقل تواصل بين البنت ورئيس الاتحاد يعني اكيد بتكوون هناك مشاكل ويجب ان يكوون هناك تواصل

وجهة نظر محترمه واشكرش على مشاركتش

[عبدالرحمن آل ضبان]

المشاركة الأصلية كتبت بواسطة بنت^العلمية

وعليكم السلام ورحمة الله وبركاته

يعطيك العافيه أخي المحترم على الموضوع الشيق والبناء ..

أنا مع التصويت في الإنتخابات والدعم والتأييد وضد الترشيح !!

أرجو أن يسود النقاش الرقي بالطرح والأسلوب المحترم والإبتعاد عن التجريح !!

شكرا ..

لي عوده مع تفاصيل أكثر ومبررات ....

مشكوره على المشاركه اختي بنت العلميه وراي محترم واحترمه يعطيش العافيه عالمرور

[عبدالرحمن آل ضبان]

المشاركة الأصلية كتبت بواسطة السنافي1

ياستير

يا ستير

بو يوسف موضوعك جميل وطيب وراقي

ورأيي إن الفتاة

لا تشارك لا من قريب ولا من بعيد

ومداخل الشيطان كثيرة وملتوية

والكيس من دان نفسه

وإبتعاد عن الشبهات مطالبون فيه

حفظنا الله وحفظ بناتنا من شر العولمة

مرحبا بك يا السنافي ومعاك ابو سيف

رايك طيب ولاهنت عالمشاركه وانا بعد عندي انها مااترشح نفسها احسن خل تبتعد واتريح نفسها احسن وش لها باللجه وعوار الراس البيت يمدحوونه

الدراسه زينه بس انها اتشارك بالصراع الإنتخابي ما أييده طبعا قصدي الترشيح

مشكور اخي السنافي عالمشاركه

[بنت اصل]

لي عوده

[عبدالرحمن آل ضبان]

بإنتظار العوده انا هم بتزهب للمصارعه

[بنت اصل]

^^


اوكي

بس اول بسالك سؤال؟


انا هالسنه كنت بنزل اسمي بالترشيح مال احد قوائم كليتنا

بس للاسف صار لي ضرف واجلناها للسنه الجايه


فا السؤال؟

لو شفت اسمي فلانه بنت فلان العجمي مرشحه القائمه الفلانه لكليه العلوم


شبتسوي..؟؟؟

[عبدالرحمن آل ضبان]

انا عادي صارت هالكورس انا أخر كورس بالتطبيقي وجاني واحد من الشباب تعال صووت حق بنت عمك قلت بنت عمي منوو ؟؟

قال نازله ويانا بالقائمة عجميه إيقولها بإستهزاء انزيين قلت له وش تبيني أسويلك قال تعال صووت ....

قلت له انزين مافي أحد من بنات عمك نازله قال امعصي احد من بناتنا ينزلوون الصراحه عطيته ظهري ومشيت قالي تعال صووت مشييت ماردييت علييه ..

المهم اللي بوصله اني لما قريت اسم العجمي طالبه نازله من ناحيتي ما أهتميت لها مشيت و قلت هذي بكيفها وجهة نظرها وخليتها بس من ناحيتي انا لو اختي بتنزل منعتها هذا اذا هي مفكرة تنزل لأنها لوو شنوو مافكرت تنزل وسلامتج

هذا طبعا وجهة نظري وكل واحد له وجهة نظر

[بنت اصل]

اممم

يعني هالبنت وطت راسك بالكليه لمن نزلت اسمها؟؟