عبد الله بن مسفر الوعيلي يطلب فزعة الشيخ راكان بن خالد بن حثلين

[مجالس العجمان]

السلام عليكم ورحمة الله وبركاته
:
عندما تتكالب الظروف وتنهك أكتاف الرجال فلا بد من حضور الشعر.. كي .. يوجه لمنهم يستحقون ان يوجه .. لهم .. نعم .. هم .. ولا احد غيرهم ....
انهم صناديد الرجال اهل المواقف وملاذ الخائف والمبتلي ..
عموما لن نطيل عليكم في هذه المقدمه وسنعطيكم المجال لمعانقة حروف القصيد...
هنا قصيده .. موجهه لـ الشيخ / راكان بن خالد بن حثلين ..
من السجين / عبدالله بن مسفر بن محمد الوعيلي اليامي ....
:

يالواحد لأحد يالله يا رب يـا رحمـان=ياوالي الأمر يا عالـم الغيـب سبحانـه
طلبتك وأسالك يا الهي رفيـع الشـان=تغفر الذنـوب وتنقـذ نفـوس غرقـانه
يامنجي سفينة نـوح ومقـدر سليمـان=ونجيت يوسف يوم بـارو بـه اخوانـه
أن تظهر سجين من ورا خمسـة البيبـان=وقع في قضيه نـاس مالـه بهـا خانـه
ابشكي على الله ثم على شيخنا راكـان=راعي المجلس اللي مـا يقلـون ضيفانـه
ابو خالد كفوا وعـاده مـن العجمـان=هواشم شريف فعلهـا شـاع برهانـه
لي شدَوا سروج الخيل لمصادم الفرسـان=تزلزل لأراضي والجبـل ثـار بركانـه
قبيلة تضـد القـوم وتكـرم الضيفـان=مع أهل الوفـى تافـا ولاهـي بخوانـه
ترى سلمها الترحيب للضيف والجيـران=وزبن الدخيل اللي شرى حرب عمانـه
ونعم بهم لا جار وجه الزمـان وشـان=يخلـون راعـي الديـن يوفـي لديانـه
لما صعبة الحجه وكبرت علـى الانسـان=يرد الخبـر لأهلـه وماضيـه وأزمانـه
ويا ابومحمد خابر لـك مـع العربـان=محبـه وتقديـر علـى النـاس وميانـه
أبي أرسل عليك الربع والخط والقيفـان=وترى الشيخ فزعاتـه لربعـه وجيرانـه
أنا طايح في مشكلـه والمقـدر كـان=ومن طاح تشفع لـه ربوعـه وخلانـه
أنا ابغيك تفزع لي من الموقـف التعبـان=تراني وحيـد وأكثـر النـاس تعبانـه
وجودي وجود مصوب داخـل الميـدان=ولا في يـده حيل وحيلـه بعدوانـه
تردت هقاويه وعشـره غـدت ثمـان=ولا عـاد لـه بالربـح زوده ونقصانـه
ويا عزتالي منـك يالحـزن والحرمـان=حزين النهار ويضـوي الليـل بأحزانـه
انا ميت منها وتضحـك بهـا العـدوان=وهذا الزمن يضحك ويبكـي لصحبانـه
وهو كان له هقوه ولا جت على الإمكان=حكمه القدر حطـم وجـوده وبنيانـه
ترا العمر له حدا مـن الـزود للنقصـان=وللصبر حـد وقـد تجـاوزت حدانـه
حداني زمان الشر وأشكي على الشجعان=ويـا والله اللـي عـض فينـي بنيبانـه
وحسبي على من حدني صوب ذا المكـان=وأنا كان ما شاهدت بابـه وجدرانـه
متى تنجلـي غمامـة الـزور والبهتـان=وتشميت عدوان ً على النـاس فرحانـه
ولاعندي إلا طلبـت الواحـد المنـان=منه عطـا يعطـي لـو النـاس منانـه
ويا زين حظ الواحد اللي كسب لإحسان=ويا شين حظ اللي غدا الوقت بإحسانـه
هذا ملفي رابـح وذا ملفـي خسـران=ويالله لا تحشرني مـع نـاس خسرانـه
يا معطي العصا موسى ويا منزل الفرقـان=زين لنـا اللـي مـا قدرنـا بزيانـه
ترى الشعر له معنى وقاف ولـه ميـزان=ولا يستـوي للـي غشيـم بميـزانـه
ولاني بشاعـر لكـن الصبـر والزمـان=عطاني دروس داخـل الصـدر رنانـه
وعند الختام اعـوذ بالله مـن النسيـان=فكم واحد أغـواه الأخـرص بطغيانـه
وأصلي وأسلم في البدايه وفـي الختمـان=على المصطفى اللـي خصـه الله بقرآنـه

:
( 0552288682 - 0553155200 )

[someone]

نسال الله العلي العظيم ان يفك كربتك وان يجلي همك
انك قادر سبحانك الله لا الله الى انت
ودام انك سندت على راكان بن خالد
ابشر بلفرج
فوالله انه مايذخر بشي يحتاله
لا بجاهه ولا في ماله
والله يفك كربتك انك لعلى كل شي قدير

[king الوادي king]

بسم الله الرحمن الرحيم
اللهم فك عوقه واخرجه من همه الا فرج يارب العالمين
وماعليك زود في مدح ربعي العجمان
وكفوووووو ابو محمد راكان بن خالد راعي الصعيبات وان شاء الله ياقف موقف كلن يحكيبه ولاهي غريبه عليه ولاهنتو مجالس العجمان على نقل القصيده

[ابوعبدالرحمـن]

الله يفرّج كربته

[الخليفه]

الله يفك عوقه

[ابو مسفر]

راكان ليا من حل فتل الاشانيب = حلحيل حلال الصعيبة فحلها
نسل الشيوخ اللي تفك المطاليب = امجادهم بالسيف محدن يصلها

الله يفك عوقك يا بن فاق وان شاء الله انك ارتكيت على جبل وابو خالد قدها


لا هنتوا يالادارة

[فيصل أل هتلان]

يارياجيل قسم بالله ان القصيده ابكتني . الله يفك عوقك ياوجه هشام
وابو محمد وافي ولاهوب مقصر وانا متاكد ان ابو محمد بيفك نشبها

[محمد آل مفرح الضاعني]

الله يفرّج كربته

[تركي بن ناصر]

ندعوا الله العلي القدير ان يفك عوق ابن فاق
والشيخ راكان بن خالد منصى للقصيد والركايب

وبيض الله وجيهكم يا ادارة مجالس العجمان

[حــســن الــعــذاب]

الله يفرّج كربته