إي والله أهوجس ولاني بمرتاح.. رائعة ابن فطيس بصوت بحر الكرم

[عبدالله آل عامر]

بسم الله الرحمن الرحيم
:
أسعد الله أوقاتكم اخواني وأخواتي أعضاء وزوار مجالس قبيلة العجمان بكل خير
:
أقدم لكم الليلة قصيدة من قصائد المبدع الشاعر: محمد بن فطيس المري
:
وقد قام بإنشادها المبدع: بحر الكرم
:
أتمنى ترتقي لذائقتكم الراقية؛؛؛
:

إي والله أهوجـس ولانـي بمرتـاح=والحزن فى حوش الحنايـا بفـاروع
أمسيت من وصل المواليـف مـزاح=وأصبحت من فرقى المواليف مفجوع
البارحة فى غبـة الوصـل سبّـاح=واليوم من عرش المواصيل مخلـوع
يا صاحبي صرح الهوى والوفاء طاح=والقلب كنّه مـن عراويـه مقشـوع
كنت أحسب إن لحبنا عشـرة أرواح=إلين شفت الحبـل في يديّ مقطـوع
يوم العهد به حده أسبـوع لـي راح=أسبوع ويعوّد علي شـوق ودمـوع
واليوم خمس سنين والهـم مـا زاح=هم الفراق اللي بلا عـذر مشـروع
أستغفر الله تسعـة شهـور يا صـاح=في غيبته قمت أحسب اليوم بأسبوع!
ضاع الحساب وشفت برق الجفا لاح=وأيست لو لا إن الرجا فـيك مـزروع
العام خلي يسمـع القلـب لا صـاح=واليوم مهما صاح ما هـو بمسمـوع
وحالي نحل والحال ما هو بمنسـاح=من كثر ما أظمأ للمواصيـل وأجـوع
بليت لي من دونه سيـوف ورمـاح=وغدا علي وصله مثل حبـة الكـوع
له مني إن سره على الناس ما بـاح=ولي منه إن الصد غصبٍ بلا طـوع

:

:
للتحميل من هنا
:
تقبلوا تحياتي وتقديري
:

[king الوادي king]

لاهنت لاهنت يالذيب وبيض الله وجهك على النقل المميز والجديد وجعلك تسلم على كل حال

[عبدالله آل عامر]

لاندمت يا ملك الوادي ووجهك أبيض يالغالي
:

[ناثرة الورد]

.. السلام عليكم ورحمة الله وبركاته ..

{ شُـكـرت لـروعـهـ الاختيار الرائع و المميـز ..

دمت بهـذا الابداع ~

[عبدالله آل عامر]

وعليكم السلام ورحمة الله وبركاته
:
العفو يا ناثرة الورد وتسلمين على تشريفش الراقي
:

[هادي بن فهاد]

الله الله

لاهنت

يابوسراج

على الاختيار الموفق بارك الله فيك

[عليل المحبه]

إي والله أهوجـس ولانـي بمرتـاح

والحزن فى حوش الحنايـا بفـاروع

أمسيت من وصل المواليـف مـزاح

وأصبحت من فرقى المواليف مفجوع

ياسلام سلم

لله درك يابن فطيس
صح السانه وبوحه


وصوت المبدع /بحر الكلام


عبدالله ال عامر

جات بوقتها جعل عمرك طويل


ولاهنت لاهنت

[عبدالله آل عامر]

لاندمتوا وجعلك والله تسلمون على تشريفكم الراقي
:

[الغروب]

عبدالله آل عامر

احسنت ابداع في الكلمات والاداء

لك تقديري.

[ابوعبدالرحمـن]

يا سلآم عليــــــــــــــك

إختيار ملكي يالذيب

تسلم يمينك